ದೇವದುರ್ಗ: ಡೆಂಗಿ ಜಾಗೃತಿ ಅಭಿಯಾನ

ತಾಲ್ಲೂಕು ಆರೋಗ್ಯಾಧಿಕಾರಿ ಡಾ. ಬನದೇಶ್ವರ ಮಾತನಾಡಿ, ಮನೆಯಲ್ಲಿನ ತೊಟ್ಟಿ, ಬ್ಯಾರಲ್‌ನ ನೀರನ್ನು ವಾರಕ್ಕೊಮ್ಮೆ ಖಾಲಿ ಮಾಡಿ ಸ್ವಚ್ಛಗೊಳಿಸಬೇಕು. ಮನೆಯ ಸುತ್ತ ನೀರು ನಿಲ್ಲದಂತೆ ಎಚ್ಚರ ವಹಿಸಬೇಕು. ಘನತ್ಯಾಜ್ಯ ವಸ್ತುಗಳನ್ನು ವಿಲೇವಾರಿ ಮಾಡಿ ಪರಿಸರ ಸ್ವಚ್ಛವಾಗಿಡಬೇಕು. ಸೊಳ್ಳೆಗಳು ಕಚ್ಚದಂತೆ ಮೈ ತುಂಬಾ ಬಟ್ಟೆ ಧರಿಸಬೇಕು. ಮನೆಯ ಸುತ್ತಲೂ ನೀರು ನಿಲ್ಲದಂತೆ ನೋಡಿಕೊಳ್ಳಿ. ನಿಂತ ನೀರಿನಲ್ಲಿ ಈಡಿಸ್ ಸೊಳ್ಳೆಗಳು ಉತ್ಪತ್ತಿಯಾಗುತ್ತವೆ. ಹಳೆಯ ಪಾತ್ರೆ, ಮಡಿಕೆ, ಟೈರ್‌, ಬಕೆಟ್, ಪ್ಲಾಸ್ಟಿಕ್ ಕಪ್, ಎಳೆನೀರಿನ ಚಿಪ್ಪು ಮೊದಲಾದವುಗಳಲ್ಲಿ ಸೊಳ್ಳೆ ಉತ್ಪತ್ತಿಯಾಗುತ್ತವೆ. ಈ ವಿಷಯದ ಬಗ್ಗೆ ಸಾಂಘೀಕ ಅರಿವು ಅಗತ್ಯವಾಗಿದೆ. ಸೊಳ್ಳೆಗಳು ಉತ್ಪತ್ತಿಯಾಗದಂತೆ ನೋಡಿಕೊಳ್ಳುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿವೆ ಎಂದು ಹೇಳಿದರು.

ಕರ ಪತ್ರಗಳನ್ನು ವಿತರಿಸಿ ಅರಿವು ಮೂಡಿಸಿ ಡೆಂಗಿ ಜ್ವರದ ಲಕ್ಷಣಗಳು ಮುಂಜಾಗ್ರತ ಕ್ರಮಗಳು ಹಾಗೂ ಸ್ವಯಂ ರಕ್ಷಣಾ ವಿಧಾನಗಳ ಕುರಿತು ಮಾಹಿತಿ ನೀಡಿದರು.

ಸೀನಿಯರ್ ಎಚ್ಐಒ ಶರಣಬಸಪ್ಪ ಪಾಟೀಲ, ಬಿಎಚ್ಇಒ ಗೀತಮ್ಮ, ತಾಲ್ಲೂಕು ಮಲೇರಿಯಾ ಮೇಲ್ವಿಚಾರಕ ಓಂಕಾರ, ಬಿಸಿಎಂ ಶಾರೋನ್, ಎಚ್ಐಒಗಳಾದ ಈಶಮ್ಮ, ಮೈನುದ್ದಿನ್, ನಾಗರಾಜ, ಆಶಾ ಕಾರ್ಯಕರ್ತೆ ಶಿವಗಂಗಮ್ಮ ಇತರರು ಭಾಗವಹಿಸಿದ್ದರು.