ಬೈಡನ್‌ ತಾಯಿ ಕ್ಯಾಥರೀನ್‌ ಅವರು ತಮ್ಮ 92ನೇ ವಯಸ್ಸಿನಲ್ಲಿ 2010ರಲ್ಲಿ ನಿಧನ ಹೊಂದಿದರು. ತಾಯಿ ಕ್ಯಾಥರೀನ್‌ ಅವರು ತಮ್ಮ ಮೇಲೆ ಆಳವಾದ ಪ್ರಭಾವ ಬೀರಿರುವುದಾಗಿ ಬೈಡನ್‌ ಹಿಂದೊಮ್ಮೆ ಹೇಳಿದ್ದರು. ಚಿಕ್ಕಂದಿನಿಂದ ತಮಗಿದ್ದ ತೊದಲು ಮಾತಿನ ಸಮಸ್ಯೆಯಿಂದ ಹೊರಬರಲು ಅವರು ನೆರವಾಗಿದ್ದನ್ನು ಬೈಡನ್‌ ಸ್ಮರಿಸಿದ್ದರು. ಅಲ್ಲದೆ, ತಾವು 29 ವಯಸ್ಸಿನಲ್ಲಿ (1972ರಲ್ಲಿ) ಮೊದಲ ಬಾರಿಗೆ ಅಮೆರಿಕದ ಸೆನೆಟ್‌ಗೆ ಸ್ಪರ್ಧಿಸಿದಾಗಿ ಹಣ ಸಂಗ್ರಹಿಸಲು ‘ಕಾಫಿ ಮಾರ್ನಿಂಗ್‌‘ ಸಂಘಟಿಸುತ್ತಿದ್ದದ್ದನ್ನು ಅವರು ನೆನಪಿಸಿಕೊಂಡಿದ್ದರು.
