ನ್ಯೂಜಿಲೆಂಡ್‌:ತಿಂಗಳಾಂತ್ಯದಲ್ಲಿ ಲಾಕ್‌ಡೌನ್ ತೆರವು, ನಾಳೆಯಿಂದ ನಿರ್ಬಂಧ ಸಡಿಲಿಕೆ

ಆಕ್ಲಾಂಡ್‌ ನಗರದಲ್ಲಿ ಕಳೆದ ವಾರದವರೆಗೂ ನಿತ್ಯ 150 ಹೊಸ ಕೋವಿಡ್‌–19 ಸಾಂಕ್ರಾಮಿಕದ ಡೆಲ್ಟಾ ರೂಪಾಂತರ ಸೋಂಕಿನ ಪ್ರಕರಣಗಳು ವರದಿಯಾಗಿದ್ದವು. ಒಟ್ಟು ಸೋಂಕಿನ ಸಂಖ್ಯೆ 4500ಕ್ಕೆ ಏರಿತ್ತು.

’ನಗರದಲ್ಲಿ ಕೋವಿಡ್‌ ಲಸಿಕೆ ಹಾಕುವ ಪ್ರಕ್ರಿಯೆ ಸುಧಾರಿಸಿದೆ. ಶೇ 90ರಷ್ಟು ಮೊದಲ ಡೋಸ್‌ ಮತ್ತು ಶೇ 80ರಷ್ಟು ಮಂದಿ ಎರಡನೇ ಡೋಸ್ ಲಸಿಕೆ ಪಡೆದಿದ್ದಾರೆ. ವಾರಾಂತ್ಯದಲ್ಲಿ ಎರಡು ಡೋಸ್ ಲಸಿಕೆ ಪಡೆದವರ ಪ್ರಮಾಣ ಶೇ 90ರಷ್ಟಾಗುತ್ತದೆ. ಲಸಿಕೆ ನೀಡಿಕೆ ಪ್ರಮಾಣದಲ್ಲಿ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಲಾಕ್‌ಡೌನ್ ನಿರ್ಬಂಧಗಳನ್ನು ತೆರವುಗೊಳಿಸಲು ಸಿದ್ಧತೆ ನಡೆಸಿದ್ದೇವೆ’ ಎಂದು ಜೆಸಿಂದಾ ತಿಳಿಸಿದ್ದಾರೆ.

’ಮಂಗಳವಾರದಿಂದ ಆಕ್ಲಾಂಡ್‌ನಲ್ಲಿ ರಿಟೇಲ್ ಮಳಿಗೆಗಳು ಮತ್ತು ಮಾಲ್‌ಗಳು ಪುನರಾರಂಭಗೊಳ್ಳುತ್ತವೆ. ಜೊತೆಗೆ ಗ್ರಂಥಾಲಯಗಳು, ವಸ್ತು ಸಂಗ್ರಹಾಲಯ ಮತ್ತು ಪ್ರಾಣಿಸಂಗ್ರಹಾಲಯಗಳೂ ಆರಂಭವಾಗುತ್ತಿವೆ. ಹೊರಾಂಗಣದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ 10 ರಿಂದ 25 ಮಂದಿ ಭಾಗವಹಿಸಲು ಅವಕಾಶ ನೀಡಲಾಗಿದೆ. ಜಿಮ್, ಚಿತ್ರಮಂದಿರಗಳನ್ನು ಆರಂಭಿಸಲು ಅವಕಾಶ ನೀಡಿಲ್ಲ.