<p><strong>ಬೆಳಗಾವಿ: </strong>ಬೇಸಿಗೆಯ ದಿನಗಳು ಸಮೀಪಿಸುತ್ತಿದ್ದಂತೆಯೇ ನಗರದ ಉದ್ಯಾನಗಳು ಗಿಜಿಗುಡುತ್ತಿವೆ. ಬಿಸಿಲಿನ ತಾಪದಲ್ಲಿ ವಿಶ್ರಾಂತಿ ಜತೆಗೆ ಆಟದ ಮೂಲಕ ಸಮಯ ಕಳೆಯಲು ಮಕ್ಕಳು ಉದ್ಯಾನದತ್ತ ಧಾವಿಸುತ್ತಿದ್ದಾರೆ.</p>.<p>ಶಹಾಪುರದ ಮಹಾತ್ಮ ಗಾಂಧಿ ಹಾಗೂ ಛತ್ರಪತಿ ಶಿವಾಜಿ ಉದ್ಯಾನಗಳ ಮಧ್ಯದ ಮಕ್ಕಳ ಉದ್ಯಾನ ಈಗ ಸದಾ ಲವಲವಿಕೆಯಿಂದ ಇರುವುದು ಗೋಚರಿಸುತ್ತಿದೆ. ಅಳುವ ಮಕ್ಕಳನ್ನು ಕರೆದುಕೊಂಡು ಬರುವ ಪಾಲಕರಿಗೂ ಇದು ಸಮಾಧಾನ ನೀಡುವ ತಾಣವಾಗಿದೆ.</p>.<p>ಸುಮಾರು ಒಂದು ಎಕರೆ ವ್ಯಾಪ್ತಿ ಹೊಂದಿರುವ ಈ ಮಕ್ಕಳ ಉದ್ಯಾನ ಹಸಿರು ಹುಲ್ಲಿನಿಂದ ಆವೃತ್ತವಾಗಿದೆ. ಅದರಲ್ಲಿ ತೂಗುವ ಜೋಕಾಲಿಗಳು, ಜಾರುಗುಂಡೆ, ತಿರುಗುವ ಯಂತ್ರಗಳು ಮಕ್ಕಳನ್ನು ಖುಷಿಪಡಿಸುತ್ತಿವೆ. ಶಹಾಪುರ, ವಡಗಾವಿ, ಹಳೇಬೆಳಗಾವಿ ಮುಂತಾದ ಭಾಗಗಳ ಜನರು ನಿತ್ಯ ಸಂಜೆ ಇಲ್ಲಿಗೆ ಮಕ್ಕಳ ಜತೆಗೆ ಬರುತ್ತಾರೆ.</p>.<p>ಮಕ್ಕಳ ಆಟಕ್ಕೆಂದೇ ರೋಟರಿ ಸಂಸ್ಥೆಯಿಂದ ಸಿದ್ಧಪಡಿಸಲಾದ ಈ ಆಟಿಕೆಗಳನ್ನು ಹೊಂದಿರುವ ಅಲಂಕೃತ ಉದ್ಯಾನವನ್ನು ಈಗ ಮಹಾನಗರ ಪಾಲಿಕೆ ಸ್ವಾಧೀನಕ್ಕೆ ಪಡೆದು ನಿರ್ವಹಿಸುತ್ತಿದೆ.</p>.<p>ನೆರಳು ಹಾಗೂ ಹಸಿರು ಪರಿಸರಲ್ಲಿ ಮಕ್ಕಳಿಗಾಗಿ ಚಿತ್ರಕಲೆ ಸೇರಿದಂತೆ ವಿವಿಧ ಸ್ಪರ್ಧೆಗಳನ್ನೂ ಇಲ್ಲಿ ಆಯೋಜಿಸಲಾಗುತ್ತದೆ.ನಿತ್ಯ ಸಂಜೆ 4ರಿಂದ 8ರವರೆಗೆ ಈ ಭಾಗದ ಮನರಂಜನೆಯ ತಾಣವಾಗಿ ಗಮನಸೆಳೆದಿದೆ. ಮೆದುವಾದ ಹುಲ್ಲಿನ ಹಸಿರು ನೆಲ, ಗಿಡಮರಗಳ ಹಿತವಾದ ನೆರಳು, ವಿಶ್ರಾಂತಿಗೆ ಆಸನಗಳ ವ್ಯವಸ್ಥೆ ಇರುವುದರಿಂದ ಹಿರಿಯ ನಾಗರಿಕರು ಮಕ್ಕಳ ಆಟವನ್ನು ನೋಡಿ ಖುಷಿಪಡುತ್ತಿದ್ದಾರೆ ಎಂದು ಪಾಲಿಕೆಯ ಸದಸ್ಯೆ ಮೇದಾ ಹಳದನಕರ ಹೇಳಿದರು.</p>.