ಕಾಸರಗೋಡಿನಲ್ಲಿ ಕಾರ್ಮಿಕರ ಹರತಾಳ ಪೂರ್ಣ

ಕಾಸರಗೋಡು: ಜಿಲ್ಲೆಯಲ್ಲಿ ಬುಧವಾರ ನಡೆದ ಕಾರ್ಮಿಕರ ಹರತಾಳ ನಡೆಯಿತು.

. ಕೇಂದ್ರ ಸರ್ಕಾರ ತಪ್ಪು ನೀತಿ ಅನುಸರಿಸುತ್ತಿದೆ ಎಂದು ಆರೋಪಿಸಿ ಕಾರ್ಮಿಕ ಸಂಘಟನೆಗಳು ನಡೆಸಿದ ಪ್ರತಿಭಟನೆಯ ಖಾಸಗಿ ಮತ್ತು ಸರ್ಕಾರಿ ಬಸ್ಗಳು ಸಂಚಾರ ನಡೆಸಿರಲಿಲ್ಲ.

. ಬಹುತೇಕ ಬಸ್ ನಿಲ್ದಾಣಗಳು ಬಿಕೋ ಅನ್ನುವಂತಿದ್ದವು. ಜಿಲ್ಲೆಯ ಕೆಲವೆಡೆ ಸಂಚಾರ ನಡೆಸಿದ ಖಾಸಗಿ ವಾಹನಗಳನ್ನು ಮುಷ್ಕರ ನಿರತರು ತಡೆದಾಗ ವಾಗ್ವಾದ ನಡೆಯಿತು. ಈ ಸಂಬಂಧ ಮುಷ್ಕರ ನಿರತರ ಮತ್ತು ಪೊಲೀಸರ ನಡುವೆಯೂ ಕೊಂಚ ಹೊತ್ತು ಚರ್ಚೆ ನಡೆಯಿತು.

. ನಗರದಲ್ಲಿ ಮುಷ್ಕರ ನಿರತ ಕಾರ್ಮಿಕ ಸಂಘಟನೆಗಳ ಮೆರವಣಿಗೆ ನಡೆಯಿತು. ನಗರದ ಪ್ರಧಾನ ಅಂಚೆ ಕಚೇರಿ ಮುಂದೆ ಶಾಸಕ ಸಿ.ಎಚ್.ಕುಂಞಂಬು ಎಡರಂಗ ಬೆಂಬಲಿತ ಕಾರ್ಮಿಕರ ಮೆರವಣಿಗೆಯನ್ನು ಉದ್ಘಾಟಿಸಿದರು.

. ಎಐಟಿಯುಸಿ ಜಿಲ್ಲಾ ಸಮಿತಿ ಅಧ್ಯಕ್ಷ ಟಿ.ಕೃಷ್ಣನ್ ಅಧ್ಯಕ್ಷತೆ ವಹಿಸಿದ್ದರು.

. ವಿವಿಧ ಸಂಘಟನೆಗಳ ಪ್ರತಿನಿಧಿಗಳಾದ ಟಿ.ಕೆ.ರಾಜನ್, ಸಿ.ಎಂ.ಎ.ಜಲೀಲ್, ರಾಘವನ್ ಮಾಸ್ಟರ್ ಭಾಗವಹಿಸಿದ್ದರು.

. ಎಂ.ಜಿ.ರಸ್ತೆಯಲ್ಲಿ ಐಕ್ಯರಂಗ ಬೆಂಬಲಿತ ಕಾರ್ಮಿಕರ ಮೆರವಣಿಗೆಯನ್ನು ಎಸ್.ಟಿ.ಯು.ರಾಜ್ಯ ಸಮಿತಿ ಪ್ರಧಾನ ಕಾರ್ಯದರ್ಶಿ ಕೆ.ಪಿ.ಮುಹಮ್ಮದ್ ಅಶ್ರಫ್ ಉದ್ಘಾಟಿಸಿದರು. ಐ.ಎನ್.ಟಿ.ಯು.ಸಿ. ಜಿಲ್ಲಾ ಸಮಿತಿ ಕಾರ್ಯದರ್ಶಿ ಟಿ.ವಿ.ಕುಂಞಿರಾಮನ್ ಅಧ್ಯಕ್ಷತೆ ವಹಿಸಿದ್ದರು. ಅಶ್ರಫ್ ಎಡನೀರು, ಎ.ಅಹಮ್ಮದ್, ಅರ್ಜುನನ್ ತಾಯಲಂಗಾಡಿ, ಟಿ.ಜಿ.ಟೋನಿ ಭಾಗವಹಿಸಿದ್ದರು.

