ಕೈಕೊಟ್ಟ ಶೇಂಗಾ ಇಳುವರಿ: ‘ಮಳೆ’ ಪ್ರಭಾವದಿಂದ ಇಳುವರಿ ಕುಂಠಿತ

ತುಮಕೂರು: ಈ ಬಾರಿ ಜಿಲ್ಲೆಯ ಶೇಂಗಾ ಬೆಳೆಗಾರರಲ್ಲಿ ಮೂಡಿದ್ದ ‘ಬಂಪರ್’ ಆಶಾವಾದ ಕಮರಿದೆ. ಜಿಲ್ಲೆಯಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ಹೆಕ್ಟೇರ್ನಲ್ಲಿ ಶೇಂಗಾ ಬಿತ್ತನೆ ಆಗಿತ್ತು. ಬಿತ್ತನೆ ಸಮಯದಲ್ಲಿ ಉತ್ತಮ ಮಳೆ ಸಹ ಬಿದ್ದಿತು. ಇದರಿಂದ ಸಹಜವಾಗಿ ರೈತರು ಉತ್ತಮ ಇಳುವರಿ ನಿರೀಕ್ಷೆಯಲ್ಲಿ ಇದ್ದರು.

. ಆದರೆ ಈ ಬಾರಿ ಬೆಳೆ ಆಗಿದ್ದರೂ ಇಳುವರಿ ಕುಸಿದಿದೆ. ಉತ್ತಮ ಬೆಲೆ ನಿರೀಕ್ಷೆಯಲ್ಲಿದ್ದ ರೈತರು ಕೈ ಕೈ ಹಿಸುಕಿಕೊಳ್ಳುವಂತೆ ಮಾಡಿದೆ. ಗುಣಮಟ್ಟ ಎನ್ನಬಹುದಾದ ಶೇಂಗಾ ಪ್ರಮಾಣ ತೀರಾ ಕಡಿಮೆ ಇದೆ.

. ‘ಬಿತ್ತನೆ ಆರಂಭದಲ್ಲಿ ಉತ್ತಮ ಮಳೆ ಬಂದಿತು. ಆದರೆ ಕಾಯಿ ಕಟ್ಟುವ ಹಂತದಲ್ಲಿ ಮಳೆ ಬರಲಿಲ್ಲ. ಮತ್ತೊಂದು ಕಡೆ ಕಟಾವಿನ ಸಮಯದಲ್ಲಿಯೂ ಮಳೆ ಸುರಿಯಿತು. ಕಾಯಿ ನೀರಿಡಿಯಿತು. ಇಳುವರಿ ಕುಸಿಯಲು ಇದು ಪ್ರಮುಖವಾಗಿ ಕಾರಣವಾಯಿತು’ ಎಂದು ರೈತರು ಅಸಹಾಯಕತೆ ವ್ಯಕ್ತಪಡಿಸುವರು.

. ಶೇಂಗಾ ಗಿಡಗಳು ನೀರುಂಡು ದೊಡ್ಡದಾಗಿ ಬೆಳೆದವು. ಆದರೆ ಕಾಯಿ ಮಾತ್ರ ಬಲಗೊಳ್ಳಲಿಲ್ಲ. ಎಕರೆಗೆ ಕನಿಷ್ಠ 4ರಿಂದ 5 ಕ್ವಿಂಟಲ್ ಇಳುವರಿ ನಿರೀಕ್ಷೆಯಲ್ಲಿದ್ದ ರೈತರಿಗೆ ಈ ಪ್ರಮಾಣದ ಇಳುವರಿ ದೊರೆತಿಲ್ಲ. ಕ್ವಿಂಟಲ್ ಶೇಂಗಾಕ್ಕೆ ಸರಾಸರಿ ₹ 4,590 ಬೆಲೆ ಇದೆ. ಆದರೆ ಇಳುವರಿ ಇಲ್ಲದ ಕಾರಣ ಈ ಸರಾಸರಿ ಬೆಲೆಯೂ ರೈತರಿಗೆ ದೊರೆಯುತ್ತಿಲ್ಲ.

. ನಾಫೆಡ್ ಆರಂಭ: ಈಗಾಗಲೇ ಬಹಳಷ್ಟು ರೈತರು ವರ್ತಕರಿಗೆ ಶೇಂಗಾ ಮಾರಾಟ ಮಾಡಿದ್ದಾರೆ. ಈಗ ರಾಜ್ಯ ಸರ್ಕಾರ ನಾಫೆಡ್ ಮೂಲಕ ಜಿಲ್ಲೆಯಲ್ಲಿ ಶೇಂಗಾ ಖರೀದಿಗೆ ಅಡಿ ಇಟ್ಟಿದೆ. ನ.21ರಿಂದ ಖರೀದಿ ಆರಂಭಿಸುವಂತೆ ಸರ್ಕಾರದಿಂದ ಆದೇಶ ಸಹ ಬಂದಿದೆ. ಪಾವಗಡ ಮತ್ತು ಮಧುಗಿರಿ ತಾಲ್ಲೂಕಿನಲ್ಲಿ ತಲಾ 3 ಮತ್ತು ಶಿರಾ ತಾಲ್ಲೂಕಿನಲ್ಲಿ ಎರಡು ಕಡೆ ಖರೀದಿ ಕೇಂದ್ರ ಆರಂಭಿಸುವ ಸಾಧ್ಯತೆ ಇದೆ.

. ‘90 ದಿನಗಳ ಕಾಲ ರೈತರಿಂದ ನೋಂದಣಿ ಮಾಡಿಸಿಕೊಂಡು ಶೇಂಗಾ ಖರೀದಿಸಲಾಗುವುದು. ಗರಿಷ್ಠ ಮೂರು ಎಕರೆ ಬೆಳೆ ಅಥವಾ 15 ಕ್ವಿಂಟಲ್ ಶೇಂಗಾ ಖರೀದಿ ಮಾಡಲಾಗುವುದು. ಖರೀದಿಗೆ, ನಾಫೆಡ್ ಮಾನದಂಡಗಳ ಅನುಸಾರ ಖರೀದಿ ನಡೆಸಲಾಗುವುದು. 100 ಗ್ರಾಂ ಶೇಂಗಾದಲ್ಲಿ ಕನಿಷ್ಠ 75 ಗ್ರಾಂ ಕಾಳು ಇರಬೇಕು. ಶೇ 4ರಷ್ಟು ತ್ಯಾಜ್ಯ ಮತ್ತು ಶೇ 4ರಷ್ಟು ಒಡಕು ಕಾಳುಗಳು ಇರಬೇಕು. ಕ್ವಿಂಟಲ್ಗೆ ₹ 5,275 ನಿಗದಿಗೊಳಿಸಲಾಗಿದೆ. ಈ ಮಾನದಂಡಗಳನ್ನು ಹೊಂದಿರುವ ಶೇಂಗಾ ಮಾತ್ರ ಖರೀದಿಸಲಾಗುವುದು’ ಎಂದು ಕರ್ನಾಟಕ ಎಣ್ಣೆ ಬೀಜ ನಿಗಮದ ಜಿಲ್ಲಾ ಮಟ್ಟದ ಅಧಿಕಾರಿ ಶಿವಲಿಂಗಯ್ಯ ಮಾಹಿತಿ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೈಕೊಟ್ಟ ಶೇಂಗಾ ಇಳುವರಿ: ‘ಮಳೆ’ ಪ್ರಭಾವದಿಂದ ಇಳುವರಿ ಕುಂಠಿತ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!