ಬಹುಬೆಳೆ ಕೃಷಿಯಲ್ಲಿ ಲಾಭದ ದಾರಿ ಹಲವು

ಆನಂದಪುರ: ಕೃಷಿಯಲ್ಲಿ ಸಾಧನೆ ಮಾಡಲೇಬೇಕು ಎಂದು ಹೊರಟವರಿಗೆ ಯಶಸ್ಸು ಸಿಕ್ಕೇ ಸಿಗುತ್ತದೆ ಎಂಬುದಕ್ಕೆ ಆನಂದಪುರದ ರೈತ ಪ್ರಕಾಶ್ ನಾಯಕ್ ಉತ್ತಮ ನಿದರ್ಶನ.

. ಬಟ್ಟೆ ಹಾಗೂ ದಿನಸಿ ವ್ಯಾಪಾರದಲ್ಲಿ ಉತ್ತಮ ಆದಾಯ ಬರುತ್ತಿದ್ದರೂ ಕೃಷಿಯಲ್ಲಿ ಸ್ವಾವಲಂಬನೆ ಸಾಧಿಸಬೇಕು ಎನ್ನುವ ಕಾರಣಕ್ಕೆ ಅದನ್ನು ತ್ಯಜಿಸಿ 20 ವರ್ಷಗಳಿಂದ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ.

. ಶಿವಮೊಗ್ಗದ ಹಾಪ್ಕಾಮ್ಸ್ ನಿರ್ದೇಶಕರೂ ಆಗಿರುವ ಅವರು ತೋಟದ ಸ್ವಚ್ಛತೆಗೆ ಮೊದಲ ಆದ್ಯತೆ ನೀಡಿದ್ದಾರೆ. ಅವರ ತೋಟಕ್ಕೆ ಕಾಲಿಡುತ್ತಿದ್ದಂತೆಯೇ ಬಣ್ಣ ಬಣ್ಣ,ದ ಚಿತ್ತಾಕರ್ಷಕವಾದ ಹೂವಿನ ಗಿಡಗಳು ಸ್ವಾಗತ ಕೋರುತ್ತವೆ. ಇವರ 8 ಎಕರೆ ಭೂಮಿಯಲ್ಲಿ ವಿವಿಧ ಬೆಳೆಗಳನ್ನು ಕಾಣಬಹುದಾಗಿದೆ.

. ತಾಳೆ- ನಿರಂತವಾಗಿ ಆದಾಯ ನೀಡುವ ಬೆಳೆ: ‘ತಾಳೆ ಉತ್ತಮ ಬೆಳೆಯಾಗಿದ್ದು, ನಿರಂತರ ಆದಾಯವನ್ನು ಪಡೆಯಬಹುದಾಗಿದೆ. ಮಾರುಕಟ್ಟೆಯಲ್ಲಿ ಎಣ್ಣೆಯ ಬೆಲೆ ಹೆಚ್ಚಾದಂತೆ ತಾಳೆಯ ಬೆಲೆಯೂ ಹೆಚ್ಚಾಗುತ್ತದೆ. 7 ಎಕರೆಯಲ್ಲಿ ಬೆಳೆದ ತಾಳೆ ಬೆಳೆಗೆ ಈಗ 5 ವರ್ಷ. ಮೊದಲಿಗೆ ಕೆ.ಜಿ.ಗೆ ₹ 9 ಸಿಗುತ್ತಿತ್ತು. ಎಣ್ಣೆ ಬೆಲೆ ಹೆಚ್ಚಾದ ಪರಿಣಾಮ ಪ್ರಸ್ತುತ ₹ 22 ಸಿಗುತ್ತಿದೆ. ಪ್ರತಿ ತಿಂಗಳು ಬೆಲೆ ಪರಿಷ್ಕರಣೆ ಆಗುತ್ತದೆ. ನೇರವಾಗಿ ರೈತರಿಂದ ಖರೀದಿ ಮಾಡುವುದರಿಂದ ಮಧ್ಯವರ್ತಿಗಳ ಹಾವಳಿ ಇರುವುದಿಲ್ಲ’ ಎಂಬುದು ಪ್ರಕಾಶ್ ಅವರ ಅನುಭವದ ನುಡಿ.

