ಕುಜ-ಕೇತು ಯುತಿ: ಸಿಂಹ ರಾಶಿಯ ಅಗ್ನಿ ತತ್ವ ಅಪಾಯಗಳಿಗೆ ಹೇತು

ಗೋಚಾರ ರೀತ್ಯಾ ಕುಜ ಹಾಗೂ ಕೇತುಗ್ರಹಗಳು ಸಿಂಹರಾಶಿಯಲ್ಲಿ ಒಟ್ಟಿಗೆ ಇದ್ದಾರೆ. ಈ ಯುತಿ ಜುಲೈ 28 ತನಕ ಇರುತ್ತದೆ. ಆದುದರಿಂದ ಈ ಎರಡು ವಿಶೇಷ ಗ್ರಹಗಳ ಮಿಲನ ಸೃಷ್ಟಿಸಬಹುದಾದ ಅಪಾಯಗಳ ಬಗ್ಗೆ ಸ್ವಲ್ಪ ಚಿಂತಿಸೋಣ.

. ಪ್ರಸ್ತುತ ಜಗತ್ತು ಯುದ್ಧ, ಅಸ್ಥಿರತೆ ಮತ್ತು ಆಕಸ್ಮಿಕ ದುರ್ಘಟನೆಗಳ ಭೀತಿಯಿಂದ ಕಂಪಿಸುತ್ತಿದೆ. ರಷ್ಯಾ-ಉಕ್ರೇನ್, ಇಸ್ರೇಲ್-ಹಮಾಸ್ ಸಂಘರ್ಷ, ಗುಜರಾತ್ನಲ್ಲಿ ಸಂಭವಿಸಿದ ವಿಮಾನ ಅಪಘಾತ – ಇವೆಲ್ಲವೂ ಮಾನವೀಯ ದುಃಖದ ಕರಾಳ ಛಾಯೆಗಳು. ಜ್ಯೋತಿಷಶಾಸ್ತ್ರದ ದೃಷ್ಟಿಯಲ್ಲಿ ಈ ಘಟನೆಗಳ ಹಿನ್ನೆಲೆಯಲ್ಲಿ ಸಿಂಹರಾಶಿಯಲ್ಲಿ ಸಂಭವಿಸಿರುವ ಕುಜ (ಮಂಗಳ) ಮತ್ತು ಕೇತು ಗ್ರಹಗಳ ಅತ್ಯುಗ್ರ ಯುತಿ (ಸಂಯೋಗ) ಪ್ರಮುಖ ಪಾತ್ರವನ್ನು ವಹಿಸುತ್ತಿದೆ. ಇದರ ಪ್ರಭಾವವನ್ನು ಪ್ರಾಚೀನ ಜ್ಯೋತಿಷಗ್ರಂಥಗಳ ಆಧಾರದ ಮೇಲೆ ಪರಿಶೀಲಿಸೋಣ.

. ಕುಜ-ಕೇತು; ಅಗ್ನಿ ಮತ್ತು ವಿಕರಾಳ ಶಕ್ತಿಗಳ ಮಿಲನ: ಕುಜನು (ಮಂಗಳ) ಅಗ್ನಿ, ಶೌರ್ಯ, ಆಕ್ರಮಣಶೀಲತೆ ಮತ್ತು ಶಸ್ತ್ರಾಸ್ತ್ರಗಳ ಕರ್ತೃ. ‘ಬೃಹತ್ ಸಂಹಿತೆ’ಯ 28ನೇ ಅಧ್ಯಾಯದಲ್ಲಿ ವರಾಹಮಿಹಿರರು ಹೀಗೆ ಹೇಳುತ್ತಾರೆ:

. ಅಗ್ನಿಸ್ವರೂಪೋ ಮಹಾತೇಜಾ: ಕ್ಷಿಪ್ರಕಾರೀ ಕ್ರಿಯಾಪತಿಃ । ರಕ್ತಮಾಲ್ಯಾಂಬರಧರೋ ಭೂಮಿಪುತ್ರೋ ಭಯಂಕರಃ ।।

. (ಅರ್ಥ: ಮಂಗಳನು ಅಗ್ನಿಸ್ವರೂಪಿ, ಮಹಾತೇಜಸ್ವಿ, ತ್ವರಿತ ಕ್ರಿಯೆಯುಳ್ಳವ, ಯುದ್ಧದ ಅಧಿಪತಿ, ರಕ್ತವರ್ಣದ ಮಾಲೆ-ವಸ್ತ್ರ ಧರಿಸಿದವ, ಭೂಮಿಯ ಪುತ್ರ ಮತ್ತು ಭಯಂಕರ.)

