<p>ಬೆಂಗಳೂರು: ‘ರಾಯಲ್ ಲೇಕ್ ಫ್ರಂಟ್ ಬಡಾವಣೆ’ ನಿವಾಸಿಗಳು ತಮ್ಮ ಪಾಲಿನ ಮೂಲ ಸೌಕರ್ಯದ ಶುಲ್ಕವನ್ನು ಪಾವತಿಸಿದಲ್ಲಿ ಕಾವೇರಿ ನೀರು ಸರಬರಾಜು ಪ್ರಾರಂಭಿಸಲಾಗುತ್ತದೆ ಎಂದು ಜಲಮಂಡಳಿ ಅಧ್ಯಕ್ಷ ಡಾ. ರಾಮ್ಪ್ರಸಾತ್ ಮನೋಹರ್ ಹೇಳಿದರು.</p>.<p>ರಾಯಲ್ ಲೇಕ್ ಫ್ರಂಟ್ ನಿವಾಸಿಗಳ ಸಂಘದ ಪದಾಧಿಕಾರಿಗಳೊಂದಿಗೆ ಸಭೆ ನಡೆಸಿದ ಅವರು, ಬಡಾವಣೆ ನಿರ್ಮಾಣ ಸಂದರ್ಭದಲ್ಲೇ ಅಗತ್ಯ ಪೈಪ್ಲೈನ್ಗಳನ್ನು ನಿರ್ಮಾಣದಾರರು ಅಳವಡಿಸಬೇಕಿತ್ತು. ಆದರೆ, ಒಳಚರಂಡಿ ಅಥವಾ ನೀರಿನ ಪೈಪ್ಲೈನ್ ವ್ಯವಸ್ಥೆ ಅಳವಡಿಕೆಯಾಗಿಲ್ಲ. ಈ ಹಿನ್ನೆಲೆಯಲ್ಲಿ ಈ ಮೂಲಭೂತ ಸೌಕರ್ಯವನ್ನು ಅಳವಡಿಸಲು ಜಲಮಂಡಳಿಗೆ ತಗಲುವ ವೆಚ್ವವನ್ನು ‘ಡಿಮ್ಯಾಂಡ್ ನೋಟಿಸ್’ ಮೂಲಕ ಕೇಳಲಾಗಿದೆ. ಇದನ್ನು ಭರಿಸಿದಲ್ಲಿ ಜಲಮಂಡಳಿ ಅಗತ್ಯ ಕಾಮಗಾರಿ ನಡೆಸಿ ನೀರು ಪೂರೈಸಲಿದೆ ಎಂದರು.</p>.<p>‘ನಿವಾಸಿಗಳಲ್ಲಿ ಒಗ್ಗಟ್ಟಿನ ಕೊರೆತೆಯಿಂದ ಒಟ್ಟಾರೆಯಾಗಿ ಶುಲ್ಕ ಪಾವತಿಸಲು ಸಾಧ್ಯವಿಲ್ಲ. ಪರಿಹಾರ ನೀಡಿ’ ಎಂದು ನಿವಾಸಿಗಳು ಮನವಿ ಮಾಡಿದರು.</p>.<p>‘ನಿವಾಸಿಗಳಿಗೆ ವೈಯಕ್ತಿಕ ‘ಡಿಮ್ಯಾಂಡ್ ನೋಟಿಸ್’ ನೀಡಲಾಗುವುದು. ಶೇ 60ರಷ್ಟು ನಿವಾಸಿಗಳು ಶುಲ್ಕ ತುಂಬಿದಲ್ಲಿ ಕಾಮಗಾರಿ ಪ್ರಾರಂಭಿಸಲಾಗುವುದು’ ಎಂದು ರಾಮ್ಪ್ರಸಾತ್ ಭರವಸೆ ನೀಡಿದರು.</p>.