ದಿನದ ಸೂಕ್ತಿ | ನಿಲ್ಲಿಸಿ ಉಪದೇಶ!

ಪರೋಪದೇಶೇ ಪಾಂಡಿತ್ಯಂ ಸರ್ವೇಷಾಂ ಸುಕರಂ ನೃಣಾಮ್ ।

. ಧರ್ಮೇ ಸ್ವೀಯಮನುಷ್ಠಾನಂ ಕಸ್ಯಚಿತ್ತು ಮಹಾತ್ಮನಃ ।।

. ಇದರ ತಾತ್ಪರ್ಯ ಹೀಗೆ:

. ‘ಪರೋಪದೇಶವನ್ನು ಮಾಡುವಾಗ ಪಾಂಡಿತ್ಯವನ್ನು ಮೆರೆಸುವುದು ಎಲ್ಲರಿಗೂ ಸುಲಭ; ತಾನು ಧರ್ಮದಲ್ಲಿ ನಡೆಯವುದು ಯಾವನೋ ಒಬ್ಬ ಮಹಾತ್ಮನಿಗೆ ಮಾತ್ರ ಸಾಧ್ಯವಾದೀತು.‘

. ಇಂದಿನ ಸಂದರ್ಭಕ್ಕೆ ಚೆನ್ನಾಗಿ ಒಪ್ಪುವ ಸುಭಾಷಿತ ಇದು.

. ‘ಕೊರೊನಾ ಇಷ್ಟೊಂದು ಹೇಗೆ ಹರಡುತ್ತಿದೆ? ಜನರ ಓಡಾಟದಿಂದಲೇ ಅಲ್ವಾ? ಯಾಕೋಪ್ಪ ಸುಮ್ಮಸುಮ್ಮನೇ ಜನರು ಹೀಗೆ ಓಡಾಡ್ತಾರೆ, ಬೇರೆಯವರ ಆರೋಗ್ಯದ ಜೊತೆ ಆಟವಾಡ್ತಿದ್ದಾರೆ‘ – ಇದು ಇಂದು ಸಾಮಾನ್ಯವಾಗಿ ಕೇಳಿಬರುವ ಸಂಭಾಷಣೆಯ ಒಂದು ತುಣುಕು. ಇದರಲ್ಲಿ ಸ್ವಾರಸ್ಯ ಏನೆಂದರೆ – ಈ ಸಂಭಾಷಣೆ ನಡೆಯುತ್ತಿರುವುದು ರಸ್ತೆಯಲ್ಲೇ; ಅದೂ ಪಾನಿಪೂರಿ ತಿನ್ನಲಿಕ್ಕೆ ಹೋಗುತ್ತಿರುವ ನಾಲ್ವರು ಸ್ನೇಹಿತರ ನಡುವೆ!

. ಸುಭಾಷಿತ ಹೇಳುತ್ತಿರುವುದು ಇಂಥ ಸಂದರ್ಭದ ಬಗ್ಗೆಯೇ.

. ನಮ್ಮ ಈಗಿನ ಕಾಲವನ್ನು 'ಉಪದೇಶಯುಗ' ಎಂದು ಕರೆಯಬಹುದು; ಎಲ್ಲರೂ ಇನ್ನೊಬ್ಬರಿಗೆ ನೀತಿಗಳನ್ನು ಉಪದೇಶಿಸುವುದರಲ್ಲಿ ತಲ್ಲೀನರು. ಆದರೆ ಹೀಗೆ ಬೇರೆಯವರಿಗೆ ಏನನ್ನಾದರೂ ಉಪದೇಶಿಸುವ ಮೊದಲು ಅವನ್ನು ತಮ್ಮ ಜೀವನದಲ್ಲಿ ಎಷ್ಟು ಅಳವಡಿಸಿಕೊಳ್ಳಲಾಗಿದೆ – ಎಂದು ಎಷ್ಟು ಮಂದಿ ಆತ್ಮಾವಲೋಕವನ್ನು ಮಾಡಿಕೊಳ್ಳುತ್ತಿದ್ದಾರೆ?

. ಸುಭಾಷಿತ ಚೆನ್ನಾಗಿ ಹೇಳಿದೆ: ’ಪರೋಪದೇಶಪಾಂಡಿತ್ಯ.‘ ನಾವೆಲ್ಲರೂ ವಿದ್ವಾಂಸರೇ, ಜ್ಞಾನಿಗಳೇ. ಯಾವ ವಿಷಯದಲ್ಲಿ? ಬೇರೊಬ್ಬರಿಗೆ ಉಪದೇಶ ಮಾಡುವಾಗ. ’ನೀನು ಹೀಗಿರಬೇಕು‘, ’ಹಾಗಿರಬೇಕು‘. ’ಅನಗತ್ಯವಾಗಿ ಓಡಾಡಬಾರದು‘, ’ಸೋಶಿಯಲ್ ಡಿಸ್ಟೆಂಸ್ ಪಾಲಿಸಬೇಕು‘.

. ಸರಿಯಪ್ಪಾ! ನೀನು ಇವನ್ನು ಎಷ್ಟು ಪಾಲಿಸುತ್ತಿರುವೆ?

