ಓಲಾ ಆಟೊ ಚಾಲಕರಿಗೆ ‘ಆಟೊ ಉನ್ನತಿ’ ಸೌಲಭ್ಯ

ಬೆಂಗಳೂರು: ಓಲಾ ಕ್ಯಾಬ್ ಕಂಪನಿಯು ತನ್ನ ಆಟೊ ಚಾಲಕರಿಗೆ ‘ಆಟೊ ಉನ್ನತಿ’ ಯೋಜನೆಯನ್ನು ನಗರದಲ್ಲಿ ಜಾರಿಗೊಳಿಸಿದೆ.

. ಈ ಯೋಜನೆಯಲ್ಲಿ ‘ಚಲೊ ಬೇಫಿಕರ್’ (ಆಟೊ ಚಾಲಕರಿಗೆ ವಿಮೆ ಸೌಲಭ್ಯ) ಹಾಗೂ ‘ದುಡಿಮೆ ಖಾತರಿ’ ಎಂಬ ಕಾರ್ಯಕ್ರಮಗಳಿವೆ.

. ‘ಚಲೊ ಬೇಫಿಕರ್’ ಕಾರ್ಯಕ್ರಮದಡಿ, ಆಟೊ ಚಾಲಕರಿಗೆ ₹5 ಲಕ್ಷ ವಿಮೆ ಸೌಲಭ್ಯ ಒದಗಿಸಲಾಗಿದೆ. ವಿಮೆಯ ಕಂತುಗಳನ್ನು ಕಂಪನಿಯೇ ಪಾವತಿಸಲಿದೆ. ಕೆಲಸ ಮಾಡುವಾಗ ಚಾಲಕ ಅಪಘಾತಕ್ಕೀಡಾಗಿ ಮೃತಪಟ್ಟರೆ, ವಿಮೆ ಹಣವನ್ನು ಕುಟುಂಬಕ್ಕೆ ಸಿಗುವಂತೆ ವ್ಯವಸ್ಥೆ ಮಾಡಲಾಗಿದೆ ಎಂದು ಓಲಾ ಆಟೊ ವಿಭಾಗದ ಮುಖ್ಯಸ್ಥ ಸಿದ್ಧಾರ್ಥ್ ಅಗರ್ವಾಲ್ ತಿಳಿಸಿದರು.

. ಅಪಘಾತದಿಂದ ಗಾಯಗೊಂಡು ಆಸ್ಪತ್ರೆ ಸೇರುವ ಚಾಲಕರಿಗೆ ವಿಮೆ ಕಂಪನಿಯು, ಮೂರು ತಿಂಗಳ ವರೆಗೆ ಪ್ರತಿದಿನದ ವಹಿವಾಟು ನಷ್ಟ ₹ 750 ಅನ್ನು ಭರಿಸಲಿದೆ. ವಾಹನ ಸಾಲ ಹಾಗೂ ಚಾಲಕರ ಮಕ್ಕಳ ಶಿಕ್ಷಣ ವೆಚ್ಚವನ್ನೂ (ವಾರ್ಷಿಕ ₹24 ಸಾವಿರ) ತುಂಬಲಿದೆ ಎಂದರು.

. ದುಡಿಮೆ ಖಾತರಿ ಕಾರ್ಯಕ್ರಮದ ಅಡಿಯಲ್ಲಿ ಪ್ರತಿ ಆಟೊ ಚಾಲಕರಿಗೆ ತಿಂಗಳಿಗೆ ಕನಿಷ್ಠ ₹ 44 ಸಾವಿರ ದುಡಿಮೆಯ ಖಾತರಿಯನ್ನು ಕಂಪನಿ ಒದಗಿಸಿದೆ. ನಗರದಲ್ಲಿ ಮೊದಲ ಬಾರಿಗೆ ಈ ಸೇವೆ ಪರಿಚಯಿಸಿದ್ದು, ಮುಂದಿನ ದಿನಗಳಲ್ಲಿ 73 ನಗರಗಳ ಸುಮಾರು 2 ಲಕ್ಷ ಚಾಲಕರಿಗೂ ವಿಸ್ತರಿಸಲಾಗುತ್ತದೆ ಎಂದು ಹೇಳಿದರು.

