ಅಡಿಕೆ ಧಾರಣೆ ಚೇತರಿಕೆ, ಫಸಲು ಕುಸಿತ | ಹೆಚ್ಚಿನ ಬೆಲೆ ನೀಡುವ ಖಾಸಗಿ ವರ್ತಕರು

ಬೀರೂರು : ಅಡಿಕೆ ವ್ಯವಹಾರದ ಸಹಕಾರ ಸಂಸ್ಥೆಗಳಲ್ಲಿ ರಾಶಿ ಇಡಿ ಅಡಿಕೆ ಧಾರಣೆಯು ಜುಲೈನಲ್ಲಿ ₹48 ಸಾವಿರದಿಂದ ₹49 ಸಾವಿರ ಇದ್ದು, ಆಗಸ್ಟ್ ತಿಂಗಳಿನಲ್ಲಿ ₹51,500ಕ್ಕೆ ತಲುಪಿದೆ. ಖಾಸಗಿ ವರ್ತಕರಲ್ಲಿ ಜುಲೈನಲ್ಲಿ ₹49 ಸಾವಿರ ಇದ್ದು, ಆಗಸ್ಟ್ನಲ್ಲಿ ₹53 ಸಾವಿರಕ್ಕೆ ತಲುಪಿದೆ.

. ಬೀರೂರು ಪ್ರಮುಖ ಅಡಿಕೆ ವ್ಯಾಪಾರ ಕೇಂದ್ರವಾಗಿದ್ದು, ಕ್ಯಾಂಪ್ಕೊ ದಶಕಗಳ ಹಿಂದೆಯೇ ಇಲ್ಲಿ ಕಚೇರಿ ತೆರೆದಿದೆ. ಮ್ಯಾಮ್ಕೋಸ್ ಶಾಖೆ ನಡೆಸುತ್ತಿದೆ. ಅಡಿಕೆಯ ಎಲ್ಲ ವಿಧದ ಮಾದರಿಗಳನ್ನು( ಕೆಂಪಡಿಕೆ, ಚಾಲಿ, ಗೊರಬಲು, ರಾಶಿಇಡಿ, ಕೋಕಾ, ಪಟೋರಾ, ಪುಡಿ) ಕ್ಯಾಂಪ್ಕೊ ಖರೀದಿಸುತ್ತಿದೆ. ಮ್ಯಾಮ್ಕೋಸ್ ಕಮಿಷನ್ ದಲ್ಲಾಳಿ ಸಂಸ್ಥೆಯಾಗಿ ರೈತರ ಹಿತ ಕಾಯಲು ನೆರವಾಗುತ್ತಿದೆ. ಆದರೂ ಬಹಳಷ್ಟು ಬೆಳೆಗಾರರು ತಾತ್ಕಾಲಿಕ ಲಾಭಕ್ಕಾಗಿ ಕೈ ವ್ಯಾಪಾರಸ್ಥರು, ಖಾಸಗಿ ವರ್ತಕರ ಮೊರೆ ಹೋಗುವುದೇ ಹೆಚ್ಚಾಗಿದೆ. ಅಡಿಕೆ ಮಂಡಿಗಳೂ ಸಾಕಷ್ಟು ಸಂಖ್ಯೆಯಲ್ಲಿ ಕಾರ್ಯ ನಿರ್ವಹಿಸುತ್ತಿವೆ.

. ‘ಖಾಸಗಿ ವ್ಯಾಪಾರಸ್ಥರು ₹1ಸಾವಿರ ಹೆಚ್ಚುವರಿ ಹಣಕ್ಕೆ ಅಡಿಕೆ ಖರೀದಿ ಮಾಡಬಹುದು. ಆದರೆ ಬಿಲ್ ಇಲ್ಲದ, ಜಿಎಸ್ಟಿ, ಎಪಿಎಂಸಿ ಸೆಸ್ ಪಾವತಿ ಮಾಡದ ಖಾಸಗಿ ವರ್ತಕರು ಸರ್ಕಾರಕ್ಕೂ ತೆರಿಗೆ ಪಾವತಿಸುವುದಿಲ್ಲ. ಮ್ಯಾಮ್ಕೋಸ್ ತರಹದ ಸಂಸ್ಥೆ ಎಪಿಎಂಸಿ ಸೆಸ್ ಪಾವತಿಸಿ, ತನ್ನ ಕಮಿಷನ್ ಸೇರಿಸಿ ಮಾರಾಟ ಮಾಡುವುದರಿಂದ ಧಾರಣೆ ಸ್ಥಿರವಾಗಿರಲು ನೆರವಾಗುತ್ತದೆ’ಎನ್ನುತ್ತಾರೆ ಮ್ಯಾಮ್ಕೋಸ್ ವ್ಯವಸ್ಥಾಪಕ ಸುರೇಶ್.

