<p><strong>ಗದಗ: </strong>ಹಲವು ದಶಕಗಳಿಂದ ಲೀಜ್ದಾರರ ವಶದಲ್ಲಿದ್ದ ಗದಗ– ಬೆಟಗೇರಿ ನಗರಸಭೆಗೆ ಸೇರಿದ ಕೊಟ್ಯಂತರ ರೂಪಾಯಿ ಮೌಲ್ಯದ 54 ವಕಾರಸಾಲುಗಳನ್ನು (ಸರ್ಕಾರಿ ಜಾಗ) ವಾಪಸ್ ಪಡೆಯಲು ಶನಿವಾರ ನಸುಕಿನಲ್ಲೇ ಇಲ್ಲಿ ತೆರವು ಕಾರ್ಯಾಚರಣೆ ಪ್ರಾರಂಭವಾಯಿತು.</p>.<p>ಜೆಸಿಬಿ ಬಳಸಿ ವಕಾರಸಾಲಿನಲ್ಲಿ ಅಕ್ರಮವಾಗಿ ನಿರ್ಮಿಸಿಕೊಂಡಿದ್ದ ಮಳಿಗೆಗಳು ಮತ್ತು ಮನೆಗಳನ್ನು ತೆರವುಗೊಳಿಸಲಾಯಿತು.</p>.<p>ಶನಿವಾರ ಬೆಳಿಗ್ಗೆ 5 ಗಂಟೆಯ ಒಳಗಾಗಿ ಸರಕುಗಳನ್ನು ಬೇರೆಡೆಗೆ ಸ್ಥಳಾಂತರಿಸುವಂತೆ ನಗರಸಭೆ, ಲೀಜ್ದಾರರಿಗೆ ಮತ್ತು ಇಲ್ಲಿನ ನಿವಾಸಿಗಳಿಗೆ ಸೂಚನೆ ನೀಡಿತ್ತು. ಇದರಿಂದ ಆತಂಕಗೊಂಡ ಮಳಿಗೆಗಳ ಮಾಲೀಕರು ಶುಕ್ರವಾರ ರಾತ್ರಿಯೇ ಸರಕುಗಳನ್ನು ಬೇರೆಡೆ ಸಾಗಿಸಿದ್ದರು.</p>.<p>ಶುಕ್ರವಾರ ರಾತ್ರಿಯಿಡೀ ನಗರದಲ್ಲಿ ಪ್ರಕ್ಷುಬ್ದ ವಾತಾವರಣ ಇತ್ತು. ತೆರವು ಕಾರ್ಯಾಚರಣೆ ಮುಂದೂಡುವಂತೆ ಆಗ್ರಹಿಸಿ, ರಾತ್ರಿ 11 ಗಂಟೆಗೆ ಲೀಜ್ದಾರರು, ನಿವಾಸಿಗಳು ಜಿಲ್ಲಾಡಳಿತ ಭವನಕ್ಕೆ ತೆರಳಿ, ಜಿಲ್ಲಾಧಿಕಾರಿಗಳಿಗೆ ಮನವಿ ಕೊಡುವ ಪ್ರಯತ್ನ ನಡೆಸಿದರು. ಆದರೆ, ಇದಕ್ಕೆ ಜಿಲ್ಲಾಡಳಿತ ಮಣೆ ಹಾಕಲಿಲ್ಲ.</p>.<p>ಕೋರ್ಟ್ ಆದೇಶದಂತೆ ಶನಿವಾರ ಬೆಳಿಗ್ಗೆ 6 ಗಂಟೆಗೆ ಜೆಸಿಬಿ ಬಳಸಿ ಕಾರ್ಯಾಚರಣೆ ಪ್ರಾರಂಭವಾಯಿತು. ಬಿಗಿ ಪೊಲೀಸ್ ಭದ್ರತೆ ಕೈಗೊಳ್ಳಲಾಗಿತ್ತು. ಕೆಲವು ನಿವಾಸಿಗಳು ಸರಕುಗಳನ್ನು ಬೇರೆಡೆಗೆ ಸಾಗಿಸಲು ಮಧ್ಯಾಹ್ನದವರೆಗೆ ಕಾಲಾವಕಾಶ ನೀಡಬೇಕು ಎಂದು ಜಿಲ್ಲಾಧಿಕಾರಿಗೆ ಮನವಿ ಮಾಡಿಕೊಂಡರು. ಇದಕ್ಕೆ ಅವಕಾಶ ಲಭಿಸಿತು.</p>.