ಹೆಚ್ಚು ಅಂಕ ಗಳಿಕೆಗೆ ಲಾಜಿಕಲ್‌ ರೀಸನಿಂಗ್‌

ಲಾ ಜಿಕಲ್ ರೀಸನಿಂಗ್ ಎಂಬುದು ಬಹುತೇಕ ಎಲ್ಲಾ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಪ್ರಮುಖ ವಿಭಾಗವಾಗಿದ್ದು, ಹೆಚ್ಚು ಅಂಕ ಗಳಿಸಬಹುದಾದ ವಿಷಯ ಎಂದೇ ಪರಿಗಣಿಸಲ್ಪಟ್ಟಿದೆ.

. ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಆಪ್ಟಿಟ್ಯೂಡ್ ಟೆಸ್ಟ್ ಎಂಬುದು ಅವಿಭಾಜ್ಯ ಅಂಗ ಎನ್ನಬಹುದು. ಇದರಲ್ಲಿ ಎರಡು ಉಪ ವಿಭಾಗಗಳಿವೆ.

. * ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್

. * ಲಾಜಿಕಲ್ ರೀಸನಿಂಗ್

. ಹೆಚ್ಚು ಕಡಿಮೆ ಎಲ್ಲಾ ಬಗೆಯ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ರೀಸನಿಂಗ್ ಎಬಿಲಿಟಿ ಎಂಬುದು ಎರಡು ಬಗೆಯ ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ. ಈ ಎರಡು ಬಗೆ ಯಾವುವೆಂದರೆ ಲಾಜಿಕಲ್ ರೀಸನಿಂಗ್ ಮತ್ತು ಅನಾಲಿಟಿಕಲ್ ರೀಸನಿಂಗ್. ಈ ಲೇಖನದಲ್ಲಿ ಲಾಜಿಕಲ್ ರೀಸನಿಂಗ್ನಲ್ಲಿರುವ ವಿಷಯಗಳು, ಅವುಗಳನ್ನು ಪರಿಹರಿಸುವ ಬಗೆಯನ್ನು ನೋಡೋಣ.

. ಲಾಜಿಕಲ್ ರೀಸನಿಂಗ್ ಅಂದರೆ ಏನು? ಲಾಜಿಕಲ್ ರೀಸನಿಂಗ್ ಆಪ್ಟಿಟ್ಯೂಡ್ ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ. ಒಂದು ಸರಿಯಾದ ಉತ್ತರ ಅಥವಾ ಪರಿಹಾರಕ್ಕೆ ಬರಬೇಕಾದರೆ ತಾತ್ವಿಕ ಮಟ್ಟದ ವಿಶ್ಲೇಷಣೆ ಇರಬೇಕಾಗುತ್ತದೆ.

. ಲಾಜಿಕಲ್ ರೀಸನಿಂಗ್ ಅನ್ನು ಎರಡು ವಿಧಗಳಾಗಿ ವಿಭಾಗಿಸಬಹುದು.

. ವರ್ಬಲ್ ರೀಸನಿಂಗ್: ಕಾನ್ಸೆಪ್ಟ್ ಅನ್ನು ತಾತ್ವಿಕವಾಗಿ ಅರ್ಥ ಮಾಡಿಕೊಂಡು ಸಮಸ್ಯೆಯನ್ನು ಪರಿಹರಿಸುವುದು. ಇದನ್ನು ಶಬ್ದಗಳಲ್ಲಿ ವ್ಯಕ್ತಪಡಿಸಬೇಕಾಗುತ್ತದೆ. ಒಂದು ವಾಕ್ಯದಲ್ಲಿರುವ ಮಾಹಿತಿ ಹಾಗೂ ಅದರ ಗೂಢಾರ್ಥವನ್ನು ಹೊರತೆಗೆಯುವ ಸಾಮರ್ಥ್ಯದ ಪರೀಕ್ಷೆ ಇಲ್ಲಿ ನಡೆಯುತ್ತದೆ.

. ನಾನ್ ವರ್ಬಲ್ ರೀಸನಿಂಗ್: ಇಲ್ಲಿ ಕಾನ್ಸೆಪ್ಟ್ ಅನ್ನು ತಾತ್ವಿಕವಾಗಿ ಅರ್ಥ ಮಾಡಿಕೊಂಡು ಸಮಸ್ಯೆಯನ್ನು ಅಂಕಿಗಳು/ ಅಕ್ಷರಗಳು/ ಚಿತ್ರಗಳಲ್ಲಿ ಶಬ್ದಗಳ ಜೋಡಣೆಯ ಜೊತೆಗೆ ಪರಿಹರಿಸಬೇಕಾಗುತ್ತದೆ. ಇದು ಸಮಸ್ಯೆಯಲ್ಲಿ ಮಾಹಿತಿಯನ್ನು ಸೇರಿಸುವ ಅಥವಾ ಕಡಿಮೆ ಮಾಡುವ ಸಾಮರ್ಥ್ಯವನ್ನು ಒರೆಗೆ ಹಚ್ಚುತ್ತದೆ.

