ಬೆಂಗಳೂರು: ಎಲೆಕ್ಟ್ರಿಕ್ ವಾಹನ ತಯಾರಿಕಾ ಸ್ಟಾರ್ಟ್ ಅಪ್ ಒರ್ಹಾ ಎನರ್ಜೀಸ್ ಕಂಪನಿಯು ಮ್ಯಾಂಟಿಸ್ ಎಂಬ ಇವಿ ಬೈಕ್ ಪರಿಚಯಿಸಿದೆ.
ನಗರದ ಬೊಮ್ಮಸಂದ್ರ ಕೈಗಾರಿಕಾ ಪ್ರದೇಶದಲ್ಲಿರುವ ಕಂಪನಿಯ ಕೇಂದ್ರ ಕಚೇರಿಯಲ್ಲಿ ಮಂಗಳವಾರ ಮ್ಯಾಂಟಿಸ್ ಬೈಕ್ ಲೋಕಾರ್ಪಣೆಗೊಳಿಸಲಾಯಿತು.
‘ಬೆಂಗಳೂರು ಮೂಲದ ಒರ್ಹಾ ಎನರ್ಜೀಸ್ ಕಳೆದ 8 ವರ್ಷಗಳಿಂದ ಮ್ಯಾಂಟಿಸ್ ಅಭಿವೃದ್ಧಿಯಲ್ಲಿ ತೊಡಗಿದೆ. ಇದು 20.5 ಕಿಲೋ ವ್ಯಾಟ್ ಮೋಟಾರ್ ಬೈಕ್ ಆಗಿದ್ದು, ಒಂದು ಬಾರಿ ಪೂರ್ಣ ಚಾರ್ಜ್ ಗೆ 221 ಕಿ.ಮೀ ದೂರ ಕ್ರಮಿಸುವ ಕ್ಷಮತೆ ಹೊಂದಿದೆ’ ಎಂದು ಸಂಸ್ಥಾಪಕಿ ರಂಜಿತಾ ರಿವಿ ಹೇಳಿದರು.
ಶೂನ್ಯದಿಂದ 100 ಕಿ.ಮೀ ವೇಗ ಕ್ರಮಿಸಲು 8.9 ಸೆಕೆಂಡ್ ಸಾಕು. ಗರಿಷ್ಠ 135 ಕಿ.ಮೀ ವೇಗ ಇದರದ್ದು. ಐಪಿ65 ವಾಟರ್ ರೆಸಿಸ್ಟೆಂಟ್ ಇರುವ ಬ್ಯಾಟರಿ 30 ಸಾವಿರ ಕಿ.ಮೀ ಅಥವಾ 3 ವರ್ಷ ವಾರಂಟಿ ಹೊಂದಿದೆ’ ಎಂದು ಸಹ ಸಂಸ್ಥಾಪಕ ಡಾ. ಪ್ರಜ್ವಲ್ ಸಬ್ನಿಸ್ ವಿವರಿಸಿದರು.
ಬೈಕ್ ಎಕ್ಸ್ ಶೋರೂಮ್ ಬೆಲೆ ಬೆಂಗಳೂರಿನಲ್ಲಿ ₹3.6೦ಲಕ್ಷ ನಿಗದಿಪಡಿಸಲಾಗಿದೆ.