ಬೆಂಗಳೂರು: ಕಿಯಾ ಮೋಟರ್ಸ್ ಕಂಪನಿಯ ಅಧಿಕೃತ ವಿತರಕ ಎಪಿಟೊಮ್ ಆಟೊಮೊಬೈಲ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್, ಯಲಹಂಕದಲ್ಲಿ ಬುಧವಾರ ಹೊಸ ಷೋರೂಂ ಉದ್ಘಾಟನೆ ಮಾಡಿದೆ.
ಕಿಯಾ ಮೋಟರ್ಸ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಕೋಖಿಯುನ್ ಶಿಮ್ ಅವರು ಷೋರೂಂ ಉದ್ಘಾಟಿಸಿದರು. ರಾಜ್ಯದಲ್ಲಿ ಕಂಪನಿಯ ಮೂರನೇ ಷೋರೂಂ ಇದಾಗಿದೆ. ಈ ಷೋರೂಂ 30 ಸಾವಿರ ಚದರ ಅಡಿ ವಿಸ್ತೀರ್ಣವಾಗಿದೆ.
ಕಾರ್ಯಾಚರಣೆ ಆರಂಭಿಸಿದ ಮೊದಲ ವರ್ಷವೇ 1000 ಕಾರುಗಳನ್ನು ವಿತರಿಸಲಾಗಿದೆ. ನಮ್ಮ ಷೋರೂಂಗೆ ಭೇಟಿ ನೀಡುವ ಗ್ರಾಹಕರಿಗೆ ಉತ್ಕೃಷ್ಟ ಗುಣಮಟ್ಟದ ಸೇವೆಗಳನ್ನು ನೀಡುವುದು ಆದ್ಯತೆಯಾಗಿದೆ ಎಂದು ಎಪಿಟೊಮ್ ಆಟೊಮೊಬೈಲ್ಸ್ನ ಡೀಲರ್ ಪ್ರಿನ್ಸಿಪಲ್ ಕಿಶೋರ್ ಜಿ. ರೆಡ್ಡಿ ಹೇಳಿದರು.