×
ADVERTISEMENT
ಹಾನಗಲ್: ರೈತರಿಗೆ ಆಸರೆಯಾಗದ ಏತ ನೀರಾವರಿ
ನಿರ್ವಹಣೆಯ ಕೊರತೆಯಿಂದ ಬಸಾಪುರ ನೀರಾವರಿ ಯೋಜನೆ ಬಂದ್‌: ಕೃಷಿಕರು ಕಂಗಾಲು
ಬಸಾಪೂರ ಏತ ನೀರಾವರಿ ಯೋಜನೆ ಯಂತ್ರಗಳು ದುರಸ್ತಿಯ ನಿರೀಕ್ಷೆಯಲ್ಲಿವೆ
ಏತ ನೀರಾವರಿ ಯೋಜನೆ ಸ್ದಳದಲ್ಲಿ ವರದಾ ನದಿ ಪಾತ್ರದಲ್ಲಿ ನೀರು ನಿಲ್ಲಲ್ಲು ಸಣ್ಣ ಪ್ರಮಾಣದ ತಡೆಗೋಡೆ ನಿರ್ಮಾಣ ಮಾಡಲಾಗಿದೆ
ಹಾನಗಲ್ ತಾಲ್ಲೂಕಿನ ಮುಳಥಳ್ಳಿ ಗ್ರಾಮ ಭಾಗದಲ್ಲಿ ನಿರ್ಮಾಣಗೊಂಡ ಬಸಾಪುರ ಏತ ನೀರಾವರಿ ಯೋಜನೆ ಕಾಲುವೆಯಲ್ಲಿ ನೀರು ಹರಿಯಬೇಕು ಎಂಬ ಬಯಕೆಯಲ್ಲಿ ರೈತರಿದ್ದಾರೆ
ಬಸಾಪುರ ಏತ ನೀರಾವರಿ ಯೋಜನೆಯ ವಿವಿಧ ಭಾಗದ ದುರಸ್ತಿ ನಿರ್ವಹಣೆ ಕಾರ್ಯಗಳಿಗಾಗಿ ₹1 ಕೋಟಿ ಅನುದಾನ ಬಿಡುಗಡೆಗೊಂಡು ಟೆಂಡರ್‌ ಹಂತದಲ್ಲಿದೆ. ಎಲ್ಲ ಕೆಲಸಗಳು ಪೂರ್ಣಗೊಂಡು ಈ ಮಳೆಗಾಲಕ್ಕೆ ಯೋಜನೆ ಸೇವೆಗೆ ಸಿದ್ಧಗೊಳ್ಳಲಿದೆ– ದೇವರಾಜ ಯುಟಿಪಿ ಎಂಜಿನಿಯರ್‌
ಏತ ನೀರಾವರಿ ಯೋಜನೆ ಆರಂಭಗೊಂಡ ದಿನಗಳಿಂದಲೂ ಹಣ ಖರ್ಚು ಮಾಡುವುದೇ ಆಗಿದೆ. ಆದರೆ ಯೋಜನೆ ವ್ಯವಸ್ಥಿತವಾಗಿ ನಡೆದುಕೊಂಡು ಹೋಗುವಲ್ಲಿ ವ್ಯವಸ್ಥಾಪಕರ ನೇಮಕ ನಿಗದಿತ ಅವಧಿಯಲ್ಲಿ ನಿರ್ವಹಣಾ ಕೆಲಸಗಳು ಮತ್ತು ಸಮರ್ಪಕ ವಿದ್ಯುತ್‌ ಪೂರೈಕೆ ವ್ಯವಸ್ಥೆಯಾಗಬೇಕು.– ನಿಜಲಿಂಗಪ್ಪ ಮುದಿಯಪ್ಪನವರ ಸೋಮಾಪೂರ ಗ್ರಾಮದ ರೈತ
ನದಿ ಮೂಲಕ ನೀರು ತುಂಬಸಲು ಸಾಧ್ಯವಾಗದ ಕಾರಣಕ್ಕಾಗಿ ಕೆರೆಗಳು ಖಾಲಿಯಾಗಿವೆ. ಬೇಸಿಗೆಯಲ್ಲಿ ಕೆರೆಗಳಲ್ಲಿ ನೀರು ಇಲ್ಲದಿದ್ದರೆ ಜಾನುವಾರುಗಳಿಗೆ ತೊಂದರೆ ತಪ್ಪಿದ್ದಲ್ಲ. ಇಲ್ಲಿನ ಕೃಷಿ ಭೂಮಿಯೂ ಈ ಬಾರಿ ನದಿ ನೀರಿನಿಂದ ವಂಚಿತವಾಗಿದೆ.– ಚನ್ನವೀರಪ್ಪ ಕೋಡಿಹಳ್ಳಿ ಬಸಾಪುರ ಗ್ರಾಮದ ರೈತ
ಬಸಾಪುರ ಏತ ನೀರಾವರಿ ಯೋಜನೆಯ ಸುಮಾರು 20 ಕಿ.ಮೀ ಕಾಲುವೆಯನ್ನು ನಿಗದಿತವಾಗಿ ನಿರ್ವಹಣೆ ಮಾಡಬೇಕು. ಅಂದಾಗ ಮಾತ್ರ ನೀರು ಕಾಲುವೆಯ ಕೊನೆಯ ತನಕ ತಲುಪುತ್ತದೆ. ಮುಳಥಳ್ಳಿ ಗ್ರಾಮಕ್ಕೆ ಯೋಜನೆಯ ನೀರು ತಲುಪುತ್ತಿಲ್ಲ. ಇದಕ್ಕೆ ಕಾಲುವೆ ಅವೈಜ್ಞಾನಿಕ ನಿರ್ಮಾಣವೇ ಕಾರಣ.– ವೀರೇಶ ಬಾಳಂಬೀಡ ಮುಳಥಳ್ಳಿ ಗ್ರಾಮದ ರೈತ
ಕಾಲುವೆ ಹೂಳು ತೆರವುಗೊಳಿಸಿ
ಮುಳಥಳ್ಳಿ ಗ್ರಾಮದ 4 ಕೆರೆಗಳಿಗೆ ಏತ ನೀರಾವರಿ ಯೋಜನೆಯ ಹನಿ ನೀರು ಸಿಗುವುದಿಲ್ಲ. ಇಲ್ಲಿರುವ ಕಾಲುವೆಯಲ್ಲಿ ಗಿಡಗಂಟಿ ಬೆಳೆದು ಹೂಳು ಸೇರಿಕೊಂಡಿದೆ. ಮಳೆಗಾಲದಲ್ಲಿ ನೀರು ನುಗ್ಗಿ ಬೆಳೆ ಹಾನಿ ಅನುಭವಿಸುತ್ತೇವೆ. ಕಾಲುವೆ ಸುಸ್ಥಿತಿಯಲ್ಲಿಡಬೇಕು. ನಮ್ಮ ಗ್ರಾಮದ ಹೊಲಗದ್ದೆಗಳಿಗೆ ಏತ ನೀರಾವರಿ ಯೋಜನೆ ನೀರು ಸಿಗಬೇಕು ಎಂದು ಮುಳಥಳ್ಳಿ ಗ್ರಾಮದ ಗುಡ್ಡಪ್ಪ ಹಂಚಿನಮನಿ ಬಸಪ್ಪ ಕಾಳಪ್ಪನವರ ಉಮೇಶ ಬಾಳಂಬೀಡ ಬವರಾಜ ಹಂಚಿ ಸುರೇಶಗೌಡ ಪಾಟೀಲ ಒತ್ತಾಯಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.