<p><strong>ಕೋಟ್ಯಂತರ ಮೌಲ್ಯದ ಆಸ್ತಿ: </strong>ಗದಗ ನಗರದ ಹೃದಯ ಭಾಗದಲ್ಲಿ 34 ಎಕರೆ ಪ್ರದೇಶದಲ್ಲಿ ಈ ವಕಾರಸಾಲುಗಳು ವಿಸ್ತರಿಸಿಕೊಂಡಿದ್ದು, ಇಲ್ಲಿ 3 ಸಾವಿರಕ್ಕೂ ಹೆಚ್ಚು ಮಳಿಗೆಗಳಿವೆ. ಹತ್ತಿ, ಶೇಂಗಾ ವ್ಯಾಪಾರ ಮಾಡುವ ಸಲುವಾಗಿ 1889ರಲ್ಲಿ 100 ವರ್ಷಗಳ ಒಪ್ಪಂದದ ಮೇರೆಗೆ ಇದನ್ನು ಲೀಜ್ದಾರರಿಗೆ ನೀಡಲಾಗಿತ್ತು. ಲೀಜ್ ಅವಧಿ ಪೂರ್ಣಗೊಂಡು 25 ವರ್ಷ ಕಳೆದಿದ್ದರೂ ಬಾಡಿಗೆದಾರರು ಆಸ್ತಿಯನ್ನು ನಗರಸಭೆಗೆ ವಾಪಸ್ ನೀಡಿರಲಿಲ್ಲ.</p>.<p>‘ಜುಲೈ 13 ಮತ್ತು 14ರಂದು ಬೆಳಿಗ್ಗೆ 6 ಗಂಟೆಯಿಂದ ಸಂಜೆಯವರೆಗೂ ಸತತ ಕಾರ್ಯಾಚರಣೆ ನಡೆಯಲಿದೆ. ನಗರಸಭೆಗೆ ಸೇರಿದ ಆಸ್ತಿಯನ್ನು ಸಂಪೂರ್ಣ ವಶಕ್ಕೆ ಪಡೆಯಲಾಗುವುದು’ ಎಂದು ನಗರಸಭೆ ಪೌರಾಯುಕ್ತ ಮನ್ಸೂರ ಅಲಿ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗದಗ: </strong>ಹಲವು ದಶಕಗಳಿಂದ ಲೀಜ್ದಾರರ ವಶದಲ್ಲಿದ್ದ ಗದಗ– ಬೆಟಗೇರಿ ನಗರಸಭೆಗೆ ಸೇರಿದ ಕೊಟ್ಯಂತರ ರೂಪಾಯಿ ಮೌಲ್ಯದ 54 ವಕಾರಸಾಲುಗಳನ್ನು (ಸರ್ಕಾರಿ ಜಾಗ) ವಾಪಸ್ ಪಡೆಯಲು ಶನಿವಾರ ನಸುಕಿನಲ್ಲೇ ಇಲ್ಲಿ ತೆರವು ಕಾರ್ಯಾಚರಣೆ ಪ್ರಾರಂಭವಾಯಿತು.</p>.<p>ಜೆಸಿಬಿ ಬಳಸಿ ವಕಾರಸಾಲಿನಲ್ಲಿ ಅಕ್ರಮವಾಗಿ ನಿರ್ಮಿಸಿಕೊಂಡಿದ್ದ ಮಳಿಗೆಗಳು ಮತ್ತು ಮನೆಗಳನ್ನು ತೆರವುಗೊಳಿಸಲಾಯಿತು.</p>.<p>ಶನಿವಾರ ಬೆಳಿಗ್ಗೆ 5 ಗಂಟೆಯ ಒಳಗಾಗಿ ಸರಕುಗಳನ್ನು ಬೇರೆಡೆಗೆ ಸ್ಥಳಾಂತರಿಸುವಂತೆ ನಗರಸಭೆ, ಲೀಜ್ದಾರರಿಗೆ ಮತ್ತು ಇಲ್ಲಿನ ನಿವಾಸಿಗಳಿಗೆ ಸೂಚನೆ ನೀಡಿತ್ತು. ಇದರಿಂದ ಆತಂಕಗೊಂಡ ಮಳಿಗೆಗಳ ಮಾಲೀಕರು ಶುಕ್ರವಾರ ರಾತ್ರಿಯೇ ಸರಕುಗಳನ್ನು ಬೇರೆಡೆ ಸಾಗಿಸಿದ್ದರು.</p>.