. ಕೇತುವು ಆಕಸ್ಮಿಕ, ವಿಘ್ನ, ರಹಸ್ಯ ಶತ್ರುತ್ವ ಮತ್ತು ಅಪಮಾರ್ಗದ ಸೂಚಕ. 'ಫಲದೀಪಿಕಾ" ಗ್ರಂಥದಲ್ಲಿ ಮಂತ್ರೇಶ್ವರರು ಎಚ್ಚರಿಸುತ್ತಾರೆ:

. ಕೇತುಃ ಕರ್ಕಶಕೃತ್ ಪಾಪೋ ವಿಕೃತಾಕಾರೋ ಭಯಪ್ರದಃ । ವ್ಯಾಧಿವ್ಯಸನದಾತಾ ಚ ನಾನಾ ದುಃಖಸಮನ್ವಿತಃ ।।

. ಅರ್ಥ: ಕೇತುವು ಕಠೋರಕರ್ಮಿ, ಪಾಪಕಾರಿ, ವಿಕೃತಸ್ವರೂಪಿ, ಭಯದಾಯಕ, ರೋಗ-ವ್ಯಸನಗಳನ್ನು ನೀಡುವವ (ಪ್ರಸಕ್ತ ಗಮನಿಸಿದಲ್ಲಿ ಕೋವಿಡ್ ಹೆಚ್ಚುತ್ತಿದೆ) ಮತ್ತು ನಾನಾ ದುಃಖಗಳಿಂದ ಕೂಡಿದವ.

. ಸಿಂಹರಾಶಿಯಲ್ಲಿ ಯುತಿ; ರಾಜಕೀಯ, ಸೇನಾ ಮತ್ತು ಅಗ್ನಿ ಅಪಾಯ: ಸಿಂಹರಾಶಿಯು ರಾಜ್ಯಾಡಳಿತ, ನಾಯಕತ್ವ, ಸೇನಾಶಕ್ತಿ ಮತ್ತು ಅಗ್ನಿಯೊಂದಿಗೆ ಸಂಬಂಧಿಸಿದೆ. ಇಲ್ಲಿ ಕುಜ-ಕೇತುಸಂಯೋಗವು (ಯುತಿ) ಈ ಕ್ಷೇತ್ರಗಳಲ್ಲಿ ತೀವ್ರ ಅಸಮತೋಲನವನ್ನು ಸೂಚಿಸುತ್ತದೆ.

. ಯುದ್ಧೋನ್ಮುಖ ವಾತಾವರಣ: ಕುಜನ ಸೈನಿಕ ಪ್ರವೃತ್ತಿ ಮತ್ತು ಕೇತುವಿನ ಅನಿಶ್ಚಿತತೆ ರಾಷ್ಟ್ರಗಳ ನಡುವಿನ ಸಂಘರ್ಷಗಳನ್ನು ಹೆಚ್ಚಿಸುತ್ತವೆ. ‘ಬೃಹತ್ ಸಂಹಿತೆ’ ಹೇಳುತ್ತದೆ:

. ಮಂಗಳೇ ಭೂಮಿಪುತ್ರೇ ಚ ಸಂಯುಕ್ತೇ ಚಾತ್ಯಗ್ನಿಕೇತುನಾ । ಜಾಯತೇ ಜಾಗತೀ ದಾವೋ ರಾಷ್ಟ್ರಭಂಗೋ ದ್ವಿಜಕ್ಷಯಃ ।।

. ಅರ್ಥ: ಮಂಗಳ ಮತ್ತು ಕೇತು ಸೇರಿದಾಗ, ಪ್ರಪಂಚವ್ಯಾಪಿ ಅಗ್ನಿಕಾಂಡಗಳು, ರಾಷ್ಟ್ರಭಂಗ, ವಿದ್ವಾಂಸರ ನಾಶದಂಥವು ಸಂಭವಿಸಬಹುದು.

. ಕೇತುವಿಗೂ ವಿಮಾನ (ಆಗಸ) ಯಾನಕ್ಕೂ ಸಂಬಂಧವಿದೆ. ವಿಮಾನ ಅಪಘಾತಗಳು ಸಂಭವಿಸಬಹುದು. ಗುಜರಾತ್ನಲ್ಲಿ ಮೊನ್ನೆಯಷ್ಟೆ ಆಗಿದೆ. ಸಿಂಹರಾಶಿಯ ಅಗ್ನಿತತ್ವ ಈ ಅಪಾಯವನ್ನು ಹೆಚ್ಚಿಸುತ್ತದೆ.

