ಬೆಂಗಳೂರು: ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ನಟಿಸಿರುವ, ಅಯಾನ್ ಮುಖರ್ಜಿ ನಿರ್ದೇಶನದ ಚಿತ್ರ ‘ಬ್ರಹ್ಮಾಸ್ತ್ರ‘ ಎರಡನೇ ದಿನ ಹಿಂದಿ ಆವೃತ್ತಿ ₹35.50 ಕೋಟಿ ಗಳಿಕೆ ದಾಖಲಿಸಿದೆ. ಇದರ ಮೂಲಕ ಚಿತ್ರದ ಎರಡು ದಿನಗಳ ಒಟ್ಟು ಗಳಿಕೆ ಹಿಂದಿ ಆವೃತ್ತಿಯಲ್ಲಿ ₹66.50 ಕೋಟಿಗೆ ತಲುಪಿದೆ.
ಮೊದಲ ದಿನ ಹಿಂದಿ ಆವೃತ್ತಿ ₹31 ಕೋಟಿ ಮತ್ತು ಇತರ ಭಾಷೆಗಳಲ್ಲಿ ₹4.5 ಕೋಟಿ ಗಳಿಕೆ ಕಂಡಿದೆ ಎಂದು ಬಾಕ್ಸ್ ಆಫೀಸ್ ಇಂಡಿಯಾ ವರದಿ ಹೇಳಿದೆ.
ರಣಬೀರ್–ಆಲಿಯಾ ಜತೆಗೆ ಅಮಿತಾಭ್ ಬಚ್ಚನ್, ನಾಗಾರ್ಜುನ, ಶಾರುಖ್ ಖಾನ್ ಮತ್ತು ಮೌನಿ ರಾಯ್ ಕೂಡ ಬ್ರಹ್ಮಾಸ್ತ್ರ ಚಿತ್ರದಲ್ಲಿ ನಟಿಸಿದ್ದಾರೆ.