<p>ಸಂಜೆ ಸಮಯದಲ್ಲಿ ಮಕ್ಕಳ ಆಟಕ್ಕೆಂದು ಮಹಾನಗರ ಪಾಲಿಕೆಯು ಉಚಿತ ಪ್ರವೇಶದ ಮೂಲಕ ಅವಕಾಶ ಕಲ್ಪಿಸಿದೆ. ಆದರೆ ಇಡೀ ದಿನ ಮಕ್ಕಳು ಇಲ್ಲಿ ಆಟದ ಮೂಲಕ ಸಮಯ ಕಳೆಯುತ್ತಾರೆ ಎಂದು ಅವರು ಹೇಳಿದರು.</p>.<p>ಮಕ್ಕಳ ಉದ್ಯಾನವನ್ನು ಇಡೀ ದಿನ ತೆರೆದರೆ ಸಾರ್ವಜನಿಕರಿಗೆ ಹೆಚ್ಚು ಅನುಕೂಲವಾಗುತ್ತದೆ. ಮುಖ್ಯ ಗೇಟ್ ತೆರೆಯದಿರುವುದರಿಂದ ಮಕ್ಕಳು ಗೇಟ್ ಮೇಲಿಂದ ಜಿಗಿದು ಒಳ ನುಗ್ಗುತ್ತಾರೆ. ಇದರಿಂದ ಮಕ್ಕಳಿಗೆ ಪೆಟ್ಟು ಆದೀತು ಎಂಬ ಭಯ ಆಗುತ್ತದೆ ಇಲ್ಲಿನ ಸ್ಥಳೀಯ ನಿವಾಸಿ ದೀಪಾಲಿ ದೇಶಪಾಂಡೆ ಹೇಳಿದರು.</p>.<p>ಉದ್ಯಾನದಲ್ಲಿ ಸ್ವಚ್ಛತೆ, ನೆರಳು ಎಲ್ಲವೂ ಚೆನ್ನಾಗಿದೆ. ಆದರೆ ಒಳ ಪ್ರವೇಶಕ್ಕೆ ಸಂಜೆ ಸಮಯದಲ್ಲಿ ಮಾತ್ರ ಅವಕಾಶ ಇದೆ. ಈ ಸಮಯವನ್ನು ವಿಸ್ತರಿಸಬೇಕು ಎನ್ನುವುದು ಸ್ಥಳೀಯರಾದ ಸುಮಿತ್ರಾ ಪಾಟೀಲ ಅನಿಸಿಕೆ.</p>.<p><em><strong>ಆರ್.ಎಲ್.ಚಿಕ್ಕಮಠ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ: </strong>ಬೇಸಿಗೆಯ ದಿನಗಳು ಸಮೀಪಿಸುತ್ತಿದ್ದಂತೆಯೇ ನಗರದ ಉದ್ಯಾನಗಳು ಗಿಜಿಗುಡುತ್ತಿವೆ. ಬಿಸಿಲಿನ ತಾಪದಲ್ಲಿ ವಿಶ್ರಾಂತಿ ಜತೆಗೆ ಆಟದ ಮೂಲಕ ಸಮಯ ಕಳೆಯಲು ಮಕ್ಕಳು ಉದ್ಯಾನದತ್ತ ಧಾವಿಸುತ್ತಿದ್ದಾರೆ.</p>.<p>ಶಹಾಪುರದ ಮಹಾತ್ಮ ಗಾಂಧಿ ಹಾಗೂ ಛತ್ರಪತಿ ಶಿವಾಜಿ ಉದ್ಯಾನಗಳ ಮಧ್ಯದ ಮಕ್ಕಳ ಉದ್ಯಾನ ಈಗ ಸದಾ ಲವಲವಿಕೆಯಿಂದ ಇರುವುದು ಗೋಚರಿಸುತ್ತಿದೆ. ಅಳುವ ಮಕ್ಕಳನ್ನು ಕರೆದುಕೊಂಡು ಬರುವ ಪಾಲಕರಿಗೂ ಇದು ಸಮಾಧಾನ ನೀಡುವ ತಾಣವಾಗಿದೆ.</p>.<p>ಸುಮಾರು ಒಂದು ಎಕರೆ ವ್ಯಾಪ್ತಿ ಹೊಂದಿರುವ ಈ ಮಕ್ಕಳ ಉದ್ಯಾನ ಹಸಿರು ಹುಲ್ಲಿನಿಂದ ಆವೃತ್ತವಾಗಿದೆ. ಅದರಲ್ಲಿ ತೂಗುವ ಜೋಕಾಲಿಗಳು, ಜಾರುಗುಂಡೆ, ತಿರುಗುವ ಯಂತ್ರಗಳು ಮಕ್ಕಳನ್ನು ಖುಷಿಪಡಿಸುತ್ತಿವೆ. ಶಹಾಪುರ, ವಡಗಾವಿ, ಹಳೇಬೆಳಗಾವಿ ಮುಂತಾದ ಭಾಗಗಳ ಜನರು ನಿತ್ಯ ಸಂಜೆ ಇಲ್ಲಿಗೆ ಮಕ್ಕಳ ಜತೆಗೆ ಬರುತ್ತಾರೆ.