ರಾಣೆಬೆನ್ನೂರು: ಅಭಿವೃದ್ಧಿ ಕಾಣದ ಕೆಎಚ್‌ಬಿ ಬಡಾವಣೆ

‘ನಮ್ಮ ಬಡಾವಣೆಗೆ ಸೂಕ್ತ ಬಸ್‌ ಸೌಲಭ್ಯವಿಲ್ಲ. ನಿವಾಸಿಗಳು ಹಾಗೂ ಶಾಲಾ–ಕಾಲೇಜು ವಿದ್ಯಾರ್ಥಿಗಳು ರಾಣೆಬೆನ್ನೂರಿಗೆ ಹೋಗಲು ಟಂಟಂನಲ್ಲಿ ಸಂಚರಿಸುತ್ತಿದ್ದಾರೆ. ವಾಕರಸಾಸಂ ಅಧಿಕಾರಿಗಳಿಗೆ ಮನವಿ ಮಾಡಿದರೂ ಒಂದೂ ಬಸ್ ಬಿಟ್ಟಿಲ್ಲ. ದೂರದ ಊರಿನ ಬಸ್‌ಗಳು ಬಡಾವಣೆಯಲ್ಲಿ ನಿಲುಗಡೆ ಮಾಡುವುದಿಲ್ಲ’ ಎಂದು ನಿವಾಸಿಗಳು ದೂರಿದರು.  ಕುಡಿಯುವ ನೀರಿಗೂ ತೊಂದರೆ: ‘ತಾಲ್ಲೂಕಿನ ಮುದೇನೂರು ತುಂಗಭದ್ರಾ ನದಿಯಿಂದ ನಗರಕ್ಕೆ ಪೂರೈಕೆಯಾಗುವ ಮುಖ್ಯ ಪೈಪ್‌ ಲೈನ್‌ ಕೆಎಚ್‌ಬಿ ಬಡಾವಣೆಯ ಪಕ್ಕವೇ ಹಾದು ಹೋಗಿದೆ. ಅಷ್ಟಾದರೂ ಇದುವರೆಗೂ ನಗರಸಭೆಯಿಂದ ಬಡಾವಣೆಗೆ ಕುಡಿಯುವ ನೀರು ಪೂರೈಕೆ ಆಗುತ್ತಿಲ್ಲ. 16 ವರ್ಷಗಳಿಂದ ಕುಡಿಯಲು ಕೊಳವೆ ಬಾವಿ ನೀರೇ ಗತಿಯಾಗಿದೆ’ ಎಂದು ಎಂ.ಜೆ. ಹಿತ್ತಲಮನಿ ಹೇಳಿದರು.