ಹುಣಸೂರು: ಕೆಬ್ಬೆಕೊಪ್ಪಲು ಕೆರೆ ಏರಿ ಮೇಲೆ 2 ವರ್ಷದ ಚಿರತೆ ಅನುಮಾನಾಸ್ಪದವಾಗಿ ಮೃತಪಟ್ಟಿದೆ.
ಕೆರೆ ಏರಿ ಮೇಲೆ ಚಿರತೆ ಕಳೇಬರ ಇರುವುದನ್ನು ಕಂಡ ಗ್ರಾಮಸ್ಥರು ಅರಣ್ಯ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದಿದ್ದರು.
ಸ್ಥಳಕ್ಕೆ ಎಸಿಎಫ್‌ ಸೋಮಯ್ಯ ಮತ್ತು ಡಿಆರ್‌ಎಫ್‌ಒ ರಿಜ್ವಾನ್ ಭೇಟಿ ನೀಡಿ ಪರಿಶೀಲಿಸಿದರು. ಅರಣ್ಯ ಇಲಾಖೆ ಪಶುವೈದ್ಯಾಧಿಕಾರಿ ಡಾ.ಮುಜೀಬ್ ರೆಹಮಾನ್ ಮರಣೋತ್ತರ ಪರೀಕ್ಷೆ ನಡೆಸಿ ನಂತರ ಸಂಸ್ಕಾರ ಮಾಡಲಾಯಿತು.
ಚಿರತೆ ಮೇಲೆ ಗಾಯಗಳು ಗೋಚರಿಸಿದ್ದು, ಕಾಡುಹಂದಿಯೊಂದಿಗೆ ಕಾದಾಟ ನಡೆಸಿ ಮೃತಪಟ್ಟಿರುವ ಸಾಧ್ಯತೆ ಇದೆ ಎಂದು ಸೋಮಯ್ಯ ತಿಳಿಸಿದರು.