. ಕ್ಯಾಂಪ್ಕೊ ಶೇ4 ಜಿಎಸ್ಟಿ, ಎಪಿಎಂಸಿ ಸೆಸ್, ಸಹಕಾರ ಸಂಸ್ಥೆಗಳ ಟೆಂಡರ್ಗೆ ಕಮಿಷನ್ ಪಾವತಿಸುತ್ತದೆ. ದಾಸ್ತಾನು ಸಾಮರ್ಥ್ಯವೂ ಇದೆ. ದರ ಏಕಾಏಕಿ ಕುಸಿಯುವುದನ್ನು ತಡೆಯುತ್ತದೆ. ಕೈ ವ್ಯಾಪಾರಸ್ಥರು ಕೇವಲ ಲಾಭಕ್ಕೆ ಸೀಮಿತವಾಗಿರುತ್ತಾರೆ’ ಎನ್ನುತ್ತಾರೆ ಕ್ಯಾಂಪ್ಕೊ ಅಧಿಕಾರಿಗಳು.

. ‘ನಾವು ಕೈ ವ್ಯಾಪಾರಸ್ಥರಂತೆ ಏಕಾಏಕಿ ₹4 ಸಾವಿರದಿಂದ 5 ಸಾವಿರ ದರ ಕುಸಿತ ಮಾಡಲು ಸಾಧ್ಯವಿಲ್ಲ. ಬೆಳೆಗಾರರು ಹಾಗೂ ಸಂಸ್ಥೆಯ ಸದಸ್ಯರ(ಷೇರುದಾರರ) ಹಿತಕ್ಕಾಗಿ ನಿಧಿಗಳೂ ನಮ್ಮಲ್ಲಿ ಸಾಕಷ್ಟಿವೆ’ ಎನ್ನುತ್ತಾರೆ ಅವರು.

. ‘ಇತ್ತೀಚಿನ ದಿನಗಳಲ್ಲಿ ಚೇಣಿ ಕೊಡುವ ರೈತರು, ಹಣದ ಬದಲಾಗಿ ಒಂದು ಕ್ವಿಂಟಲ್ ಹಸಿ ಅಡಿಕೆಗೆ ಇಂತಿಷ್ಟು ಕೆ.ಜಿ. ಸಿದ್ಧಪಡಿಸಿದ ಅಡಿಕೆ ಕೊಡುವಂತೆ ಒಪ್ಪಂದ ಮಾಡಿಕೊಳ್ಳುತ್ತಾರೆ ಎನ್ನುತ್ತಾರೆ ಕೃಷಿಕ ಬಿ.ವಿ.ಸೋಮಶೇಖರ್.

. ‘ಈಚಿನ ದಿನಗಳಲ್ಲಿ ಚೇಣಿ ಮಾಡುವವರ ಸಂಖ್ಯೆ ಕಡಿಮೆ ಆಗುತ್ತಿದೆ. ನಾವು ಸಾಕಷ್ಟು ಶ್ರಮ ವಹಿಸಿ ಕೆಲಸ ಮಾಡಬೇಕು, ದರ ಒಂದೇ ರೀತಿ ಇದ್ದರೆ ಅಡಿಕೆ ಕೊಡಲು ಅಥವಾ ಹಣ ನೀಡಲು ಒಪ್ಪಂದ ಮಾಡಿಕೊಳ್ಳಬಹುದು. ಸದ್ಯ ಚೇಣಿ ಕೊಡುವವರು ಕ್ವಿಂಟಲ್ ಹಸಿ ಅಡಿಕೆಗೆ ₹6,500ರಿಂದ ₹7 ಸಾವಿರಕ್ಕೆ ಬೇಡಿಕೆ ಇಡುತ್ತಿದ್ದಾರೆ.

. ಅಲ್ಲಿಗೆ ನಾವು ಅಡಿಕೆ ಮಾರಾಟ ಮಾಡಲು ಕ್ವಿಂಟಲ್ಗೆ ಕನಿಷ್ಠ ₹51ಸಾವಿರ ಧಾರಣೆ ಇರಬೇಕಾಗುತ್ತದೆಎನ್ನುತ್ತಾರೆ ಚೇಣಿದಾರ ಅಕ್ಬರ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಡಿಕೆ ಧಾರಣೆ ಚೇತರಿಕೆ, ಫಸಲು ಕುಸಿತ | ಹೆಚ್ಚಿನ ಬೆಲೆ ನೀಡುವ ಖಾಸಗಿ ವರ್ತಕರು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್