ಲಾಕ್‌ಡೌನ್‌ನಲ್ಲಿ ತರಕಾರಿ ಮಾರುತ್ತಿರುವ ಬಾಲಿವುಡ್ ನಟ
ನಟ ಆಮೀರ್ ಖಾನ್ ಮತ್ತು ರಾಣಿ ಮುಖರ್ಜಿ ಜತೆ ‘ಗುಲಾಮ್’ ಚಿತ್ರದಲ್ಲಿ ಅಭಿನಯಸಿದ್ದ ಪೋಷಕ ನಟ ಜಾವೇದ್‌ ಹೈದರ್ ಈಗ ಏನು ಮಾಡುತ್ತಿದ್ದಾರೆ ಗೊತ್ತಾ?
ಬಾಲಿವುಡ್ ಚಿತ್ರಗಳಲ್ಲಿ ನಾಯಕನ ಸ್ನೇಹಿತನಂತಹ ಚಿಕ್ಕಪುಟ್ಟ ಪೋಷಕ ಪಾತ್ರಗಳಲ್ಲಿ ನಟಿಸಿರುವ ಮತ್ತು ಟಿ.ವಿ ಸೀರಿಯಲ್‌ಗಳಲ್ಲಿ ಬ್ಯುಸಿಯಾಗಿದ್ದ ಜಾವೇದ್‌ ಹೈದರ್ ಲಾಕ್‌ಡೌನ್‌ನಿಂದಾಗಿ ಕೈಯಲ್ಲಿ ಕೆಲಸ ಇಲ್ಲದೆ ಮುಂಬೈ ಗಲ್ಲಿಗಳನ್ನು ಸುತ್ತಿ ತರಕಾರಿ ಮಾರುತ್ತಿದ್ದಾರೆ.
ತಳ್ಳು ಗಾಡಿಯಲ್ಲಿ ಹೈದರ್ ಸಿನಿಮಾ ಹಾಡು ಗುನುಗುತ್ತ ತರಕಾರಿ ಮಾರುತ್ತಿರುವ ಟಿಕ್‌ಟಾಕ್‌ ವಿಡಿಯೊ ಕ್ಲಿಪ್ ಅನ್ನು ಡಾಲಿ ಬಿಂದ್ರಾ ಎಂಬುವವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ‘ಈ ಬಾಲಿವುಡ್ ನಟ ಸಬ್ಜಿ (ತರಕಾರಿ) ಈಗ ಮಾರಾಟ ಮಾಡುತ್ತಿದ್ದಾರೆ’ ಎಂದು ಅವರು ಹೇಳಿದ್ದಾರೆ.
‘ಗುಲಾಮ್‘, ‘ಬಾಬರ್‘, ‘ಲೈಫ್‌ ಕಿ ಐಸಿ ಕಿ ತೈಸಿ’ ಮುಂತಾದ ಬಾಲಿವುಡ್ ಸಿನಿಮಾ ಮತ್ತು ‘ಜೆನ್ನಿ ಔರ್‌ ಜೂಜು’ ಹಿಂದಿ ಟಿ.ವಿ. ಧಾರಾವಾಹಿಗಳಲ್ಲಿ ಜಾವೇದ್‌ ನಟಿಸಿದ್ದಾರೆ.
‘ದುನಿಯಾ ಮೆ ರೆಹನಾ ಹೈ ತೋ ಕಾಮ್ ಕರ್ ಹೈ ಪ್ಯಾರೇ...ಹಾತ್ ಜೋಡಕರ್ ಸಬ್‌ ಕೊ ಸಲಾಂ ಕರ್ ಪ್ಯಾರೇ...’ ಎಂಬ ಹಾಡಿಗೆಬಾಲಿವುಡ್‌ ಸ್ಟೈಲ್‌ನಲ್ಲಿ ಕುಣಿಯುತ್ತಾಗ್ರಾಹಕರಿಗೆ ಟೊಮಾಟೊ ಚೀಲ ಕೊಡುವ ಟಿಕ್‌ಟಾಕ್‌ ವಿಡಿಯೊ ಕ್ಲಿಪ್ ಅನ್ನು ಹೈದರ್ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
‘ಬದುಕು ಕಟ್ಟಿಕೊಳ್ಳಲು ಯಾವ ಕೆಲಸವಾದರೇನು? ಯಾವ ಕೆಲಸ ದೊಡ್ಡದು ಅಲ್ಲ, ಸಣ್ಣದೂ ಅಲ್ಲ’ ಎಂಬ ಸಂದೇಶ ಸಾರಿದ ನಟನ ಸ್ವಾಭಿಮಾನ ಮತ್ತು ಛಲಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಹೈದರ್ ಟಿಕ್‌ಟಾಕ್‌ನಲ್ಲಿ 97.7 ಸಾವಿರ ಫಾಲೋವರ್ಸ್ ಹೊಂದಿದ್ದಾರೆ.ಟ್ವಿಟ್ಟರ್‌ನಲ್ಲಿ 17 ಸಾವಿರಕ್ಕೂ ಹೆಚ್ಚು ಜನರು ಈ ವಿಡಿಯೊ ವೀಕ್ಷಿಸಿದ್ದಾರೆ.
He #SidharthShukla support sana #shenazgill always #WinnerSid #SanaMadeUsLaugh #BB13 #BiggBoss13 @BiggBoss pic.twitter.com/XVBMJhw5nM
— Dolly Bindra (@DollyBindra) January 4, 2020
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.