<p>ಶುಕ್ರವಾರ ರಾತ್ರಿಯಿಡೀ ನಗರದಲ್ಲಿ ಪ್ರಕ್ಷುಬ್ದ ವಾತಾವರಣ ಇತ್ತು. ತೆರವು ಕಾರ್ಯಾಚರಣೆ ಮುಂದೂಡುವಂತೆ ಆಗ್ರಹಿಸಿ, ರಾತ್ರಿ 11 ಗಂಟೆಗೆ ಲೀಜ್ದಾರರು, ನಿವಾಸಿಗಳು ಜಿಲ್ಲಾಡಳಿತ ಭವನಕ್ಕೆ ತೆರಳಿ, ಜಿಲ್ಲಾಧಿಕಾರಿಗಳಿಗೆ ಮನವಿ ಕೊಡುವ ಪ್ರಯತ್ನ ನಡೆಸಿದರು. ಆದರೆ, ಇದಕ್ಕೆ ಜಿಲ್ಲಾಡಳಿತ ಮಣೆ ಹಾಕಲಿಲ್ಲ.</p>.<p>ಕೋರ್ಟ್ ಆದೇಶದಂತೆ ಶನಿವಾರ ಬೆಳಿಗ್ಗೆ 6 ಗಂಟೆಗೆ ಜೆಸಿಬಿ ಬಳಸಿ ಕಾರ್ಯಾಚರಣೆ ಪ್ರಾರಂಭವಾಯಿತು. ಬಿಗಿ ಪೊಲೀಸ್ ಭದ್ರತೆ ಕೈಗೊಳ್ಳಲಾಗಿತ್ತು. ಕೆಲವು ನಿವಾಸಿಗಳು ಸರಕುಗಳನ್ನು ಬೇರೆಡೆಗೆ ಸಾಗಿಸಲು ಮಧ್ಯಾಹ್ನದವರೆಗೆ ಕಾಲಾವಕಾಶ ನೀಡಬೇಕು ಎಂದು ಜಿಲ್ಲಾಧಿಕಾರಿಗೆ ಮನವಿ ಮಾಡಿಕೊಂಡರು. ಇದಕ್ಕೆ ಅವಕಾಶ ಲಭಿಸಿತು.</p>.<p><strong>ಕೋಟ್ಯಂತರ ಮೌಲ್ಯದ ಆಸ್ತಿ: </strong>ಗದಗ ನಗರದ ಹೃದಯ ಭಾಗದಲ್ಲಿ 34 ಎಕರೆ ಪ್ರದೇಶದಲ್ಲಿ ಈ ವಕಾರಸಾಲುಗಳು ವಿಸ್ತರಿಸಿಕೊಂಡಿದ್ದು, ಇಲ್ಲಿ 3 ಸಾವಿರಕ್ಕೂ ಹೆಚ್ಚು ಮಳಿಗೆಗಳಿವೆ. ಹತ್ತಿ, ಶೇಂಗಾ ವ್ಯಾಪಾರ ಮಾಡುವ ಸಲುವಾಗಿ 1889ರಲ್ಲಿ 100 ವರ್ಷಗಳ ಒಪ್ಪಂದದ ಮೇರೆಗೆ ಇದನ್ನು ಲೀಜ್ದಾರರಿಗೆ ನೀಡಲಾಗಿತ್ತು. ಲೀಜ್ ಅವಧಿ ಪೂರ್ಣಗೊಂಡು 25 ವರ್ಷ ಕಳೆದಿದ್ದರೂ ಬಾಡಿಗೆದಾರರು ಆಸ್ತಿಯನ್ನು ನಗರಸಭೆಗೆ ವಾಪಸ್ ನೀಡಿರಲಿಲ್ಲ.</p>.<p>‘ಜುಲೈ 13 ಮತ್ತು 14ರಂದು ಬೆಳಿಗ್ಗೆ 6 ಗಂಟೆಯಿಂದ ಸಂಜೆಯವರೆಗೂ ಸತತ ಕಾರ್ಯಾಚರಣೆ ನಡೆಯಲಿದೆ. ನಗರಸಭೆಗೆ ಸೇರಿದ ಆಸ್ತಿಯನ್ನು ಸಂಪೂರ್ಣ ವಶಕ್ಕೆ ಪಡೆಯಲಾಗುವುದು’ ಎಂದು ನಗರಸಭೆ ಪೌರಾಯುಕ್ತ ಮನ್ಸೂರ ಅಲಿ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
