ಲಿಂಗಸುಗೂರು| ಬಾವಿಗೆ ನುಗ್ಗಿದ ಕೆರೆಯ ಕಲುಷಿತ ನೀರು: ಕುಡಿಯುವ ನೀರಿಗೆ ಜನರ ಪರದಾಟ

ಕೆರೆ ಒಡ್ಡು ಒಡೆದು ಈಗಾಗಲೇ ಗ್ರಾಮದಿಂದ ಶೀಲಹಳ್ಳಿ ಮಾರ್ಗದ ರಸ್ತೆ ಕೊಚ್ಚಿಹೋಗಿದ್ದು ರಸ್ತೆ ಸಂಪರ್ಕ ಕಡಿತಗೊಂಡಿದ್ದ ಹಂಚಿನಾಳ ಗ್ರಾಮವಲ್ಲದೆ ಯರಗೋಡಿ ಯಳಗುಂದಿ ಕಡದರಗಡ್ಡಿ ಗ್ರಾಮಗಳ ಗ್ರಾಮಸ್ಥರು ಹಾಗೂ ಶಾಲಾ ಕಾಲೇಜುಗಳಿಗೆ ತೆರಳುವ ವಿದ್ಯಾರ್ಥಿಗಳು ಜಲದುರ್ಗಾ ಮಾರ್ಗವಾಗಿ ಲಿಂಗಸುಗೂರು ಈಚನಾಳ ಗ್ರಾಮಕ್ಕೆ ಹೋಗಿ ಬರಬೇಕಾಗಿದೆ. ಸಕಾಲಕ್ಕೆ ಶಾಲಾ ಕಾಲೇಜಿಗೆ ತಲುಪದೇ ವಿದ್ಯಾರ್ಥಿಗಳು ತೊಂದರೆ ಎದುರಿಸುವಂತಾಗಿದೆ.