ದಿನದ ಸೂಕ್ತಿ: ಸ್ವಾಭಿಮಾನಿಗಳಾಗಿ

ಉತ್ತಮಾ ಆತ್ಮನಾ ಖ್ಯಾತಾಃ ಪಿತ್ರಾ ಖ್ಯಾತಾಶ್ಚ ಮಧ್ಯಮಾಃ ।

. ಮಾತುಲೇನಾಧಮಾಃ ಖ್ಯಾತಾಃ ಶ್ವಶುರೇಣಾಧಮಾಧಮಾಃ ।।

. ಇದರ ತಾತ್ಪರ್ಯ ಹೀಗೆ:

. ‘ತನ್ನ ಕಾರಣದಿಂದ ತಾನೇ ಖ್ಯಾತಿಯನ್ನು ಗಳಿಸಿದವರು ಉತ್ತಮರು; ತಂದೆಯಿಂದ ಖ್ಯಾತಿಗೆ ಬಂದವರು ಮಧ್ಯಮರು; ಸೋದರಮಾವನಿಂದ ಖ್ಯಾತರಾದವರು ಅಧಮರು. ಹೆಣ್ಣು ಕೊಟ್ಟ ಮಾವನಿಂದ ಖ್ಯಾತಿಯನ್ನು ಗಳಿಸಿದವರು ಅಧಮರಲ್ಲಿಯೇ ಅಧಮರು!’

. ಸ್ವಂತಿಕೆ ಎನ್ನುವುದು ನಮ್ಮ ವ್ಯಕ್ತಿತ್ವದ ಪ್ರಧಾನ ಗುಣ ಆಗಬೇಕು; ಹೀಗಲ್ಲದೆ ಬೇರೊಬ್ಬರ ಹೆಸರನ್ನು ಬಳಸಿಕೊಂಡು ಮೆರೆಯವುದು ನಮ್ಮ ವ್ಯಕ್ತಿತ್ವಕ್ಕೆ ಭೂಷಣವಲ್ಲ – ಎಂಬುದನ್ನು ಸುಭಾಷಿತ ಹೇಳುತ್ತಿದೆ.

. ಮಂತ್ರಿಯೋ ಎಂಪಿಯೋ ಎಂಎಲ್ಎಯೋ ಅಲ್ಲ, ಅವರ ಬಂಧುಗಳು, ಅವರ ಬಂಧುಗಳ ಬಂಧುಗಳು ಸಮಾಜದಲ್ಲಿ ಉಂಟುಮಾಡುವ ಉಪದ್ವ್ಯಾಪಗಳನ್ನು ನಾವು ಆಗಾಗ ಅನುಭವಿಸುತ್ತಲೇ ಇರುತ್ತೇವೆ. ಹೀಗೆಯೇ ಅಧಿಕಾರಿಗಳು, ಅವರ ಮಕ್ಕಳ, ಅವರ ಸ್ನೇಹಿತರು – ಇವರ ದರ್ಪಗಳನ್ನೂ ನಾವು ಅನುಭವಿಸಿರುತ್ತೇವೆ. ಇಂಥ ಹಲವು ರೀತಿಯ ಪರಾವಲಂಬಿಗಳನ್ನು ಸುಭಾಷಿತ ಇಲ್ಲಿ ಟೀಕೆ ಮಾಡುತ್ತಿದೆ.

. ತನ್ನದೇ ಕಾರ್ಯಶೀಲತೆಯಿಂದ ಕೀರ್ತಿಯನ್ನು ಸಂಪಾದಿಸಿದವರು ಉತ್ತಮ ವ್ಯಕ್ತಿತ್ವದವರು ಎಂದು ಅದು ಘೋಷಿಸಿದೆ. ಹೀಗೆ ಹೆಸರನ್ನು ಸಂಪಾದಿಸಿದಾಗ ನಮಗೆ ಸಂತೋಷ, ಆತ್ಮತೃಪ್ತಿಗಳು ಉಂಟಾಗುವುದು ಸುಳ್ಳಲ್ಲ. ಶ್ರೀರಾಮ ಅವನ ವ್ಯಕ್ತಿತ್ವದ ಮೂಲಕವೇ ಲೋಕದಲ್ಲಿ ಕೀರ್ತಿಯನ್ನು ಸಂಪಾದಿಸಿದ್ದು.