. ಕಾಣೆಯಾಗಿದ್ದ ಯುವಕನ ಶವ ನದಿಯಲ್ಲಿ ಪತ್ತೆ

. ಕಾಸರಗೋಡು: ಕಾಣೆಯಾಗಿದ್ದ ಯುವಕ, ಕಸಬ ನಿವಾಸಿ ಆದಿತ್ಯ (22) ಅವರ ಶವ ಕಸಬ ಕರಾವಳಿಯ ಹಾರ್ಬರ್ ಗೇಟ್ ಬಳಿಯ ನದಿಯಲ್ಲಿ ಬುಧವಾರ ಪತ್ತೆಯಾಗಿದೆ. ಶವದಲ್ಲಿ ಗಾಯಗಳು ಪತ್ತೆಯಾಗಿದ್ದು, ಊಹಾಪೋಹಕ್ಕೆ ಕಾರಣವಾಗಿದೆ. 2 ದಿನಗಳಿಂದ ಅವರು ಕಾಣೆಯಾಗಿದ್ದರು. ನಗರ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

. ಮೂರು ನಕಲಿ ಬಂದೂಕು ಸಹಿತ ಬಂಧನ

. ಕಾಸರಗೋಡು: ಕಳ್ಳಾರಿನ ಕೋಟೆಕುನ್ನು ಕೈಕಳಂ ಎಂಬಲ್ಲಿನ ಮನೆಯೊಂದಕ್ಕೆ ಬುಧವಾರ ದಾಳಿ ನಡೆಸಿದ ಪೊಲೀಸರು ಮೂರು ನಕಲಿ ಬಂದೂಕುಗಳ ಸಹಿತ ಕಣ್ಣೂರು ಆಲಕ್ಕೋಡು ಕಾರ್ತಿಕಪುರಂ ಎರುದಮಾಡ ಮೇಲರುಗಿಲ್ ನಿವಾಸಿ ಎಂ.ಕೆ.ಅಜಿತ್ ಕುಮಾರ್ (55) ಎಂಬಾತನನ್ನು ಬಂಧಿಸಿದ್ದಾರೆ.

. ಪ್ರಕರಣ ಸಂಬಂಧ ರಾಜಪುರಂ ಪೂಂಜಕ್ಕರ ನಿವಾಸಿ ಸಂತೋಷ್, ಪರಪ್ಪ ನಿವಾಸಿ ಷಾಜಿ ಎಂಬುವರ ವಿರುದ್ಧ ಪ್ರಕರಣ ದಾಖಲಾಗಿದೆ.

. ಕಾಞಂಗಾಡು, ಬೇಕಲ ಡಿವೈಎಸ್ಪಿ ನೇತೃತ್ವದಲ್ಲಿ ರಾಜಪುರಂ ಪೊಲೀಸರು ದಾಳಿ ನಡೆಸಿದ್ದರು. ಬಂಧಿತನ ಹೆಚ್ಚುವರಿ ವಿಚಾರಣೆ ನಡೆಸಲಾಗುತ್ತಿದೆ.

. ಮಸೀದಿಗೆ ಕನ್ನ: ಆರೋಪಿ ಬಂಧನ

. ಕಾಸರಗೋಡು: ಸೂರ್ಲು ಸಲಫಿ ಮಸೀದಿಯಲ್ಲಿ ಜೂನ್ 24ರಂದು ₹ 3.10 ಲಕ್ಷ, 2 ಪವನ್ ಚಿನ್ನದ ಆಭರಣ ಕಳವು ನಡೆಸಿದ ಆರೋಪಿ ಆಂಧ್ರಪ್ರದೇಶದ ವೆಸ್ಟ್ ಗೋದಾವರಿ ಆಕ್ಕಿವಿಡು ನಿವಾಸಿ ಸಲ್ಮಾನ್ ಅಹಮ್ಮದ್ (34) ಎಂಬಾತನನ್ನು ನಗರ ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

. ಸಿಸಿಟಿವಿ ಕ್ಯಾಮೆರಾದ ದೃಶ್ಯದ ಆಧಾರದಲ್ಲಿ ಆರೋಪಿಯ ಪತ್ತೆ ನಡೆದಿತ್ತು.

