ಬೇಲೂರು: ತಾಲ್ಲೂಕಿನ ಅರೇಹಳ್ಳಿ ಹೋಬಳಿಯ ಕಡೇಗರ್ಜೆ ಗ್ರಾಮದ ಸಮೀಪ ಎರಡು ಕಾಡಾನೆಗಳು ಗುರುವಾರ ಕಾದಾಟ ನಡೆಸಿದ್ದು, ಇದರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಹಿಂಡಿನಿಂದ ಬೇರ್ಪಟ್ಟ ಎರಡು ಕಾಡಾನೆಗಳು ಒಂದಕ್ಕೊಂದು ಬಡಿದಾಡಿಕೊಂಡಿರುವ ವಿಡಿಯೊ ಅನ್ನು ಸ್ಥಳೀಯರು ಚಿತ್ರೀಕರಿಸಿದ್ದಾರೆ. ಒಂದು ಆನೆ ಸೋತು ಓಡಲು ಪ್ರಯತ್ನಿಸಿದರೂ, ಮತ್ತೊಂದು ಆನೆ ಅಟ್ಟಾಡಿಸಿಕೊಂಡು ಸೊಂಡಿಲಿನಿಂದ ಬಡಿದಿದೆ. ಕಾಡಾನೆಗಳ ಕಾದಾಟಕ್ಕೆ ಸಿಲುಕಿ ಅಡಿಕೆ ಸೇರಿದಂತೆ ಇತರೆ ಬೆಳೆಗಳು ಹಾಳಾಗಿವೆ.