. ತಂದೆಯ ಕಾರಣದಿಂದ ಅಥವಾ ಸೋದರಮಾವ – ಎಂದರೆ ತಾಯಿಯ ಕಡೆಯಿಂದ ಅಥವಾ ಮಾವನ ಆಶ್ರಯದಲ್ಲಿ ಹೆಸರನ್ನು ಪಡೆದು, ಮೆರೆಯುವವರನ್ನು ಸುಭಾಚಿತ ಚೆನ್ನಾಗಿಯೇ ಟೀಕಿಸಿದೆ. ಆತ್ಮಾಭಿಮಾನ ಎಂಬುದು ನಮ್ಮ ವ್ಯಕ್ತಿತ್ವದ ಸ್ವಭಾವವಾಗಬೇಕು. ಹೀಗಲ್ಲದೆ ಬೇರೊಬ್ಬರ ನೆರಳಿನಲ್ಲಿ ನಮ್ಮ ಅಸ್ತಿತ್ವವನ್ನು ಕಂಡುಕೊಳ್ಳುವುದು ಉತ್ತಮರ ಲಕ್ಷಣವಲ್ಲವಷ್ಟೆ.

. ನಮ್ಮ ಕಾರಣದಿಂದ ನಮ್ಮ ಕುಟುಂಬಕ್ಕಾಗಲೀ, ಬಂಧುಗಳಿಗಾಗಲೀ ಅಥವಾ ಸ್ನೇಹಿತರಿಗಾಗಲೀ ಒಳ್ಳೆಯ ಹೆಸರು ದಕ್ಕಬೇಕು. ಹೀಗಲ್ಲದೆ ಅವರ ಹೆಸರನ್ನು ಬಳಸಿಕೊಂಡು, ನಾವು ಮೀಸೆ ತಿರುಗಿಸುವುದು ಅಯೋಗ್ಯತನವೇ ಆಗುತ್ತದೆ.

. ಜಗತ್ತಿನಲ್ಲಿ ಹಲವರು ಸಾಧಕರು ಅವರ ತಂದೆ–ತಾಯಿಗಳ ಹೆಸರನ್ನು ತಮ್ಮ ಸಾಧನೆಯ ಮೂಲಕವಾಗಿಯೇ ಶಾಶ್ವತಗೊಳಿಸಿದ್ದಾರೆ. ಶ್ರೀನಿವಾಸ ರಾಮಾನುಜನ್, ಐಸಾಕ್ ನ್ಯೂಟನ್, ಐನ್ಸ್ಟೈನ್, ಎಸ್. ಪಿ. ಬಾಲಸುಬ್ರಹ್ಮಣ್ಯಂ, ಗಾಂಧೀಜಿ, ಸ್ವಾಮಿ ವಿವೇಕಾನಂದ, ಬಿ. ಆರ್. ಅಂಬೇಡ್ಕರ್ – ಹೀಗೆ ಸಾವಿರಾರು ಮಹಾಪುರುಷರು ತಮ್ಮ ಸಾಧನೆಯಿಂದಲೇ ಅವರ ಕುಟುಂಬಕ್ಕೆ ಕೀರ್ತಿ ತಂದಿದ್ದಾರೆ. ಇಂಥದ್ದು ಧನ್ಯಜೀವನದ ಲಕ್ಷಣ. ಹೀಗಲ್ಲದೆ, ‘ನಾನು ಯಾರು ಗೊತ್ತಾ, ನಮ್ಮ ತಂದೆ ಆ ಆಫೀಸರ್, ನಮ್ಮ ಮಾವ ಈ ಮಂತ್ರಿ, ನಮ್ಮ ಅಜ್ಜ ಎಂಪಿ, ನಮ್ಮ ಭಾವಮೈದ ಎಂಎಲ್ಎ‘ – ಹೀಗೆ ಹೇಳಿಕೊಂಡು ಜೀವನವನ್ನು ನಡೆಸುವುದು ಅತ್ಯಂತ ಹೇಯವಾದುದು.

. ನಾವೆಲ್ಲರೂ ಸ್ವಾಭಿಮಾನದಿಂದ ಬದುಕೋಣ; ನಿಜವಾದ ನಮ್ಮ ಜೀವನವನ್ನು ಜೀವಿಸೋಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಸ್ವಾಭಿಮಾನಿಗಳಾಗಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