ಸರ್ಕಾರಿ ಗೌರವಗಳೊಂದಿಗೆ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅಂತ್ಯಕ್ರಿಯೆ

ಚೆನ್ನೈ: ಶುಕ್ರವಾರ ನಿಧನರಾಗಿದ್ದ ಬಹುಭಾಷಾ ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರ ಪಾರ್ಥಿವ ಶರೀರದ ಅಂತ್ಯಕ್ರಿಯೆ ಶನಿವಾರ ಸಕಲ ಸರ್ಕಾರಿ ಗೌರವಗಳೊಂದಿಗೆ, ಅಸಂಖ್ಯ ಅಭಿಮಾನಿಗಳ ದುಃಖದ ನಡುವೆ ತಾಮರೈಪಕ್ಕಂನ ಫಾರ್ಮ್ ಹೌಸ್ ನಲ್ಲಿ ನಡೆಯಿತು.

ತಮಿಳುನಾಡು ಪೊಲೀಸರು ಗೌರವವಂದನೆ ಸಲ್ಲಿಸಿದರು. ಎಸ್.ಪಿ.ಬಿ ಅವರ ಪುತ್ರ ಎಸ್.ಪಿ.ಚರಣ್ ಅವರು ಅಂತಿಮ ವಿಧಿವಿಧಾನ ನಡೆಸಿದರು. ಧಾರ್ಮಿಕ ಮಂತ್ರಗಳನ್ನು ಈ ಸಂದರ್ಭದಲ್ಲಿ ಪಠಿಸಲಾಯಿತು. ಪೊಲೀಸರ ಪಥ ಸಂಚಲನದೊಂದಿಗೆ ಶವವನ್ನು ಅಂತ್ಯಕ್ರಿಯೆ ಸ್ಥಳಕ್ಕೆ ತರಲಾಯಿತು.

ಇದನ್ನೂ ಓದಿ: ತಿರುವಳ್ಳೂರ್‌ನ ಫಾರ್ಮ್‌ ಹೌಸ್‌ನಲ್ಲಿ ಎಸ್‌ಪಿಬಿ ಅಂತಿಮ ವಿಧಿವಿಧಾನ

ಅಂತ್ಯಕ್ರಿಯೆ ನಡೆದ ತಿರುವಳ್ಳುವರ್ ಜಿಲ್ಲೆಯಲ್ಲಿರುವ ಫಾರ್ಮ್ ಹೌಸ್ ಬಳಿ ಎಸ್.ಪಿ.ಬಿ. ಅವರ ಅಸಂಖ್ಯ ಅಭಿಮಾನಿಗಳು ಸೇರಿದ್ದರು. ಮುಂಜಾಗ್ರತೆಯಾಗಿ ಹೆಚ್ಚಿನ ಪೊಲೀಸರನ್ನು ನಿಯೋಜಿಸಲಾಗಿತ್ತು. 

'ಪಾಡುಂ ನಿಲಾ' (ಹಾಡುವ ಚಂದ್ರ) ಎಂದು ಅಭಿಮಾನದಿಂದ ಕರೆಯಿಸಿಕೊಳ್ಳುವ ಎಸ್.ಪಿ.ಬಿ ಅವರು ಅನಾರೋಗ್ಯ ಪೀಡಿತರಾದ ಬಳಿಕ ಇಲ್ಲಿನ ಎಂ.ಜಿ.ಆರ್.ಹೆಲ್ತ್ ಕೇರ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆಗೆ ಸ್ಪಂದಿಸದೇ ಶುಕ್ರವಾರ ನಿಧನರಾಗಿದ್ದರು.

ಇನ್ನಷ್ಟು...

PV Web Exclusive | ಮತ್ತೆ ಸಿಗುವೆ, ತುಂಬಾ ಮಾತಾಡೋಣ ಎಂದಿದ್ರು ಎಸ್‌ಪಿಬಿ

FB Live: ಡ್ರಮ್ ದೇವ ಅವರಿಂದ ಎಸ್‌ಪಿಬಿ ಜೊತೆಗೆ ಕಳೆದ ಅಮೂಲ್ಯ ಕ್ಷಣಗಳ ಮಾತುಕತೆ

ಸಂಗೀತವಷ್ಟೇ ಅಲ್ಲ, ಸಿನಿಮಾದಲ್ಲೂ ಎಸ್‌ಪಿಬಿ ಯಶಸ್ವಿ

ಹಾಡ ಹಾದಿಯ ಮಳೆಬಿಲ್ಲು ‘ಎಸ್‌.ಪಿ.ಬಾಲಸುಬ್ರಹ್ಮಣ್ಯಂ’