ಅಟ್ಯಾಕ್‌: ಪತ್ರಕರ್ತರ ಮೇಲೆ ಗರಂ ಆದ ನಟ ಜಾನ್‌ ಅಬ್ರಾಹಂ
ಬಾಲಿವುಡ್‌ ಆ್ಯಕ್ಷನ್‌ಸಿನಿಮಾ ‘ಅಟ್ಯಾಕ್‌‘ಪ್ರಚಾರದ ವೇಳೆ ನಟ ಜಾನ್‌ ಅಬ್ರಾಹಂ ತಾಳ್ಮೆ ಕಳೆದುಕೊಂಡು ಪತ್ರಕರ್ತರ ಮೇಲೆ ಕೋಪಗೊಂಡಿರುವ ಘಟನೆ ವರದಿಯಾಗಿದೆ.
ಜಾನ್‌ ಅಬ್ರಾಹಂ ತಮ್ಮ ಹೊಸ ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ವೇಳೆ ಪತ್ರಕರ್ತರು ಕೇಳಿದ ಪ್ರಶ್ನೆಗಳಿಗೆ ಅವರು ಕೋಪಗೊಂಡು ಉತ್ತರ ನೀಡಿದ್ದಾರೆ.
ಪತ್ರಕರ್ತರೊಬ್ಬರು ಅವರ ಫೈಟ್‌ಗಳ ಬಗ್ಗೆ ಮಾತನಾಡುತ್ತ, ನಿಮ್ಮ ಚಿತ್ರಗಳಲ್ಲಿನೂರು ಅಥವಾ ಇನ್ನೂರು ಜನರನ್ನು ಹೊಡೆಯುತ್ತೀರಾ? ಕೈಗಳಲ್ಲಿ ಬೈಕ್‌ಗಳನ್ನು ಎತ್ತಿ ಬಿಸಾಡುತ್ತೀರಾ? ರೈಲುಗಳನ್ನು ಒಂದೇ ಕೈಯಲ್ಲಿ ತಡೆಯುತ್ತೀರಾ? ಇದು ನೈಜವಾಗಿ ಸಾಧ್ಯವೆ ಎಂದು ಪ್ರಶ್ನೆ ಕೇಳಿದ್ದಾರೆ. ಇದಕ್ಕೆ ಸಿಟ್ಟಾದ ಅಬ್ರಾಹಂ ನನ್ನ ಹಿಂದಿನ ಸಿನಿಮಾಗಳ ಬಗ್ಗೆ ಪ್ರಶ್ನೆ ಕೇಳಿಬೇಡಿ, ಈ ಆ್ಯಕ್ಷನ್‌ ಚಿತ್ರದ ಬಗ್ಗೆ ಮಾತ್ರ ಕೇಳಿ ಎಂದು ಗರಂ ಆಗಿದ್ದಾರೆ.
ಮತ್ತೊಬ್ಬ ಪತ್ರಕರ್ತ ಜಾನ್‌ ಫಿಟ್ನೆಶ್‌ ಬಗ್ಗೆ ಪ್ರಶ್ನೆ ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿದ ಅವರು, ನಾನು ದೈಹಿಕ ಆರೋಗ್ಯಕಿಂತ ಮಾನಸಿಕ ಆರೋಗ್ಯಕ್ಕೆ ಹೆಚ್ಚು ಗಮನ ಕೊಡುತ್ತೇನೆ. ಕೆಲವು ಸಲ ನಾವು ಮೂರ್ಖ ಪ್ರಶ್ನೆಗಳಿಗೆ ಉತ್ತರ ಕೊಡಬೇಕಾಗುತ್ತದೆ. ಅಂತಹವರು ತಮ್ಮ ಮೆದುಳನ್ನು ಮನೆಯಲ್ಲಿ ಇಟ್ಟು ಬಂದಿರುತ್ತಾರೆ ಎಂದು ಪತ್ರಕರ್ತರ ಕಾಲೆಳೆದಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ನಮ್ಮ ಹೊಸ ಸಿನಿಮಾದ ಬಗ್ಗೆ ಮಾತ್ರ ಪ್ರಶ್ನೆಗಳನ್ನು ಕೇಳಿ ಎಂದು ಅವರು ಹೇಳಿದ್ದಾರೆ.
ಜಾನ್‌ ಅವರ ‘ಅಟ್ಯಾಕ್‌‘ ಸಿನಿಮಾ ಏಪ್ರಿಲ್‌ 1ರಂದು ಬಿಡುಗಡೆಯಾಗಲಿದೆ. ಎರಡು–ಮೂರು ವರ್ಷಗಳ ಬಳಿಕ ಜಾನ್‌ ಸಿನಿಮಾ ಬಿಡುಗಡೆಯಾಗುತ್ತಿದೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.