ಲೋಕಸಭಾ ಚುನಾವಣೆ: ಬಳ್ಳಾರಿಯ ಹ್ಯಾಟ್ರಿಕ್‌ ಹೀರೊ ಟೇಕೂರು ಸುಬ್ರಮಣ್ಯಂ

ದೇಶದ ನದಿಗಳನ್ನು ಜೋಡಿಸಬೇಕು ಎಂದು ಟೇಕೂರು ಸುಬ್ರಮಣ್ಯಂ ಅವರು ಸದಾ ಮಾತನಾಡುತ್ತಿದ್ದರು. ಕಾವೇರಿ–ಕೃಷ್ಣ ಕೃಷ್ಣ–ಗೊಧಾವರಿ ಗೊಧವರಿ–ನರ್ಮದಾ ಯಮುನಾ–ಗಂಗಾ ನದಿಗಳನ್ನು ಜೋಡಿಸಿದರೆ ದೇಶದಲ್ಲಿ ನೀರಿನ ಸಮಸ್ಯೆಗಳು ಬರ ನೀಗಲಿದೆ ಎಂದು ಅವರು ಸಂಸತ್‌ನಲ್ಲಿಯೇ ಭಾಷಣ ಮಾಡಿದ್ದರು. ಸ್ವಾತಂತ್ರ್ಯೋತ್ತರ ಭಾರತದಲ್ಲಿ ಮೊದಲ ಬಾರಿಗೆ ಈ ವಿಚಾರ ಮಂಡಿಸಿದ್ದ ಆರ್ಥರ್‌ ಕಾಟನ್‌ ನಂತರ ನೆಹರು ಸರ್ಕಾರದಲ್ಲಿ ಇದೇ ವಿಷಯವನ್ನು ಪ್ರಸ್ತಾಪ ಮಾಡಿದ್ದ ಕೆ.ಎಲ್‌ ರಾವ್‌ ಅವರನ್ನು ಉಲ್ಲೇಖಿಸಿ ಅವರು ಮಾತನಾಡಿದ್ದರು.  ಇದರ ಜತೆಗೆ ಬಳ್ಳಾರಿಗೆ ಉಕ್ಕಿನ ಕಾರ್ಖಾನೆ ತರಬೇಕು ಮತ್ತು ಮೀಟರ್‌ ಗೇಜ್‌ ಬದಲಿಗೆ ಬ್ರಾಡ್‌ಗೇಜ್‌ ರೈಲ್ವೆ ಮಾರ್ಗಗಳನ್ನು ಹಾಕಬೇಕು ಎಂದು ಅವರು ಪ್ರತಿಪಾದಿಸುತ್ತಿದ್ದರು ಎಂದು ಟೇಕೂರು ಸುಬ್ರಮಣ್ಯಂ ಅವರ ಪುತ್ರ ಡಾ. ರಾಮನಾಥ್‌ ಸ್ಮರಿಸಿದ್ದಾರೆ.