. ಈ ಪ್ರಶ್ನೆಗೆ ನಮ್ಮಲ್ಲಿ ಉತ್ತರ ಇರದು. ಹೆಚ್ಚೆಂದರೆ ’ನಾನೂ ನೀನೂ ಒಂದೇನೇ‘ ಎಂಬಂಥ ಉದಾಸೀನ ನಮ್ಮಲ್ಲಿ ಮೂಡಬಹುದಷ್ಟೆ!

. ಸುಭಾಷಿತ ಹೇಳುತ್ತಿದೆ: ಧರ್ಮಮಾರ್ಗದ ಬಗ್ಗೆ ಹೀಗೆ ಬೇರೊಬ್ಬರಿಗೆ ಉಪದೇಶ ನೀಡಲು ತೊಡಗದೆ, ತಾನಾಗಿ ಆ ಮಾರ್ಗದಲ್ಲಿ ನಡೆಯುವವರು ತುಂಬ ವಿರಳ – ಎಂದು. ಅಂಥವನನ್ನು ಸುಭಾಷಿತ ’ಮಹಾತ್ಮ‘ ಎಂದು ಕರೆದಿದೆ. ಗಾಂಧೀಜಿ ಯಾರಿಗಾದರೂ ಏನನ್ನಾದರೂ ಉಪದೇಶಿಸುವ ಮೊದಲು ಆ ಉಪದೇಶವನ್ನು ಅವರು ತಮ್ಮ ಜೀವನದಲ್ಲಿ ಎಷ್ಟು ಅನುಸಂಧಾನ ಮಾಡಿಕೊಂಡಿದ್ದಾರೆ ಎಂದು ಆತ್ಮಾವಲೋಕನ ಮಾಡಿಕೊಳ್ಳುತ್ತಿದ್ದರಂತೆ.

. ಬಸವಣ್ಣನವರು ಈ ಪರೋಪದೇಶಶೂರರ ಬಗ್ಗೆ ಸೊಗಸಾಗಿ ಹೇಳಿದ್ದಾರೆ:

. ಲೋಕದ ಡೊಂಕ ನೀವೇಕೆ ತಿದ್ದುವಿರಿ? ನಿಮ್ಮ ನಿಮ್ಮ ತನುವ ಸಂತೈಸಿಕೊಳ್ಳಿ;ನಿಮ್ಮ ನಿಮ್ಮ ಮನವ ಸಂತೈಸಿಕೊಳ್ಳಿ, ನೆರೆಮನೆಯ ದುಃಖಕ್ಕೆ ಅಳುವವರ ಮೆಚ್ಹ, ಕೂಡಲಸಂಗಮದೇವ.

. ಸರ್ವಜ್ಞನ ಒಂದು ತ್ರಿಪದಿ ಕೂಡ ಇಲ್ಲಿ ಉಲ್ಲೇಖಾರ್ಹ:

. ಆಡದಲೆ ಮಾಡುವನು ರೂಢಿಯೊಳಗುತ್ತಮನು

. ಆಡಿ ಮಾಡುವನು ಮಧ್ಯಮನು ಅಧಮ ತಾ

. ನಾಡಿ ಮಾಡದವ ಸರ್ವಜ್ಞ.

. ರಾಜಕೀಯ ಪಕ್ಷಗಳಲ್ಲಂತೂ ನಿತ್ಯ ಈ ಪರೋಪದೇಶಬುದ್ಧಿ ಎದ್ದುಕಾಣುತ್ತದೆ. ’ನಾವು ಹಾಗೆ ಮಾಡುತ್ತಿದ್ದೆವು, ಹೀಗೆ ಮಾಡುತ್ತಿದ್ದೆವು‘ ಎಂದು ಎಲ್ಲರೂ ಹೇಳುವವರೇ! ಆದರೆ ‘ನಮಗೆ ಅವಕಾಶ ಇದ್ದಾಗ ಯಾವ ಪ್ರಮಾಣದಲ್ಲಿ ಪ್ರಜಾಸೇವೆಯನ್ನು ಮಾಡಿದ್ದೇವೆ‘ ಎಂದು ಎಷ್ಟು ಮಂದಿ ನಾಯಕರು ಪ್ರಾಮಾಣಿಕ ಆತ್ಮಾವಲೋಕನವನ್ನು ಮಾಡಿಕೊಳ್ಳಬಲ್ಲರು?

. ಇಂದು ಸಮಾಜವನ್ನು ಕಾಡುತ್ತಿರುವ ದೊಡ್ಡ ಸಮಸ್ಯೆ ಎಂದರೆ ಮಾತಿನ ಹಾವಳಿ; ಎಲ್ಲರೂ ಎಲ್ಲರಿಗೂ ಉಪದೇಶ ಕೊಡುವುದರಲ್ಲಿ ನಿಸ್ಸೀಮರು. ಉಪದೇಶ ಕೊಡುವುದನ್ನು ನಿಲ್ಲಿಸಿ, ಎಲ್ಲರೂ ಅವರವರ ಕರ್ತವ್ಯಗಳನ್ನು ಸರಿಯಾಗಿ ನಿರ್ವಹಿಸಿದರೆ ಸಮಾಜಕ್ಕೆ ಉಪದೇಶದ ಆವಶ್ಯಕತೆಯಾದರೂ ಏಕ್ಕಿದ್ದೀತು?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ | ನಿಲ್ಲಿಸಿ ಉಪದೇಶ!

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!