. ನಾಯಕರ ಆರೋಗ್ಯ-ಸವಾಲುಗಳು:

. ಈ ಯುತಿಯು ರಾಷ್ಟ್ರನಾಯಕರಿಗೆ ರಾಜಕೀಯ ಅಥವಾ ದೈಹಿಕ ಸಂಕಷ್ಟಗಳನ್ನು ತರಬಹುದು. ದೇಶದ ನಾಯಕರು ಯುದ್ಧೋತ್ಸಾಹವನ್ನು ತೋರಿಸಿ ಚಿತ್ರ–ವಿಚಿತ್ರ ತೀರ್ಮಾನಗಳನ್ನು ತೆಗೆದುಕೊಳ್ಳುವರು.

. ಜಾಗತಿಕ ಪರಿಣಾಮ: ಕುಜ-ಕೇತುಗಳ ಗ್ರಹಯುತಿಯು ಅಸಾಮಾನ್ಯವಲ್ಲ, ಪ್ರತಿ 12–18 ತಿಂಗಳಿಗೊಮ್ಮೆ ಸಂಭವಿಸುತ್ತದೆ. ಆದರೆ ಸಿಂಹದಲ್ಲಿ ಸಂಭವಿಸಿದಾಗ ಅದರ ತೀವ್ರತೆ ಹೆಚ್ಚು.

. ಕುಜನ ಆಕ್ರಮಣಶೀಲತೆ ಮತ್ತು ಕೇತುವಿನ ಅನಿಶ್ಚಿತತೆಯು ಸಾರಿಗೆ, ಇಂಧನ ವ್ಯವಸ್ಥೆಯಲ್ಲಿ ವಿಘ್ನಗಳನ್ನು ತರುತ್ತದೆ. ಅಗ್ನಿಕಾಂಡಗಳು ಮತ್ತು ಭೂಕಂಪಗಳ ಅಪಾಯ ಹೆಚ್ಚು. ಜನಸಾಮಾನ್ಯರಲ್ಲಿ ಕೋಪ, ಆತಂಕಗಳು ಹೆಚ್ಚುವುದು.

. ಪರಿಹಾರೋಪಾಯಗಳು: ಈ ಯುತಿಯು ಈ ವರ್ಷದ ಜುಲೈ 28ರವರೆಗೆ ಸಿಂಹದಲ್ಲಿಯೇ ಮುಂದುವರಿಯುತ್ತದೆ. ಆದರೆ, ಜ್ಯೋತಿಷ್ಯವು ಫಲಿತಾಂಶವನ್ನು ನಿಯಂತ್ರಿಸುವ ಸಾಧನವಲ್ಲ; ಮಾನವಪ್ರಯತ್ನದ ಪ್ರಾಮುಖ್ಯವನ್ನು ಶಾಸ್ತ್ರಗಳು ಒತ್ತಿಹೇಳುತ್ತವೆ.

. ಸರ್ಕಾರ ತೆಗೆದುಕೊಳ್ಳಬಹುದಾದ ಕ್ರಮಗಳು:

. ವಿಮಾನಗಳ ಸುರಕ್ಷತೆಯ ಬಗ್ಗೆ ಗಮನ ಕೊಡಬೇಕು; ಸಂಘರ್ಷಗಳ ನಿಗ್ರಹಕ್ಕೆ ಕೂಟೋಪಾಯಗಳಿಗೆ ಪ್ರಾಧಾನ್ಯ ನೀಡಬೇಕು.

. ವ್ಯಕ್ತಿಗತ ಮಟ್ಟದಲ್ಲಿ

. ಕುಜ ಹಾಗೂ ಕೇತು ಶಾಂತಿ ಪೂಜೆ, ಮಂಗಳ-ಕೇತುವಿಗೆ ಸಂಬಂಧಿಸಿದ ‘ಓಂ ಕೇತವೇ ನಮಃ’ ಮತ್ತು ‘ಓಂ ಭೂಮಿಪುತ್ರಾಯ ಅಂಗಾರಕಾಯ ನಮಃ’ ಮಂತ್ರಗಳ ಜಪವನ್ನು ಮಾಡಬಹುದು. ನಮ್ಮಲ್ಲಿ ನೆಲೆಸಿರುವ ಮಹಾಗಣಪತಿ ಕ್ಷೇತ್ರಗಳಲ್ಲಿ ಹಾಗೂ ಸುಬ್ರಹ್ಮಣ್ಯ ಕ್ಷೇತ್ರಗಳಲ್ಲಿ ವಿಶೇಷ ಪೂಜೆ ಶಾಂತಿ–ಹೋಮಗಳನ್ನು ಲೋಕರಕ್ಷಣೆಗಾಗಿ ಮಾಡಬೇಕು.

