ಆಳ ಅಗಲ | ಭಾರತದಲ್ಲಿ ಏರುವುದೇ ಔಷಧ ಬೆಲೆ?

‘ಅಮೆರಿಕ ಮೊದಲು’ ಎನ್ನುವ ಆಶಯದೊಂದಿಗೆ ವೀಸಾ, ಪೌರತ್ವ, ಉದ್ಯೋಗ ಇತ್ಯಾದಿ ರಂಗಗಳಲ್ಲಿ ಮಹತ್ವದ ಬದಲಾವಣೆಗಳನ್ನು ತಂದ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಚಿತ್ತ ಈಗ ಔಷಧ ರಂಗದತ್ತ ಹರಿದಿದೆ. ಅಮೆರಿಕದಲ್ಲಿ ಔಷಧಗಳ ಬೆಲೆಗಳು ಅತಿ ಹೆಚ್ಚಾಗಿದ್ದು, ಅವುಗಳನ್ನು ಕಡಿಮೆ ಮಾಡಬೇಕು ಎನ್ನುವುದು ಟ್ರಂಪ್ ಅವರ ನಿಲುವು. ಈ ದಿಸೆಯಲ್ಲಿ ಅವರು ‘ಅತ್ಯಂತ ನೆಚ್ಚಿನ ರಾಷ್ಟ್ರ’ ನೀತಿಯನ್ನು ಜಾರಿಗೊಳಿಸಲು ಹೊರಟಿದ್ದಾರೆ.  ಒಂದು ಕಂಪನಿ ತನ್ನ ಉತ್ಪನ್ನವನ್ನು ಯಾವ ದೇಶದಲ್ಲಿ ಅತಿ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದೆಯೋ, ಅದೇ ಬೆಲೆಗೆ ಅಮೆರಿಕಕ್ಕೂ ಮಾರಬೇಕು ಎನ್ನುವ ಕಾರ್ಯಾದೇಶಕ್ಕೆ ಸಹಿ ಹಾಕಿದ್ದಾರೆ. ಟ್ರಂಪ್ ಅವರ ಈ ನೀತಿಯು ಭಾರತದಲ್ಲಿ ಔಷಧ ಉದ್ಯಮದ ಮೇಲೆ ಎಂತಹ ಪರಿಣಾಮ ಬೀರಲಿದೆ ಎನ್ನುವ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