. ಕ್ಯಾಬ್ ಮತ್ತು ಆಟೊ ಚಾಲಕರ ದುಡಿಮೆ ವೃದ್ಧಿಗೆ ಪೂರಕ ವಾತಾವರಣ ನಿರ್ಮಿಸಲು ಈ ಯೋಜನೆ ಜಾರಿಗೆ ತರಲಾಗಿದೆ. ಚಾಲಕರು ಹಾಗೂ ಅವರ ಕುಟುಂಬಕ್ಕೆ ಆರ್ಥಿಕ ಭದ್ರತೆ ಒದಗಿಸುವುದು ಯೋಜನೆಯ ಮುಖ್ಯ ಉದ್ದೇಶ ಎಂದು ಹೇಳಿದರು.

. ಓಲಾ ಆಟೊ ಚಾಲಕ ಕ್ರಿಸ್ಟಿ ಥಾಮ್ಸನ್, ‘ವಾಹನ ಚಾಲನೆ ವೇಳೆ ಅಪಘಾತ ಸಂಭವಿಸಿ ಜೀವಕ್ಕೆ ತೊಂದರೆಯಾದರೆ ಕುಟುಂಬದ ಭವಿಷ್ಯವೇನು ಎಂಬ ಆತಂಕದಲ್ಲಿ ಆಟೊ ಚಲಾಯಿಸುತ್ತಿದ್ದೆ. ಆ ಚಿಂತೆಯನ್ನು ಕಂಪನಿಯು ದೂರ ಮಾಡಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಓಲಾ ಆಟೊ ಚಾಲಕರಿಗೆ ‘ಆಟೊ ಉನ್ನತಿ’ ಸೌಲಭ್ಯ

ಚಿನಕುರುಳಿ | ಶುಕ್ರವಾರ 15 ಆಗಸ್ಟ್‌ 2025

ಚುರುಮುರಿ: ನಾಯಿಗಳ ಕತೆ!

ದಿನ ಭವಿಷ್ಯ: ತೋಟದ ಬೆಳೆಗಾರರಿಗೆ ವಾಣಿಜ್ಯ ಬೆಳೆಗಳಿಂದ ಅಧಿಕ ಲಾಭ ಸಿಗವುದು..

ಚಿನಕುರುಳಿ | ಗುರುವಾರ 14 ಆಗಸ್ಟ್‌ 2025

ಏಷ್ಯಾಕಪ್‌ನಲ್ಲಿ ಭಾರತ–ಪಾಕ್ ಪಂದ್ಯ: ಆದಿತ್ಯ ಠಾಕ್ರೆ ವಿರೋಧ

ಡಿಸೆಂಬರ್ 12ಕ್ಕೆ ಕೋಲ್ಕತ್ತಕ್ಕೆ ಲಯೊನೆಲ್ ಮೆಸ್ಸಿ

ಮಹಿಳಾ ಕ್ರಿಕೆಟ್ | ಯಷ್ಟಿಕಾ, ರಾಧಾ, ತನುಜಾ ಅರ್ಧಶತಕ: ಭಾರತ ಎ ತಂಡಕ್ಕೆ ಸರಣಿ

ಸೇಂಟ್‌ ಲೂಯಿ ರ‍್ಯಾಪಿಡ್ ಮತ್ತು ಬ್ಲಿಟ್ಝ್ ಟೂರ್ನಿ: 6ನೇ ಸ್ಥಾನಕ್ಕೆ ಸರಿದ ಗುಕೇಶ್

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಚಿನಕುರುಳಿ | ಶುಕ್ರವಾರ 15 ಆಗಸ್ಟ್‌ 2025

ಚುರುಮುರಿ: ನಾಯಿಗಳ ಕತೆ!

ದಿನ ಭವಿಷ್ಯ: ತೋಟದ ಬೆಳೆಗಾರರಿಗೆ ವಾಣಿಜ್ಯ ಬೆಳೆಗಳಿಂದ ಅಧಿಕ ಲಾಭ ಸಿಗವುದು..

ಚಿನಕುರುಳಿ | ಗುರುವಾರ 14 ಆಗಸ್ಟ್‌ 2025