</p>.<p>ಮಕ್ಕಳ ಆಟಕ್ಕೆಂದೇ ರೋಟರಿ ಸಂಸ್ಥೆಯಿಂದ ಸಿದ್ಧಪಡಿಸಲಾದ ಈ ಆಟಿಕೆಗಳನ್ನು ಹೊಂದಿರುವ ಅಲಂಕೃತ ಉದ್ಯಾನವನ್ನು ಈಗ ಮಹಾನಗರ ಪಾಲಿಕೆ ಸ್ವಾಧೀನಕ್ಕೆ ಪಡೆದು ನಿರ್ವಹಿಸುತ್ತಿದೆ.</p>.<p>ನೆರಳು ಹಾಗೂ ಹಸಿರು ಪರಿಸರಲ್ಲಿ ಮಕ್ಕಳಿಗಾಗಿ ಚಿತ್ರಕಲೆ ಸೇರಿದಂತೆ ವಿವಿಧ ಸ್ಪರ್ಧೆಗಳನ್ನೂ ಇಲ್ಲಿ ಆಯೋಜಿಸಲಾಗುತ್ತದೆ.ನಿತ್ಯ ಸಂಜೆ 4ರಿಂದ 8ರವರೆಗೆ ಈ ಭಾಗದ ಮನರಂಜನೆಯ ತಾಣವಾಗಿ ಗಮನಸೆಳೆದಿದೆ. ಮೆದುವಾದ ಹುಲ್ಲಿನ ಹಸಿರು ನೆಲ, ಗಿಡಮರಗಳ ಹಿತವಾದ ನೆರಳು, ವಿಶ್ರಾಂತಿಗೆ ಆಸನಗಳ ವ್ಯವಸ್ಥೆ ಇರುವುದರಿಂದ ಹಿರಿಯ ನಾಗರಿಕರು ಮಕ್ಕಳ ಆಟವನ್ನು ನೋಡಿ ಖುಷಿಪಡುತ್ತಿದ್ದಾರೆ ಎಂದು ಪಾಲಿಕೆಯ ಸದಸ್ಯೆ ಮೇದಾ ಹಳದನಕರ ಹೇಳಿದರು.</p>.<p>ಸಂಜೆ ಸಮಯದಲ್ಲಿ ಮಕ್ಕಳ ಆಟಕ್ಕೆಂದು ಮಹಾನಗರ ಪಾಲಿಕೆಯು ಉಚಿತ ಪ್ರವೇಶದ ಮೂಲಕ ಅವಕಾಶ ಕಲ್ಪಿಸಿದೆ. ಆದರೆ ಇಡೀ ದಿನ ಮಕ್ಕಳು ಇಲ್ಲಿ ಆಟದ ಮೂಲಕ ಸಮಯ ಕಳೆಯುತ್ತಾರೆ ಎಂದು ಅವರು ಹೇಳಿದರು.</p>.<p>ಮಕ್ಕಳ ಉದ್ಯಾನವನ್ನು ಇಡೀ ದಿನ ತೆರೆದರೆ ಸಾರ್ವಜನಿಕರಿಗೆ ಹೆಚ್ಚು ಅನುಕೂಲವಾಗುತ್ತದೆ. ಮುಖ್ಯ ಗೇಟ್ ತೆರೆಯದಿರುವುದರಿಂದ ಮಕ್ಕಳು ಗೇಟ್ ಮೇಲಿಂದ ಜಿಗಿದು ಒಳ ನುಗ್ಗುತ್ತಾರೆ. ಇದರಿಂದ ಮಕ್ಕಳಿಗೆ ಪೆಟ್ಟು ಆದೀತು ಎಂಬ ಭಯ ಆಗುತ್ತದೆ ಇಲ್ಲಿನ ಸ್ಥಳೀಯ ನಿವಾಸಿ ದೀಪಾಲಿ ದೇಶಪಾಂಡೆ ಹೇಳಿದರು.</p>.<p>ಉದ್ಯಾನದಲ್ಲಿ ಸ್ವಚ್ಛತೆ, ನೆರಳು ಎಲ್ಲವೂ ಚೆನ್ನಾಗಿದೆ. ಆದರೆ ಒಳ ಪ್ರವೇಶಕ್ಕೆ ಸಂಜೆ ಸಮಯದಲ್ಲಿ ಮಾತ್ರ ಅವಕಾಶ ಇದೆ. ಈ ಸಮಯವನ್ನು ವಿಸ್ತರಿಸಬೇಕು ಎನ್ನುವುದು ಸ್ಥಳೀಯರಾದ ಸುಮಿತ್ರಾ ಪಾಟೀಲ ಅನಿಸಿಕೆ.</p>.<p><em><strong>ಆರ್.ಎಲ್.ಚಿಕ್ಕಮಠ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