<p>ಬಿಸಿಎಂಸಿ ಲೇಔಟ್, ರಘುವನಹಳ್ಳಿ, ಬಾಲಾಜಿ ಲೇಔಟ್ ವಜ್ರಹಳ್ಳಿ, ಬಿಸಿಸಿಎಚ್ ಲೇಔಟ್ಗಳು 110 ಗ್ರಾಮಗಳ ವ್ಯಾಪ್ತಿಯಲ್ಲಿವೆ. ಇವುಗಳು ಹೊಸದಾಗಿ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಸೇರ್ಪಡೆಯಾಗಿವೆ. ಸರ್ಕಾರದ ನಿರ್ಧಾರದಂತೆ ಈ ಬಡಾವಣೆಗಳಿಗೆ ಸಂಪರ್ಕ ನೀಡಲಾಗಿದೆ. ಕಾವೇರಿ 5ನೇ ಹಂತದ ಕಾಮಗಾರಿ ಮುಗಿದ ನಂತರ ‘ಪ್ರೊರೇಟಾ’ ಶುಲ್ಕ ಪಡೆದುಕೊಳ್ಳುವ ಬಗ್ಗೆ ಸರ್ಕಾರ ನಿರ್ಧರಿಸಲಿದೆ ಎಂದರು.</p>.<p>ದೊಡ್ಡಕಲ್ಲಸಂದ್ರದಲ್ಲಿರುವ ಬಿಡಿಎ ಎಂಪ್ಲಾಯೀಸ್ ಲೇಔಟ್ ಮತ್ತು ನಾರಾಯಣನಗರ ಬ್ಲಾಕ್ 1 ಲೇಔಟ್ನಿಂದ ಈಗಾಗಲೇ ಇಟಿಪಿ ಶುಲ್ಕವನ್ನು ಪಡೆದುಕೊಂಡು ಸಂಪರ್ಕ ನೀಡಲಾಗಿದೆ. ಬಿಡಿಎ ನಿರ್ಮಾಣ ಮಾಡುವ ಲೇಔಟ್ಗೂ ಸಂಪರ್ಕ ನೀಡಲು ಜಲಮಂಡಳಿ ಶುಲ್ಕವನ್ನು ವಿಧಿಸುತ್ತದೆ. ಯಾವುದೇ ಲೇಔಟ್ಗಳಿಗೂ ವಿನಾಯಿತಿ ನೀಡಲಾಗಿಲ್ಲ ಎಂದು ಸ್ಪಷ್ಟನೆ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ‘ರಾಯಲ್ ಲೇಕ್ ಫ್ರಂಟ್ ಬಡಾವಣೆ’ ನಿವಾಸಿಗಳು ತಮ್ಮ ಪಾಲಿನ ಮೂಲ ಸೌಕರ್ಯದ ಶುಲ್ಕವನ್ನು ಪಾವತಿಸಿದಲ್ಲಿ ಕಾವೇರಿ ನೀರು ಸರಬರಾಜು ಪ್ರಾರಂಭಿಸಲಾಗುತ್ತದೆ ಎಂದು ಜಲಮಂಡಳಿ ಅಧ್ಯಕ್ಷ ಡಾ. ರಾಮ್ಪ್ರಸಾತ್ ಮನೋಹರ್ ಹೇಳಿದರು.</p>.<p>ರಾಯಲ್ ಲೇಕ್ ಫ್ರಂಟ್ ನಿವಾಸಿಗಳ ಸಂಘದ ಪದಾಧಿಕಾರಿಗಳೊಂದಿಗೆ ಸಭೆ ನಡೆಸಿದ ಅವರು, ಬಡಾವಣೆ ನಿರ್ಮಾಣ ಸಂದರ್ಭದಲ್ಲೇ ಅಗತ್ಯ ಪೈಪ್ಲೈನ್ಗಳನ್ನು ನಿರ್ಮಾಣದಾರರು ಅಳವಡಿಸಬೇಕಿತ್ತು. ಆದರೆ, ಒಳಚರಂಡಿ ಅಥವಾ ನೀರಿನ ಪೈಪ್ಲೈನ್ ವ್ಯವಸ್ಥೆ ಅಳವಡಿಕೆಯಾಗಿಲ್ಲ. ಈ ಹಿನ್ನೆಲೆಯಲ್ಲಿ ಈ ಮೂಲಭೂತ ಸೌಕರ್ಯವನ್ನು ಅಳವಡಿಸಲು ಜಲಮಂಡಳಿಗೆ ತಗಲುವ ವೆಚ್ವವನ್ನು ‘ಡಿಮ್ಯಾಂಡ್ ನೋಟಿಸ್’ ಮೂಲಕ ಕೇಳಲಾಗಿದೆ. ಇದನ್ನು ಭರಿಸಿದಲ್ಲಿ ಜಲಮಂಡಳಿ ಅಗತ್ಯ ಕಾಮಗಾರಿ ನಡೆಸಿ ನೀರು ಪೂರೈಸಲಿದೆ ಎಂದರು.