ಕಡೂರು: ಮಾರುಕಟ್ಟೆಗೆ ಹಸಿ ಕಡಲೆ, ನಾಗಪುರ ಕಿತ್ತಳೆ ಲಗ್ಗೆ

ಕಡೂರು : ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಚಳಿ ಹೆಚ್ಚಾಗಿದೆ. ಚಳಿಗಾಲದ ಬೆನ್ನಲ್ಲೇ ಮಾರುಕಟ್ಟೆಗೆ ಬರುವ ಹಸಿ ಕಡಲೆ (ಕಡಲೆ ಗಿಡ) ಮತ್ತು ಕಿತ್ತಳೆ ಹಣ್ಣಿಗೆ ಈ ಬಾರಿ ಹೆಚ್ಚಿನ ಬೇಡಿಕೆ ಇದೆ. ದಶಕಗಳ ಹಿಂದೆ ಕಡೂರು ತಾಲ್ಲೂಕಿನ ಎಮ್ಮೆದೊಡ್ಡಿಯ ಕಿತ್ತಳೆ ಹಣ್ಣು ರಾಜ್ಯದಾದ್ಯಂತ ಪ್ರಸಿದ್ಧಿಯಾಗಿತ್ತು. ಈಗ ತಾಲ್ಲೂಕಿನಲ್ಲಿ ಎಲ್ಲಿಯೂ ಕಿತ್ತಳೆ ಬೆಳೆಯುತ್ತಿಲ್ಲ. ಮಹಾರಾಷ್ಟ್ರದ ನಾಗಪುರದಿಂದ ಬರುವ ಕಿತ್ತಳೆ ಹಣ್ಣು ತಾಲ್ಲೂಕಿನಲ್ಲಿ ಮಾರಾಟವಾಗುತ್ತದೆ.

. ಕೊಡಗಿನಲ್ಲಿ ಬೆಳೆಯುವ ಕಿತ್ತಳೆ ಹಣ್ಣು ಸಿಹಿಯಾಗಿರುತ್ತದೆ. ಆದರೆ, ನಾಗಪುರದ ಕಿತ್ತಳೆ ಹುಳಿ- ಸಿಹಿ ಮಿಶ್ರಿತವಾಗಿರುವುದರಿಂದ ಜನರು ಹೆಚ್ಚಾಗಿ ಅದನ್ನೇ ಇಷ್ಟಪಟ್ಟು ಖರೀದಿಸುತ್ತಾರೆ. ಪಟ್ಟಣದ ಹಣ್ಣಿನ ಅಂಗಡಿಗಳಲ್ಲಿ ಒಂದು ಕೆಜಿ ಕಿತ್ತಳೆ ₹80 ರಿಂದ ₹100 ದರದಲ್ಲಿ ಸಿಗುತ್ತಿದೆ. ಹಾಸನ ಮತ್ತಿತರ ಕಡೆಯಿಂದ ಬರುವ ವ್ಯಾಪಾರಿಗಳು ವಾಹನದಲ್ಲಿ ಕಿತ್ತಳೆ ತುಂಬಿಕೊಂಡು ಬಂದು ರಸ್ತೆಯಂಚಿನಲ್ಲಿ ಒಂದೂವರೆ ಕೆ.ಜಿ ಹಣ್ಣನ್ನು ₹100 ದರದಲ್ಲಿ ಮಾರುತ್ತಾರೆ. ಸೋಮವಾರದ ಸಂತೆಯಲ್ಲಿ 1 ಕೆ.ಜಿ ಕಿತ್ತಳೆ ಹಣ್ಣಿಗೆ ₹80 ದರವಿತ್ತು.

. ‘ಕಿತ್ತಳೆ ಹಣ್ಣನ್ನು ನಾಗಪುರದಿಂದ ತರಿಸುತ್ತೇವೆ. ಭಾರಿ ಅಲ್ಲದಿದ್ದರೂ ತೃಪ್ತಿಕರ ಲಾಭವಿದೆ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ರಾಮಚಂದ್ರ.

. ಹಸಿ ಕಡಲೆ ಕೂಡ ಹೆಚ್ಚಾಗಿ ಮಾರಾಟವಾಗುತ್ತಿದೆ. ವ್ಯಾಪಾರಿಗಳು ಒಂದು ಕೆಜಿ ಕಡಲೆ ಗಿಡವನ್ನು ರೈತರಿಂದ ಸರಾಸರಿ ₹30 ದರದಲ್ಲಿ ಖರೀದಿಸಿ, ಅದನ್ನು ₹50 ದರದಲ್ಲಿ ಮಾರಾಟ ಮಾಡುತ್ತಾರೆ. ಕಡೂರು ತಾಲ್ಲೂಕಿನಲ್ಲಿ 500 ಹೆಕ್ಟೇರ್ಗೂ ಹೆಚ್ಚಿನ ಪ್ರದೇಶದಲ್ಲಿ ಕಡಲೆ ಬೆಳೆಯಲಾಗಿದೆ. ರೈತರ ಬಳಿ ವ್ಯಾಪಾರಸ್ಥರು ಒಂದು ಎಕರೆಗೆ ಇಂತಿಷ್ಟು ಅಂತ ಮೊತ್ತ ನಿಗದಿ ಮಾಡಿ ಇಡೀ ಬೆಳೆಯನ್ನೂ ಖರೀದಿಸುತ್ತಾರೆ. ಈ ಬಾರಿ ಒಂದು ಎಕರೆಯಲ್ಲಿನ ಕಡಲೆ ಗಿಡ ₹18 ರಿಂದ ₹20 ಸಾವಿರದ ತನಕ ಮಾರಾಟವಾಗಿದೆ.

. 50 ಕೆಜಿಯಷ್ಟು ಕಡಲೆಗಿಡ ಮಾರಾಟ ನಿತ್ಯ 40 ರಿಂದ 50 ಕೆ.ಜಿಯಷ್ಟು ಕಡಲೆಗಿಡ ಮಾರಾಟ ಮಾಡುತ್ತೇನೆ. ಒಂದು ಕೆ.ಜಿ.ಗೆ ₹10 ರಿಂದ ₹15 ಲಾಭ ಸಿಗುತ್ತದೆ ಎನ್ನುತ್ತಾರೆ ಕಡೂರಿನ ಅಂಬೇಡ್ಕರ್ ವೃತ್ತದಲ್ಲಿ ಕಡಲೆ ಗಿಡ ಮಾರಾಟ ಮಾಡುವ ಎಂ.ಕೋಡಿಹಳ್ಳಿಯ ಲಕ್ಷ್ಮೀಬಾಯಿ. . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಡೂರು: ಮಾರುಕಟ್ಟೆಗೆ ಹಸಿ ಕಡಲೆ, ನಾಗಪುರ ಕಿತ್ತಳೆ ಲಗ್ಗೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್