‘ಡಾಲ್ಫಿನ್ನ ಬಾಲದ ಭಾಗದಲ್ಲಿ ಆಳವಾದ ಗಾಯ ಕಂಡುಬಂದಿದೆ. ಸಮುದ್ರದಲ್ಲಿ ಓಡಾಡುವಾಗ ಮೀನುಗಾರಿಕಾ ದೋಣಿಗಳಿಗೆ ಅಳವಡಿಸಿದ್ದ ಎಂಜಿನ್‌ನ ಫ್ಯಾನ್ ತಗುಲಿರಬಹುದು. ಡಾಲ್ಫಿನ್‌ಗಳು ಮೀನುಗಳನ್ನು ಬೇಟೆಯಾಡುವಾಗ ನೀರಿನ ಅಲೆಯ ಜೊತೆ ವೇಗವಾಗಿ ದಡದ ಕಡೆ ಬಂದು ಮೃತಪಟ್ಟಿರುವ ಸಾಧ್ಯತೆಯೂ ಇದೆ. ಎಷ್ಟೋ ಸಲ ಎರಡೂ ಬದಿ ಹರಿತ ಮುಳ್ಳುಗಳಿರುವ ಮೀನುಗಳನ್ನು ಬೇಟೆಯಾಡಿ ತಿಂದ ಡಾಲ್ಫಿನ್ ಹೊಟ್ಟೆಯನ್ನು ಆ ಮೀನಿನ ಮುಳ್ಳು ಘಾಸಿಗೊಳಿಸಿದ ಪ್ರಕರಣಗಳೂ ಇವೆ. ಹೆಚ್ಚಿನ ಮಾಹಿತಿ ಪಡೆಯಲು ಡಾಲ್ಫಿನ್ ಚಿತ್ರಗಳನ್ನು ಕಾರವಾರದ ಕಡಲ ಜೀವಿ ಅಧ್ಯಯನ ಕೇಂದ್ರಕ್ಕೆ ಕಳುಹಿಸಲಾಗಿದೆ’ ಎಂದು ಹೇಳಿದರು.