. ಸಾರ್ವಜನಿಕ ಜಾಗೃತಿ:

. ಅಗ್ನಿ-ವಿದ್ಯುತ್ ವಿಚಾರಗಳಲ್ಲಿ ಸುರಕ್ಷತೆಯ ಕ್ರಮಗಳನ್ನು ಅನುಸರಿಸುವುದು, ಪ್ರವಾಸಗಳನ್ನು ಮುಂದೂಡುವುದು.

. ವಿವೇಕದ ದೀಪದಿಂದ ಕತ್ತಲೆಯನ್ನು ದಾಟೋಣ. ಕುಜ-ಕೇತು ಯುತಿಯು ಸವಾಲುಗಳನ್ನು ತಂದಿದೆ; ಆದರೆ ಇದೇನೂ ಶಾಶ್ವತವಲ್ಲ. ವಿಷ್ಣುಧರ್ಮೋತ್ತರ ಪುರಾಣವು ನೆನಪಿಸುತ್ತದೆ: ‘ಗ್ರಹಾಃ ಪ್ರೇರಕಾಃ ಕರ್ಮಣಾಂ, ನಿಯತಾಃ ಫಲದಾತಾರಃ’. ಎಂದರೆ ಗ್ರಹಗಳು ಕರ್ಮಗಳ ಪ್ರೇರಕರು, ಫಲದಾಯಕರು ಅಲ್ಲ; ಮಾನವ ಪ್ರಯತ್ನ, ವಿವೇಕ ಮತ್ತು ಪರಸ್ಪರ ಸಹಕಾರದಿಂದ ಈ ಕಾಲವನ್ನು ಎದುರಿಸಬಹುದು. ಪ್ರಪಂಚ ನಾಯಕರು ಶಾಂತಿಮಾರ್ಗವನ್ನು ಆಯ್ದುಕೊಳ್ಳುವುದು ಮತ್ತು ನಾಗರಿಕರು ಎಚ್ಚರಿಕೆಯನ್ನು ವಹಿಸುವುದು – ಇದು ಜ್ಯೋತಿಷದ ನಿಜವಾದ ಸಾರವಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕುಜ-ಕೇತು ಯುತಿ: ಸಿಂಹ ರಾಶಿಯ ಅಗ್ನಿ ತತ್ವ ಅಪಾಯಗಳಿಗೆ ಹೇತು

ಚಿನಕುರುಳಿ: ಭಾನುವಾರ, 31 ಆಗಸ್ಟ್ 2025

ಚಿನಕುರುಳಿ: ಶನಿವಾರ, 30 ಆಗಸ್ಟ್ 2025

Health Awareness | ಫೈಬ್ರಾಯ್ಡ್‌: ಜಾಗ್ರತೆ ವಹಿಸಿ

ಬಾಗೇಪಲ್ಲಿ | ಶಾಸಕರ ಕರೆ ಸ್ವೀಕರಿಸದ ಅಧಿಕಾರಿ ಅಮಾನತು

BWF World Championships: ಕಂಚಿನ ಪದಕ ಗೆದ್ದ ಸಾತ್ವಿಕ್‌–ಚಿರಾಗ್

ಬೆಂಗಳೂರಿನಲ್ಲಿ ಶುಭ್‌ಮನ್‌ ಗಿಲ್‌ಗೆ ಫಿಟ್‌ನೆಸ್ ಟೆಸ್ಟ್

ಅಮೆರಿಕ ಓಪನ್: ನಾಲ್ಕನೇ ಸುತ್ತಿಗೆ ಜೊಕೊವಿಚ್‌

ಪ್ರೊ ಕಬಡ್ಡಿ: ಯುಪಿ ಯೋಧಾಸ್‌ ಶುಭಾರಂಭ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಚಿನಕುರುಳಿ: ಭಾನುವಾರ, 31 ಆಗಸ್ಟ್ 2025

ಚಿನಕುರುಳಿ: ಶನಿವಾರ, 30 ಆಗಸ್ಟ್ 2025

Health Awareness | ಫೈಬ್ರಾಯ್ಡ್‌: ಜಾಗ್ರತೆ ವಹಿಸಿ

ಬಾಗೇಪಲ್ಲಿ | ಶಾಸಕರ ಕರೆ ಸ್ವೀಕರಿಸದ ಅಧಿಕಾರಿ ಅಮಾನತು