ಕೀಟಗಳ ತೊಲಗಿಸಲು ‘ಬೆಳಕು ಸೆಳೆತದ ಬಲೆ’ ತಂತ್ರಜ್ಞಾನ

ಬೆಂಗಳೂರು: ಬೆಳೆಗಳಿಗೆ ದಾಳಿ ಮಾಡುವಕೀಟಗಳನ್ನು ಬೆಳಕಿನ ಸಹಾಯದಿಂದ ಸೆಳೆಯುವ ‘ಲೈಟ್ ಕಮ್ ಸಕ್ಷನ್ ಟ್ರ್ಯಾಪ್’ (ಬೆಳಕು ಸೆಳೆತದ ಬಲೆ) ತಂತ್ರಜ್ಞಾನವನ್ನು ಐಐಎಚ್ಆರ್ನ ಬೆಳೆ ಸಂರಕ್ಷಣಾ ವಿಭಾಗ ಅಭಿವೃದ್ಧಿಪಡಿಸಿದೆ.

. ರಾಷ್ಟ್ರೀಯ ತೋಟಗಾರಿಕೆ ಮೇಳದಲ್ಲಿರುವ ಈ ತಂತ್ರಜ್ಞಾನದ ಪ್ರಾತ್ಯಕ್ಷಿಕೆಗಳು ರೈತರ ಗಮನ ಸೆಳೆಯುತ್ತಿವೆ.

. ಟೊಮೆಟೊ ಸೇರಿದಂತೆ ಇತರ ಬೆಳೆಗಳಿಗೆ ಕೀಟಗಳ ಬಾಧೆ ಹೆಚ್ಚು.ಇವು ಯಾವ ಅವಧಿಯಲ್ಲಾದರೂ ಬೆಳೆಗಳ ಮೇಲೆ ದಾಳಿ ನಡೆಸುತ್ತವೆ. ದುಬಾರಿ ರಾಸಾಯನಿಕ ಸಿಂಪಡಿಸಿದರೂ ಅವುಗಳ ಕಾಟ ತಪ್ಪುತ್ತಿರಲಿಲ್ಲ. ಈಗ ಬೆಳಕು ಸೆಳೆತದ ಬಲೆಗಳನ್ನು ತೋಟದಲ್ಲಿ ಅಳವಡಿಸುವುದರಿಂದ ಕೀಟಗಳು ತಾನಾಗೇ ಬಂದು ಬಲೆಗೆ ಸಿಲುಕಿಕೊಳ್ಳುತ್ತವೆ.

. ‘ಉಷ್ಣಾಂಶ ಹೆಚ್ಚಾದಾಗ ಬೆಳೆಗಳಿಗೆ ಕೀಟಗಳ ದಾಳಿ ಹೆಚ್ಚು.ಟೊಮೆಟೊ ಬೆಳೆಗೆ ಪ್ರಾಯೋಗಿಕವಾಗಿ ಈತಂತ್ರಜ್ಞಾನ ಬಳಕೆ ಮಾಡಲಾಗಿದ್ದು, ಯಶಸ್ವಿಯಾಗಿದೆ. ಬೆಳೆ ತಿನ್ನಲು ಬರುವ ಕೀಟಗಳು ಬೆಳಕಿಗೆ ಸೆಳೆತಗೊಂಡು, ಈ ಸಾಧನದ ಬಳಿ ಬಂದು ಇದರಲ್ಲಿ ಅಳವಡಿಸಿರುವ ಬಲೆಗೆ ಬೀಳುತ್ತವೆ. ಬೆಳೆಗಳನ್ನು ಕೀಟ ಬಾಧೆಯಿಂದ ರಕ್ಷಿಸಲು ಈ ಸಾಧನ ಸಹಕಾರಿ’ ಎಂದು ಐಐಎಚ್ಆರ್ನ ಬೆಳೆ ಸಂರಕ್ಷಣಾ ವಿಭಾಗದ ಪ್ರಧಾನ ವಿಜ್ಞಾನಿ ವಿ.ಶ್ರೀಧರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಈ ಸಾಧನ ಅಳವಡಿಸುವ ಜೊತೆಗೆ ಬೆಳೆಯ ಸುತ್ತಲೂ ಜೋಳ ಹಾಗೂ ಇನ್ನಿತರ ಬೆಳೆಗಳನ್ನು ಬೆಳೆದರೆ, ಅವು ರಕ್ಷಾಕವಚದಂತಿರುತ್ತವೆ. ಇದರಿಂದ ಕೀಟಗಳು ನೇರವಾಗಿ ದಾಳಿ ಮಾಡುವುದಿಲ್ಲ.ಹಗಲಿಗಿಂತ ರಾತ್ರಿ ವೇಳೆ ಕೀಟಗಳ ಕಾಟ ಹೆಚ್ಚು. ಈ ಸಾಧನ ಸಂಜೆಯಿಂದಲೇ ಕಾರ್ಯನಿರ್ವಹಿಸುತ್ತದೆ. ಇದರಲ್ಲಿವಿದ್ಯುತ್ ಚಾಲಿತ ಫ್ಯಾನ್ ಒಂದನ್ನು ಅಳವಡಿಸಲಾಗಿರುತ್ತದೆ. ಸಾಧನದ ಬಳಿ ಸಮೀಪಿಸುವ ಕೀಟಗಳನ್ನು ಇದು ಬಲೆಗೆ ಬೀಳಿಸುವ ಕೆಲಸ ಮಾಡುತ್ತದೆ’ ಎಂದು ವಿವರಿಸಿದರು.

. ‘ಒಂದು ದಿನಕ್ಕೆ ಗರಿಷ್ಠ 400 ಕೀಟಗಳನ್ನು ಇದು ಸೆರೆಹಿಡಿಯಬಲ್ಲದು. ಒಂದು ಎಕರೆಗೆ ಗರಿಷ್ಠ ನಾಲ್ಕು ಸಾಧನಗಳನ್ನು ಅಳವಡಿಸಬಹುದು. ನಿಗದಿತ ಸಮಯಕ್ಕೆ ಕಾರ್ಯನಿರ್ವಹಿಸುವಂತೆ ಟೈಮರ್ ಅಳವಡಿಸಲಾಗಿದೆ. ಸದ್ಯ ವಿದ್ಯುತ್ನಿಂದ ಕಾರ್ಯನಿರ್ವಹಿಸುವ ಸಾಧನಕ್ಕೆ ಸೌರಶಕ್ತಿಯ ಬಳಕೆಯ ಪ್ರಯೋಗಗಳು ನಡೆಯುತ್ತಿವೆ. ಈ ಒಂದು ಸಾಧನಕ್ಕೆ ₹5 ಸಾವಿರ ವೆಚ್ಚ ಬೀಳಲಿದೆ. ಒಂದು ಬಾರಿ ಬಂಡವಾಳ ಹೂಡಿದರೆ, ದೀರ್ಘಕಾಲ ಬಾಳಿಕೆ ಬರುವ ಸಾಧನ ಇದಾಗಿದೆ’ ಎಂದು ಮಾಹಿತಿ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೀಟಗಳ ತೊಲಗಿಸಲು ‘ಬೆಳಕು ಸೆಳೆತದ ಬಲೆ’ ತಂತ್ರಜ್ಞಾನ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025