. * ಲಾಜಿಕಲ್ ರೀಸನಿಂಗ್ ಆಧರಿಸಿದ ಪ್ರಶ್ನೆಗಳನ್ನು ಪರಿಹರಿಸುವ ವಿಧಾನಗಳು

. * ಮಾಹಿತಿಯನ್ನು ಸರಿಯಾಗಿ ಓದುವುದು ಮತ್ತು ಅರ್ಥ ಮಾಡಿಕೊಳ್ಳುವುದು.

. * ಸೂಕ್ಷ್ಮವಾದ ಲಾಜಿಕಲ್ ಮಾಹಿತಿಯನ್ನು ವಿಶ್ಲೇಷಣೆ ಮಾಡುವುದು.

. * ಎಲ್ಲಾ ಸಂಭವನೀಯ ಪರಿಹಾರಗಳ ಬಗ್ಗೆ ಚಿಂತಿಸುವುದು.

. * ಬೇರೆ ಸಾಧ್ಯತೆಗಳಿಂದ ಬರುವ ಉತ್ತರಗಳ ಜೊತೆ ಹೋಲಿಕೆ ಮಾಡುವುದು.

. * ಒಂದು ಸರಿಯಾದ ಲಾಜಿಕಲ್ ತೀರ್ಮಾನಕ್ಕೆ ಬರುವುದು.

. * ಲಾಜಿಕಲ್ ರೀಸನಿಂಗ್ನಲ್ಲಿ ಈ ಕೆಲವು ಪ್ರಶ್ನೆಗಳನ್ನು ನಿರೀಕ್ಷಿಸಬಹುದು.

. ವರ್ಬಲ್ ಪ್ರಶ್ನೆ: ಇದನ್ನು ವರ್ಬಲ್ ಆಗಿ ಬಿಡಿಸಬಹುದು. ಅಂದರೆ ಪೆನ್ ಮತ್ತು ಪೇಪರ್ ಅಗತ್ಯ ಇರುವುದಿಲ್ಲ.

. ಚಿತ್ರ ಆಧಾರಿತ ಪ್ರಶ್ನೆ: ಪ್ರಶ್ನೆಯಲ್ಲಿ ಮಿರರ್ ಇಮೇಜ್ ನೀಡಬಹುದು. ಇದೇ ರೀತಿಯ ಅಥವಾ ವಿಭಿನ್ನವಾದ ಚಿತ್ರವನ್ನು ಹುಡುಕುವಂತೆ ಪ್ರಶ್ನೆ ಕೇಳಬಹುದು.

. ಪಝಲ್ ಪ್ರಶ್ನೆ: ವಿವಿಧ ರೀತಿಯಲ್ಲಿ ಜನರು/ ದಿನ. ತಿಂಗಳು/ ಸ್ಥಳಗಳನ್ನು ಜೋಡಿಸುವಂತೆ ಕೇಳುತ್ತಾರೆ.

. ಸೀಕ್ವೆನ್ಸ್ ಪ್ರಶ್ನೆ: ಇದರಲ್ಲಿ ಜನರು/ ಅಂಕಿ/ ಅಕ್ಷರಗಳನ್ನು ಸರಣಿಯಾಗಿ ನೀಡಿ ಅದರ ಮೇಲೆ ಪ್ರಶ್ನೆಗಳನ್ನು ಕೇಳಬಹುದು.

. ಸ್ಪರ್ಧಾರ್ಥಿಗಳು ಲಾಜಿಕಲ್ ರೀಸನಿಂಗ್ ವಿಭಾಗದಲ್ಲಿ ಈ ಕೆಳಗಿನವುಗಳನ್ನು ಅಭ್ಯಾಸ ಮಾಡಬೇಕಾಗುತ್ತದೆ. ಕ್ಯಾಲೆಂಡರ್, ರಕ್ತ ಸಂಬಂಧ, ಗಡಿಯಾರಗಳು, ಕೋಡಿಂಗ್– ಡಿಕೋಡಿಂಗ್, ಘನಾಕೃತಿ, ಪಝಲ್ಸ್, ಮಿರರ್ ಆಕೃತಿ, ನೀರಿನಲ್ಲಿ ಕಾಣುವ ಆಕೃತಿ, ದಿಕ್ಕುಗಳು, ಫಿಗರ್ ಮ್ಯಾಟ್ರಿಕ್ಸ್, ಪೇಪರ್ ಮಡಿಸುವುದು, ವಿಭಿನ್ನವಾಗಿರುವುದನ್ನು ಗುರುತಿಸುವುದು.

. ಸ್ಪರ್ಧಾರ್ಥಿಗಳು ನಾನ್ ವರ್ಬಲ್ ರೀಸನಿಂಗ್ಗೆ ವಿಡಿಯೊ ನೋಡಿ ಅಭ್ಯಾಸ ಮಾಡುವುದು ಸೂಕ್ತ.

. ಲಾಜಿಕಲ್ ರೀಸನಿಂಗ್ ಮೇಲಿರುವ ಹೆಚ್ಚು ಹೆಚ್ಚು ಪ್ರಶ್ನೆಗಳನ್ನು ಬಿಡಿಸಿದಷ್ಟೂ ಇದನ್ನು ಚೆನ್ನಾಗಿ ಅರ್ಥ ಮಾಡಿಕೊಳ್ಳಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೆಚ್ಚು ಅಂಕ ಗಳಿಕೆಗೆ ಲಾಜಿಕಲ್‌ ರೀಸನಿಂಗ್‌

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