ಹಿಂದಿನ ಪ್ರಧಾನಿ ಅಬೆ ಅವರ 8 ವರ್ಷಗಳ ಅಧಿಕಾರವಧಿಯಲ್ಲಿ ಕ್ಯಾಬಿನೆಟ್ ಕಾರ್ಯದರ್ಶಿಯಂಥ ಪ್ರಭಾವಿ ಸ್ಥಾನದಲ್ಲಿ 71 ವರ್ಷದ ಸುಗಾ ಕಾರ್ಯ ನಿರ್ವಹಿಸಿದ್ದಾರೆ. ತಮ್ಮ ಮುಂದಿನ ನಡೆಗಳ ಕುರಿತು ಸುಗಾ ಮಾತನಾಡಿದ್ದಾರೆ. ಅಬೆ ಅವರ, ‘ಅಬೆನಾಮಿಕ್ಸ್’ನ ಭಾಗವಾಗಿದ್ದ ಸರಳ ವಿತ್ತೀಯ ನೀತಿಯನ್ನು ಮುಂದುವರಿಸುವುದಾಗಿಯೂ, ಸರ್ಕಾರದ ಖರ್ಚುವೆಚ್ಚ, ಸುಧಾರಣೆಯ ವಿಚಾರದಲ್ಲಿ ಅಬೆ ಅವರು ಅನುಸರಿಸುತ್ತಿದ್ದ ನಡೆಗಳನ್ನು ಪಾಲಿಸುವುದಾಗಿಯೂ, ಅಮೆರಿಕದೊಂದಿಗಿನ ರಕ್ಷಣಾ ಮೈತ್ರಿಯಲ್ಲಿ ರಾಜತಾಂತ್ರಿಕ ಮಾರ್ಗ ಕೇಂದ್ರಿತ ನಿಲುವು ಹೊಂದಿರುವುದಾಗಿಯೂ ಸುಗಾ ಸ್ಪಷ್ಟಪಡಿಸಿದ್ದಾರೆ.