. ಹವ್ಯಾಸಿ ಬೆಳೆಯಾಗಿ ಡ್ರ್ಯಾಗನ್ ಫ್ರೂಟ್: ಹವ್ಯಾಸಿ ಬೆಳೆಯಾಗಿ ಡ್ರ್ಯಾಗನ್ ಫ್ರೂಟ್ನ 30 ಗಿಡಗಳನ್ನು ಸಹ ಬೆಳೆದಿದ್ದಾರೆ. ‘ವರ್ಷಕ್ಕೆ 3 ಬಾರಿ ಫಸಲು ಪಡೆಯಬಹುದು. ಈ ಬೆಳೆ ಬೆಳೆಯಲು ಕಂಬಗಳ ಅವಶ್ಯಕತೆ ಇದ್ದು, ಪ್ರಮುಖ ವಾಣಿಜ್ಯ ಬೆಳೆಯಾಗಿ ಬೆಳೆಯಬಹುದು’ ಎನ್ನುವುದು ಅವರ ಸಲಹೆ.

. ಕಾಡು ಜಾತಿ ಮರದಲ್ಲಿ ಕಾಳು ಮೆಣಸು: ತಾಳೆ ಬೆಳೆಯ ನಡುವೆ ಇರುವ ಕಾಡು ಜಾತಿ ಮರಗಳನ್ನು ನಾಶ ಮಾಡದೆ, ಅದೇ ಮರದಲ್ಲಿ ಕಾಳು ಮೆಣಸು ಬೆಳೆಯುವ ಮೂಲಕ ಇತರ ರೈತರಿಗೆ ಪ್ರೇರಣೆಯಾಗಿದ್ದಾರೆ. ಜೊತೆಗೆ ಕಾಡು ಉಳಿಸುವ ಕಾಳಜಿಯನ್ನೂ ಹೊಂದಿದ್ದಾರೆ. ಇದಲ್ಲದೆ 350 ಸಿಲ್ವರ್ ಮರ ಬೆಳೆದು ಆ ಮರದಲ್ಲಿ ಕಾಳು ಮೆಣಸನ್ನು ಪ್ರಮುಖ ಆದಾಯ ಬೆಳೆಯಾಗಿ ಬೆಳೆಯುತ್ತಿದ್ದಾರೆ.

. ‘ವೆಂಗೂರ್ಲ–7’ ಎಂಬ ಜಾತಿಯ ಗೇರು ಸಹ ನಾಟಿ ಮಾಡಿದ್ದಾರೆ. ‘3ನೇ ವರ್ಷದಿಂದ ಗೇರು ಫಸಲು ಪಡೆಯಬಹುದಾಗಿದೆ. ಒಂದು ಮೀಟರ್ ನಂತರದ ಮರದ ರಂಬೆ–ಕೊಂಬೆಗಳನ್ನು ಕತ್ತರಿಸುವುದರಿಂದ ಹೆಚ್ಚಿನ ಫಸಲು ಪಡೆಯಬಹುದು’ ಎಂದು ಪ್ರಕಾಶ್ ಹೇಳುತ್ತಾರೆ.

. ಇದಲ್ಲದೆ ತೆಂಗು, ಊದುಬತ್ತಿ ತಯಾರಿಕೆಗೆ ಬರುವ ಹಾಲುಮಡ್ಡಿ ಮರಗಳನ್ನು ಸಹ ಬೆಳೆದಿದ್ದಾರೆ. ಎರಡು ಕೊಳವೆ ಬಾವಿಗಳಿಂದ ಸಾಕಷ್ಟು ನೀರು ಸಿಗದೆ ಇರುವುದರಿಂದ ಕೃಷಿ ಹೊಂಡದ ಮೂಲಕ ಹನಿ ನೀರಾವರಿ ಪದ್ಧತಿ ಆಳವಡಿಸಿಕೊಂಡಿದ್ದಾರೆ.

