ನತಶಾ & ಪಿಂಕಿ: ನತಶಾರ ₹90 ಲಕ್ಷದ ಹ್ಯಾಂಡ್‌ ಬ್ಯಾಗಿಗೆ ಟೆನಿಸ್‌ ಪ್ರೇಮಿಗಳು ಫಿದಾ
ಅಕ್ಷರ ಗಾತ್ರ :ಆ |ಆ |ಆ
ಪಿಂಕಿ ಖ್ಯಾತಿಯ ಪ್ರಿಯಾಂಕ ಚೋಪ್ರಾ ಕೆಲವು ತಿಂಗಳಿನಿಂದ ಲಂಡನ್‌ನಲ್ಲಿ ನೆಲೆಸಿದ್ದಾರೆ. ಅವರು ಸಿಟೆಡಾಲ್‌ ಸಿನಿಮಾದ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದಾರೆ. ಬಿಡುವಿನ ಸಮಯದಲ್ಲಿ ಭಾರತೀಯ ರೆಸ್ಟೋರೆಂಟ್‌ಗಳಿಗೆ ಭೇಟಿ ನೀಡುವ ಮೂಲಕ ಬಾಲಿವುಡ್‌ ಅಂಗಳದಲ್ಲಿ ಸುದ್ದಿಯಾಗುತ್ತಿದ್ದಾರೆ.
ಇತ್ತೀಚೆಗೆ ಪ್ರಿಯಾಂಕ ಚೋಪ್ರಾ ವಿಂಬಲ್ಡನ್‌ ಟೆನಿಸ್‌ ಟೂರ್ನಿಯ ಮಹಿಳೆಯರ ಸಿಂಗಲ್ಸ್‌ ಪೈನಲ್ ಪಂದ್ಯ ವೀಕ್ಷಣೆ ಮಾಡಿದರು. ಅದು ಗೆಳತಿ ನತಶಾ ಪೂನವಾಲ ಜೊತೆ. ನತಶಾ ಪೂನವಾಲ ಖ್ಯಾತ ಉದ್ಯಮಿ ಹಾಗೂ ಸೆರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (ಎಸ್ಐಐ) ಸಂಸ್ಥೆಯ ಪ್ರಧಾನ ಕಾರ್ಯನಿರ್ವಾಹಕ ಅಧಿಕಾರಿ ಅದಾರ್‌ ಪೂನವಾಲ ಅವರ ಪತ್ನಿ.
ಈ ಪೈನಲ್ ಪಂದ್ಯದ ವೇಳೆ ಟೆನಿಸ್‌ ಪ್ರೇಮಿಗಳ ಕಣ್ಣು ನೆಟ್ಟದ್ದು ನತಶಾ ಪೂನವಾಲ ಅವರ ಹ್ಯಾಂಡ್‌ ಬ್ಯಾಗ್‌ ಮೇಲೆ. ಯಾಕೆಂದರೆ ಆ ಬ್ಯಾಗ್‌ ಬೆಲೆ ಸುಮಾರು ₹ 90 ಲಕ್ಷ. ಇದು ಹರ್ಮ್ಸ್ ಬಿರ್ಕಿನ್ ಫೌಬರ್ಗ್ ಕಂಪನಿಯ ಬ್ಯಾಗ್‌ ಆಗಿದೆ. ಈ ಕಂಪನಿ ಜಗತ್ತಿನಲ್ಲೇ ಅತಿ ಹೆಚ್ಚಿನ ಬೆಲೆಯ ಬ್ಯಾಗ್‌, ವ್ಯಾಲೆಟ್‌ ಸೇರಿದಂತೆ ಜಾಕೆಟ್‌ಗಳನ್ನು ಉತ್ಪಾದನೆ ಮಾಡುತ್ತದೆ.
ಪಂದ್ಯ ವೀಕ್ಷಣೆ ಮಾಡಲು ನತಶಾ ಪೂನವಾಲ ಅವರು ಈ ದುಬಾರಿ ಬೆಲೆಯ ಹ್ಯಾಂಡ್‌ ಬ್ಯಾಗ್‌ ತಂದಿದ್ದರು. ಗೆಳತಿ ಪ್ರಿಯಾಂಕ ಜೊತೆ ಇಡೀ ದಿನ ಕಳೆದದ್ದು ವಿಶೇಷವಾಗಿತ್ತು. ಪ್ರಿಯಾಂಕ ಜೊತೆಗಿರುವ ಆ ದಿನದ ಹಲವು ಪೋಟೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ನತಶಾ ಹಂಚಿಕೊಂಡಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
