ಕ್ಷೇಮ–ಕುಶಲ | ಮಗು ಗಮನಿಸುತ್ತಿಲ್ಲವೆ? ನೀವು ಗಮನಿಸಿ!

ಗಮನದ ಕೊರತೆ ಮತ್ತು ಅತಿಸಕ್ರಿಯತೆಯ ಅಸ್ವಸ್ಥತೆ ಒಂದು ನರಗಳಿಗೆ ಸಂಬಂಧಪಟ್ಟ ವೈದ್ಯಕೀಯ ಸ್ಥಿತಿ. ಇಂಥ ಸ್ಥಿತಿಯಲ್ಲಿ ಇರುವವರಿಗೆ ಗಮನವನ್ನು ಕೇಂದ್ರೀಕರಿಸುವುದು, ಆವೇಗವನ್ನು ನಿಯಂತ್ರಿಸುವುದು ಅಥವಾ ತಮ್ಮ ವಯಸ್ಸಿಗೆ ತಕ್ಕಂತೆ ವರ್ತಿಸುವುದು ಕಷ್ಟವಾಗುತ್ತದೆ. ಇದು ಮಕ್ಕಳು ಮತ್ತು ವಯಸ್ಕರಲ್ಲಿ ಕಂಡುಬರುತ್ತದೆ. ಆದರೂ ಇದನ್ನು ಸಾಮಾನ್ಯವಾಗಿ ಬಾಲ್ಯದಲ್ಲಿಯೇ ಗುರುತಿಸಬಹುದಾಗಿರುತ್ತದೆ.

ಐನ್‌ಸ್ಟೈನ್, ವಾಲ್ಟ್ ಡಿಸ್ನಿ, ಮೈಕೇಲ್ ಫ್ಲೆಪ್ಸ್ – ಇಂತಹ ಹಲವರು ಸಾಧಕರು ಎಡಿಎಚ್‌ಡಿ ಸಮಸ್ಯೆಯಿಂದ ಬಳಲಿದವರೇ. ಆದರೆ ಅವರು ಅದರಿಂದ ಹೊರಬಂದು ಸಾಧನೆ ಮಾಡಿ, ಪ್ರಸಿದ್ಧರಾದರು. ಹೀಗಾಗಿ ಈ ಸಮಸ್ಯೆಯೇ ಒಂದು ದೋಷವಲ್ಲ; ಬದಲಾಗಿ ಇದು ಮಿದುಳು ವಿಭಿನ್ನವಾಗಿ ಕೆಲಸ ಮಾಡುವ ರೀತಿ – ಎಂದು ಸಕಾರಾತ್ಮಕವಾಗಿ ಆಲೋಚಿಸಬೇಕು. ಆ ಮೂಲಕ ಎಡಿಎಚ್‌ಡಿ ಬಗ್ಗೆ ಇರುವ ತಪ್ಪು ಗ್ರಹಿಕೆಗಳನ್ನು ಮುರಿಯಬೇಕು; ಈ ಸಮಸ್ಯೆಯನ್ನು ವಾಸ್ತವದ ನೆಲೆಯಲ್ಲಿ ಅರ್ಥಮಾಡಿಕೊಳ್ಳುವ ಸಮಾಜವನ್ನು ನಿರ್ಮಿಸಬೇಕು. ಸಹಾನುಭೂತಿ, ಸರಿಯಾದ ಜ್ಞಾನ ಮತ್ತು ಸಕ್ರಿಯ ಬೆಂಬಲದಿಂದ, ಎಡಿಎಚ್‌ಡಿ ಇರುವ ಪ್ರತಿಯೊಬ್ಬ ವ್ಯಕ್ತಿಯೂ ತನ್ನ ಪೂರ್ಣ ಸಾಮರ್ಥ್ಯದಿಂದ ಎಲ್ಲರಂತೆಯೇ ಸಹಜ ಜೀವನವನ್ನು ನಡೆಸಬಹುದಾಗಿದೆ.