ಶನಿವಾರ, 20 ಜುಲೈ 2024
×
ADVERTISEMENT
ಈ ಕ್ಷಣ :
ADVERTISEMENT

ಜಿಪಿಎಸ್‌ ಅಳವಡಿಸಲು ಕಾಲಾವಕಾಶ ಕೋರಿ ಲಾರಿ ಮಾಲೀಕರು, ಚಾಲಕರಿಂದ ಪ್ರತಿಭಟನೆ

Last Updated 27 ಜೂನ್ 2019, 15:52 IST
ಅಕ್ಷರ ಗಾತ್ರ

ಹೊಸಪೇಟೆ: ಲಾರಿಗಳಿಗೆ ಜಿ.ಪಿ.ಎಸ್‌. ಅಳವಡಿಸಲು ಕಾಲಾವಕಾಶ ವಿಸ್ತರಿಸಬೇಕೆಂದು ಆಗ್ರಹಿಸಿ ಲಾರಿ ಮಾಲೀಕರು ಮತ್ತು ಚಾಲಕರು ಗುರುವಾರ ನಗರದ ಸಂಡೂರು ರಸ್ತೆಯಲ್ಲಿರುವ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ವೇ ಬ್ರಿಜ್‌ ಎದುರು ಪ್ರತಿಭಟನೆ ನಡೆಸಿದರು.

‘ಹೊಸಪೇಟೆ, ಸಂಡೂರು ವ್ಯಾಪ್ತಿಯ ಗಣಿಗಳಲ್ಲಿ ಒಟ್ಟು ಏಳು ಸಾವಿರಕ್ಕೂ ಅಧಿಕ ಲಾರಿಗಳು ಓಡಾಡುತ್ತವೆ. ಈಗಾಗಲೇ ಎರಡು ಸಾವಿರ ಲಾರಿಗಳಿಗೆ ಜಿ.ಪಿ.ಎಸ್. ಅಳವಡಿಸಲಾಗಿದೆ. ಮಿಕ್ಕುಳಿದ ಲಾರಿಗಳಿಗೂ ಜಿ.ಪಿ.ಎಸ್‌. ಅಳವಡಿಸಲಾಗುವುದು. ಅದಕ್ಕೆ ಗಣಿ ಇಲಾಖೆ ಸಮಯ ವಿಸ್ತರಿಸಬೇಕು’ ಎಂದುಲಾರಿ ಮಾಲೀಕರ ಸಂಘದ ಸದಸ್ಯ ದಾದಾ ಕಲಂದರ್‌ ಹೇಳಿದರು.

‘ಜೂ. 25ರ ಒಳಗೆ ಜಿ.ಪಿ.ಎಸ್‌. ಅಳವಡಿಸಲು ಕಾಲಾವಕಾಶ ನೀಡಲಾಗಿತ್ತು. ಆ ಅವಧಿ ಕೊನೆಗೊಂಡಿದೆ. ಇನ್ನೂ ಬಹಳಷ್ಟು ಲಾರಿಗಳಿಗೆ ಜಿ.ಪಿ.ಎಸ್‌. ಅಳವಡಿಸಬೇಕಿರುವುದರಿಂದ ಸಮಯ ಬೇಕಾಗುತ್ತದೆ. ಹಾಗಾಗಿ ಇಲಾಖೆ ಸಮಯ ವಿಸ್ತರಿಸಬೇಕು. ಅಲ್ಲಿಯವರೆಗೆ ಲಾರಿಗಳ ಓಡಾಟದ ಮೇಲೆ ನಿರ್ಬಂಧ ವಿಧಿಸಬಾರದು’ ಎಂದು ಒತ್ತಾಯಿಸಿದರು.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT