ಮೈಸೂರು: ಜಿಲ್ಲೆಯಲ್ಲಿ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಶಿಕ್ಷಕರಿಗೆ ಕೋವಿಡ್–19 ಪರೀಕ್ಷೆ ನಡೆಸಲಾಗುತ್ತಿದ್ದು, ಡಿಡಿಪಿಐ ಸೇರಿದಂತೆ 25ಕ್ಕೂ ಅಧಿಕ ಶಿಕ್ಷಕರಿಗೆಸೋಂಕು ಇರುವುದು ಪತ್ತೆಯಾಗಿದೆ.
ಡಿಡಿಪಿಐ ಕಚೇರಿಯ ಕೆಲ ಸಿಬ್ಬಂದಿಗೂ ಸೋಂಕು ತಗುಲಿರುವುದು ಗೊತ್ತಾಗಿದೆ.ಶಿಕ್ಷಕರು, ಅವರು ಕುಟುಂಬದವರು ಹಾಗೂ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಸಾರ್ವಜನಿಕ ಶಿಕ್ಷಣ ಇಲಾಖೆವತಿಯಿಂದ ಸೋಮವಾರದಿಂದಲೇ ಆಯಾಯ ಬಿಇಒ ಕಚೇರಿಗಳಲ್ಲಿ, ಶಿಕ್ಷಕರ ಭವನದಲ್ಲಿ ಪರೀಕ್ಷೆ ಮಾಡಿಸಲಾಗುತ್ತಿದೆ.
ಜಿಲ್ಲೆಯಲ್ಲಿ ಪ್ರಾಥಮಿಕ ಹಂತದಲ್ಲಿ 3 ಸಾವಿರ ಹಾಗೂ ಪ್ರೌಢಶಾಲಾ ಹಂತದಲ್ಲಿ 2 ಸಾವಿರ ಶಿಕ್ಷಕರು ಇದ್ದಾರೆ.