ಸಾಂಸ್ಕೃತಿಕ ನಗರಿ ಧಾರವಾಡದ ಪ್ರೇಕ್ಷಣೀಯ ಸ್ಥಳಗಳಲ್ಲಿ ಪ್ರಮುಖವಾದದ್ದು ಸಾಧನ ಕೇರಿ. ದ.ರಾ. ಬೇಂದ್ರೆಯವರು ಉಪಯೋಗಿಸಿದ ವಸ್ತುಗಳು, ಅವರಿಗೆ ವಿವಿಧ ಸಂಸ್ಥೆಗಳು ನೀಡಿದ್ದ ಕಾಣಿಕೆಗಳು, ಜ್ಞಾನಪೀಠ ಪುರಸ್ಕಾರದ ಫಲಕ, ಮೈಸೂರು ಪೇಟ, ಉಡುಪು, ಕನ್ನಡಕ, ಪುಸ್ತಕಗಳು ಸೇರಿ ಹಲವು ವಸ್ತುಗಳು ಪುಟ್ಟ ವಸ್ತು ಸಂಗ್ರಹಾಲಯದಂತಿರುವ ಬೇಂದ್ರೆ ನಿವಾಸದ ಆಕರ್ಷಣೆಗಳು. ಕುಪ್ಪಳಿಯಲ್ಲಿ ಕುವೆಂಪು ಅವರ ಮನೆಯನ್ನು ಅಭಿವೃದ್ಧಿಪಡಿಸಿರುವಂತೆ ಸಾಧನ ಕೇರಿ ಪ್ರದೇಶವನ್ನು ಅಭಿವೃದ್ಧಿ ಪಡಿಸಬೇಕು ಎಂಬುದು ಸಾಹಿತ್ಯಾಸಕ್ತರ ಒತ್ತಾಯ.