. ಮದ್ಯ, ಮಾದಕ ವಸ್ತು ಸಹಿತ ಬಂಧನ

. ಕಾಸರಗೋಡು: ಮೇಲ್ಪರಂಬ ಕೊಪ್ಪಲ್ ಎಂಬಲ್ಲಿ ಬುಧವಾರ ಕಾರಿನಲ್ಲಿ ಸಾಗಿಸುತ್ತಿದ್ದ 181.44 ಲೀ. ಮದ್ಯ ಸಹಿತ ಚಾವಕಡ ಎಡಕ್ಕರ ನಿವಾಸಿಗಳಾದ ಅನ್ಸೀಫ್ ಎ.ಎಚ್. (38) ಮತ್ತು ಚಂದ್ರಶೇಖರನ್ (39) ಎಂಬುವರನ್ನು ಅಬಕಾರಿ ದಳ ಬಂಧಿಸಿದೆ.

. ಇನ್ನೊಂದು ಪ್ರಕರಣದಲ್ಲಿ ಪೆರಿಯ ಮುತ್ತಡ್ಕ ಪುಳಿಕ್ಕಾಲು ಎಂಬಲ್ಲಿ ಕಾರಿನಲ್ಲಿ ಸಾಗಿಸುತ್ತಿದ್ದ 256 ಗ್ರಾಂ ಎಂಡಿಎಂಎ ಸಹಿತ ಪೊವ್ವಲ್ ನಿವಾಸಿ ಅಹಮ್ಮದ್ ಡ್ಯಾನಿಷ್ (30) ಮತ್ತು ಆಲಂಪಾಡಿಯ ಅಬ್ದುಲ್ ಖಾದರ್ (40) ಎಂಬುವರನ್ನು ಬೇಕಲ ಪೊಲೀಸರು ಬಂಧಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಸರಗೋಡಿನಲ್ಲಿ ಕಾರ್ಮಿಕರ ಹರತಾಳ ಪೂರ್ಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ದಿನ ಭವಿಷ್ಯ: ಪತ್ರಿಕೋದ್ಯಮದವರಿಗೆ ವೃತ್ತಿಯಲ್ಲಿ ನಾಯಕತ್ವ ಹೊಂದುವ ಅವಕಾಶ ಸಿಗಲಿದೆ

ಚಿನಕುರುಳಿ Cartoon: 9 ಜುಲೈ 2025

ಟಿ20 ಕ್ರಿಕೆಟ್ | ಇಂಗ್ಲೆಂಡ್ ಎದುರು ಭಾರತದ ವನಿತೆಯರ ಚಾರಿತ್ರಿಕ ಸಾಧನೆ

ಹಣ ದುರುಪಯೋಗ ಆರೋಪ: ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷ ಸೇರಿ ಐವರ ಬಂಧನ

ಫಿಫಾ ಕ್ರಮಾಂಕ | 133ನೇ ಸ್ಥಾನಕ್ಕೆ ಇಳಿದ ಭಾರತ: ಕಾರಣ ಏನು?

ಫುಟ್‌ಬಾಲ್‌: ಸೌಹಾರ್ದ ಪಂದ್ಯಕ್ಕೆ ಭಾರತ ಸಜ್ಜು

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ದಿನ ಭವಿಷ್ಯ: ಪತ್ರಿಕೋದ್ಯಮದವರಿಗೆ ವೃತ್ತಿಯಲ್ಲಿ ನಾಯಕತ್ವ ಹೊಂದುವ ಅವಕಾಶ ಸಿಗಲಿದೆ

ಚಿನಕುರುಳಿ Cartoon: 9 ಜುಲೈ 2025