. ಇಂಗು ಕಾಲುವೆಗಳ ನಿರ್ಮಾಣ: ಮಳೆಯ ನೀರು ಪೋಲಾಗಬಾರದು ಎನ್ನುವ ಉದ್ದೇಶದಿಂದ ತಾಳೆ, ಹಲಸು, ಗೇರು ಬೆಳೆಗಳ ನಡುವೆ ಇಂಗು ಕಾಲುವೆಗಳನ್ನು ನಿರ್ಮಾಣ ಮಾಡಿದ್ದಾರೆ. ಇದರಿಂದ ತೋಟ ತಂಪಾಗಿರುವುದರ ಜೊತೆಗೆ ಅಂತರ್ಜಲ ಮಟ್ಟ ಹೆಚ್ಚಿಸುವ ಉದ್ದೇಶ ಅವರದ್ದು.

. ***

. ‘ಪ್ರಕಾಶ್ ಚಂದ್ರ’ ಹಲಸಿನ ಸಂಶೋಧನೆ

. 3 ಎಕರೆಯಲ್ಲಿ ಹಲಸು ಸಹ ಬೆಳೆದಿದ್ದು, ಅವರೇ ಕಸಿ ಮಾಡಿ ‘ಪ್ರಕಾಶ್ ಚಂದ್ರ’ ಎನ್ನುವ ಹೆಸರು ನೀಡಿದ್ದಾರೆ. ‘4 ವರ್ಷಗಳ ಕಾಲ ಹಲಸಿನ ಮಿಡಿ ಬೆಳೆಯಲು ಬಿಡದೆ ಕತ್ತರಿಸಬೇಕು. ಇದರಿಂದ ರೋಗರುಜಿನ ತಡೆಗಟ್ಟಬಹುದು. ಇದು ವರ್ಷಕ್ಕೆ 2 ಬೆಳೆ ಆಗಿರುವುದರಿಂದ ಮರಕ್ಕೆ ಹೆಚ್ಚಿನ ಪೋಷಕಾಂಶ ಬೇಕಾಗುತ್ತದೆ’ ಎಂದು ವಿವರಿಸುವರು. ‘ಪ್ರಕಾಶ್ ಚಂದ್ರ’ ಹಲಸಿನ ಅಭಿವೃದ್ಧಿಗೆ ಕೃಷಿ ವಿಶ್ವವಿದ್ಯಾಲಯದವರು ಅವರ ತೋಟಕ್ಕೆ ಬಂದು ಮಾಹಿತಿ ಪಡೆದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಹುಬೆಳೆ ಕೃಷಿಯಲ್ಲಿ ಲಾಭದ ದಾರಿ ಹಲವು

ಚಿನಕುರುಳಿ Cartoon: 30 ಜುಲೈ 2025

IVF: ಬಾಡಿಗೆ ತಾಯ್ತನದ ಹೆಸರಿನಲ್ಲಿ ಮಹಾ ಮೋಸ– ಸೃಷ್ಟಿ ಫರ್ಟಿಲಿಟಿಯ ವೈದ್ಯೆ ಬಂಧನ

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಚುರುಮುರಿ: ಗೊಬ್ಬರದ ಗೋಳು

ENG vs IND | ಅಂತಿಮ ಟೆಸ್ಟ್; ಬ್ರಾಡ್ಮನ್ ದಾಖಲೆ ಮುರಿಯಲು ಗಿಲ್‌ಗೆ ಬೇಕು 82 ರನ್

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಜಟಾಪಟಿ: ಆಟಗಾರ ಅಮಾನತು

IND vs ENG | ಕೊನೆ ಟೆಸ್ಟ್ ಇಂದಿನಿಂದ: ಸರಣಿ ಸಮಬಲದತ್ತ ಗಿಲ್ ಪಡೆ ಚಿತ್ತ

U‍19 ರಾಜ್ಯ ಬ್ಯಾಡ್ಮಿಂಟನ್: ಪ್ರಿ ಕ್ವಾರ್ಟರ್ ಫೈನಲ್‌ಗೆ ಅಭಿನವ್‌, ಅಶ್ವತಿ, ದಿಯಾ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 30 ಜುಲೈ 2025

IVF: ಬಾಡಿಗೆ ತಾಯ್ತನದ ಹೆಸರಿನಲ್ಲಿ ಮಹಾ ಮೋಸ– ಸೃಷ್ಟಿ ಫರ್ಟಿಲಿಟಿಯ ವೈದ್ಯೆ ಬಂಧನ

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಚುರುಮುರಿ: ಗೊಬ್ಬರದ ಗೋಳು