</p>.<p>‘ನಿವಾಸಿಗಳಲ್ಲಿ ಒಗ್ಗಟ್ಟಿನ ಕೊರೆತೆಯಿಂದ ಒಟ್ಟಾರೆಯಾಗಿ ಶುಲ್ಕ ಪಾವತಿಸಲು ಸಾಧ್ಯವಿಲ್ಲ. ಪರಿಹಾರ ನೀಡಿ’ ಎಂದು ನಿವಾಸಿಗಳು ಮನವಿ ಮಾಡಿದರು.</p>.<p>‘ನಿವಾಸಿಗಳಿಗೆ ವೈಯಕ್ತಿಕ ‘ಡಿಮ್ಯಾಂಡ್ ನೋಟಿಸ್’ ನೀಡಲಾಗುವುದು. ಶೇ 60ರಷ್ಟು ನಿವಾಸಿಗಳು ಶುಲ್ಕ ತುಂಬಿದಲ್ಲಿ ಕಾಮಗಾರಿ ಪ್ರಾರಂಭಿಸಲಾಗುವುದು’ ಎಂದು ರಾಮ್ಪ್ರಸಾತ್ ಭರವಸೆ ನೀಡಿದರು.</p>.<p>ಬಿಸಿಎಂಸಿ ಲೇಔಟ್, ರಘುವನಹಳ್ಳಿ, ಬಾಲಾಜಿ ಲೇಔಟ್ ವಜ್ರಹಳ್ಳಿ, ಬಿಸಿಸಿಎಚ್ ಲೇಔಟ್ಗಳು 110 ಗ್ರಾಮಗಳ ವ್ಯಾಪ್ತಿಯಲ್ಲಿವೆ. ಇವುಗಳು ಹೊಸದಾಗಿ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಸೇರ್ಪಡೆಯಾಗಿವೆ. ಸರ್ಕಾರದ ನಿರ್ಧಾರದಂತೆ ಈ ಬಡಾವಣೆಗಳಿಗೆ ಸಂಪರ್ಕ ನೀಡಲಾಗಿದೆ. ಕಾವೇರಿ 5ನೇ ಹಂತದ ಕಾಮಗಾರಿ ಮುಗಿದ ನಂತರ ‘ಪ್ರೊರೇಟಾ’ ಶುಲ್ಕ ಪಡೆದುಕೊಳ್ಳುವ ಬಗ್ಗೆ ಸರ್ಕಾರ ನಿರ್ಧರಿಸಲಿದೆ ಎಂದರು.</p>.<p>ದೊಡ್ಡಕಲ್ಲಸಂದ್ರದಲ್ಲಿರುವ ಬಿಡಿಎ ಎಂಪ್ಲಾಯೀಸ್ ಲೇಔಟ್ ಮತ್ತು ನಾರಾಯಣನಗರ ಬ್ಲಾಕ್ 1 ಲೇಔಟ್ನಿಂದ ಈಗಾಗಲೇ ಇಟಿಪಿ ಶುಲ್ಕವನ್ನು ಪಡೆದುಕೊಂಡು ಸಂಪರ್ಕ ನೀಡಲಾಗಿದೆ. ಬಿಡಿಎ ನಿರ್ಮಾಣ ಮಾಡುವ ಲೇಔಟ್ಗೂ ಸಂಪರ್ಕ ನೀಡಲು ಜಲಮಂಡಳಿ ಶುಲ್ಕವನ್ನು ವಿಧಿಸುತ್ತದೆ. ಯಾವುದೇ ಲೇಔಟ್ಗಳಿಗೂ ವಿನಾಯಿತಿ ನೀಡಲಾಗಿಲ್ಲ ಎಂದು ಸ್ಪಷ್ಟನೆ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
