ಸೂಕ್ಷ್ಮ ಜೀವಶಾಸ್ತ್ರ ವಿಭಾಗದ ಪ್ರಾಧ್ಯಾಪಕರೂ ಆಗಿರುವ ತಮಗೆ ಹಾಗೂ ಗಣಿತ ವಿಭಾಗದ ಸಹ ಪ್ರಾಧ್ಯಾಪಕ ಡಾ. ಪ್ರಸನ್ನ ಜಿ.ಡಿ. ಅವರ ಸಂಶೋಧನಾ ಪ್ರಬಂಧಕ್ಕೆ ವಿ.ಜಿ.ಎಸ್.ಟಿ, ಎಸ್.ಟಿ, ಐ.ಟಿ ಆ್ಯಂಡ್ ಬಿ.ಟಿ, ರಾಜ್ಯ ಸರ್ಕಾರದಿಂದ ‘ಬೆಸ್ಟ್ ಪೇಪರ್ ಅವಾರ್ಡ್’ ಲಭಿಸಿದೆ. ಒಂದು ವರ್ಷದಿಂದ ಸಂಶೋಧನೆಗಾಗಿ ₹ 1.50 ಕೋಟಿ ಅನುದಾನ ಬಂದಿದೆ. 2019–20ನೇ ಸಾಲಿನಲ್ಲಿ 33 ಪ್ರಾಧ್ಯಾಪಕರಿಗೆ ಸಂಶೋಧನಾ ಪ್ರೋತ್ಸಾಹ ಧನ ನೀಡಲಾಗಿದೆ. 2020–21ನೇ ಸಾಲಿನಲ್ಲಿ 13 ಪ್ರಾಧ್ಯಾಪಕರು ಹಾಗೂ 12 ವಿದ್ಯಾರ್ಥಿಗಳಿಗೆ ಸಂಶೋಧನಾ ಪ್ರೋತ್ಸಾಹ ಧನ ನೀಡಲು ಗುರುತಿಸಲಾಗಿದೆ. ವಿಭಾಗವಾರು ಒಬ್ಬ ಪ್ರಾಧ್ಯಾಪಕರಿಗೆ ‘ಬೆಸ್ಟ್ ಪಬ್ಲಿಕೇಷನ್ ಅವಾರ್ಡ್’ ನೀಡಲಾಗಿದೆ. 40ಕ್ಕೂ ಹೆಚ್ಚು ರಾಜ್ಯ, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಒಡಂಬಡಿಕೆಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ಮಾಹಿತಿ ನೀಡಿದರು.