<p class="title"><strong>ಔರಂಗಾಬಾದ್:</strong> ಮುಂಗಾರು ಹಂಗಾಮಿನಲ್ಲಿ ವಾಡಿಕೆಗಿಂತಲೂ ಹೆಚ್ಚಿನ ಮಳೆಯಾಗಿರುವ ಕಾರಣ ಬೆಳೆ ನಷ್ಟಕ್ಕೆ ಒಳಗಾಗಿ, ಸಂಕಷ್ಟಕ್ಕೆ ಸಿಲುಕಿರುವ ಮಹಾರಾಷ್ಟ್ರದ ಔರಂಗಾಬಾದ್ ಜಿಲ್ಲೆಯ ರೈತರು, ಈಗ ತಮ್ಮ ಹೆಣ್ಣು ಮಕ್ಕಳ ಮದುವೆಯನ್ನು ಮುಂದೂಡಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ.</p>.<p class="title">ಧಾರಾಕಾರವಾಗಿ ಮಳೆಯಾಗಿದ್ದರಿಂದ ಗದ್ದೆ, ಜಮೀನುಗಳಲ್ಲಿ ನಿಂತಿದ್ದ ನೀರು ಈಗ ಕರಗುತ್ತಿದೆ. ಆದರೆ, ರೈತರು ಇನ್ನು ತಮ್ಮ ಕೃಷಿ ಭೂಮಿಗೆ ಹೋಗಲಾಗದ ಸ್ಥಿತಿ ಇದೆ. ಹಿಂಗಾರು ಹಂಗಾಮಿನಲ್ಲೂ ಬಿತ್ತನೆ ಚಟುವಟಿಕೆಯು ವಿಳಂಬವಾಗಬಹುದು ಎಂಬ ಆತಂಕವನ್ನು ಕೃಷಿಕರು ವ್ಯಕ್ತಪಡಿಸಿದ್ದಾರೆ.</p>.<p class="title">ಔರಂಗಾಬಾದ್ ಜಿಲ್ಲಾ ಕೇಂದ್ರಕ್ಕೆ 80 ಕಿ.ಮೀ ದೂರದಲ್ಲಿರುವ, ಗೋದಾವರಿ ನದಿ ಪಾತ್ರದಲ್ಲಿರುವ ವಿಹಮಂಡವ ವಲಯ ಕಳೆದ ವರ್ಷದವರೆಗೂ ಬರಪೀಡಿತ ಪ್ರದೇಶವಾಗಿಯೇ ಇತ್ತು. ಮಳೆಯಾಗುವ ಸೂಚನೆಯೂ ಕಡಿಮೆ. ಆದರೆ, ಈ ವರ್ಷ ಶೇ 241.9ರಷ್ಟು ಹೆಚ್ಚು ಮಳೆಯಾಗಿದೆ. ಈ ಭಾಗದ ನಿರೀಕ್ಷಿತ ಸರಾಸರಿ ಮಳೆ 564.6 ಮಿ.ಮೀ. ಈಗ 1,365.9 ಮಿ.ಮೀ. ಮಳೆ ಸುರಿದಿರುವುದು ದಾಖಲಾಗಿದೆ ಎನ್ನುತ್ತಾರೆ ಕಂದಾಯ ಇಲಾಖೆಯ ಅಧಿಕಾರಿಗಳು.</p>.<p>ಸೊಯಾಬೀನ್, ಹತ್ತಿ, ಬಟಾಣಿ ಈ ಭಾಗದ ಪ್ರಮುಖ ಬೆಳೆ. ಕೃಷಿಕರು ಅಧಿಕ ಪ್ರಮಾಣದ ಇಳುವರಿಯನ್ನು ನಿರೀಕ್ಷಿಸಿದ್ದರು. ಆದರೆ, ಕಳೆದ ತಿಂಗಳು ಸುರಿದ ಮಳೆಗೆ ನಿರೀಕ್ಷೆಗಳೆಲ್ಲಾ ಕೊಚ್ಚಿಹೋದವು. ಪರಿಣಾಮ,ಕಟಾವಿಗೆ ಬಂದಿದ್ದ ಬೆಳೆ ಕೊಚ್ಚಿಹೋಗಿದೆ. ಅನೇಕ ರೈತರು ಸಾಲದ ಸುಳಿಗೆ ಸಿಲುಕಿದ್ದಾರೆ.</p>.<p>ವಿಹಮಂಡವ ವೃತ್ತದ ಗಬುದ್ ವಸ್ತಿಯ ನಿವಾಸಿ ವಿಶ್ವಾಸ್ ಅವರು, ತಮ್ಮ ಕೃಷಿ ಭೂಮಿಯಲ್ಲಿ ಸುಮಾರು 2–3 ಇಂಚಿನಷ್ಟು ಮಣ್ಣು ಮಳೆಯೊಂದಿಗೆ ಕೊಚ್ಚಿಹೋಗಿದೆ. ಪರಿಸ್ಥಿತಿ ಎಷ್ಟು ಕೆಟ್ಟದಾಗಿದೆ ಎಂದರೆ ಉಳುಮೆಗೆ ನೇಗಿಲು ಅಥವಾ ಟ್ರ್ಯಾಕ್ಟರ್ ಬಳಸಲಾಗದ ಸ್ಥಿತಿ ಇದೆ ಎಂದು ಹೇಳುತ್ತಾರೆ.</p>.<p>‘ಮಗಳ ಮದುವೆ ನಿಗದಿಯಾಗಿತ್ತು. ಆದರೆ, ನನ್ನ ಬಳಿ ಕಲ್ಯಾಣಮಂಟಪ ಗೊತ್ತುಪಡಿಸಲು ಹಣವಿಲ್ಲ. ಮದುವೆಯನ್ನು ದೊಡ್ಡದಾಗಿ ಮಾಡಬೇಡ ಎಂದು ಸಲಹೆ ಮಾಡುತ್ತಾರೆ. ಆದರೆ ಕನಿಷ್ಠ ಹೊಸ ಬಟ್ಟೆಯಾದರೂ ಖರೀದಿಸಬೇಕಲ್ಲ? ಅದಕ್ಕೂ ನನ್ನಲೀಗ ಹಣವಿಲ್ಲ’ ಎನ್ನುತ್ತಾರೆ ಭರವಸೆ ಕಳೆದುಕೊಂಡಿರುವ ವಿಶ್ವಾಸ್.</p>.<p>ಕಳೆದ ವರ್ಷ ಕೊರೊನಾದಿಂದ ಮಗ ಬಾಧಿತನಾಗಿದ್ದ. ಚಿಕಿತ್ಸೆಗೆ ದೊಡ್ಡ ಮೊತ್ತ ವ್ಯಯಿಸಿದ್ದೆ. ಈಗ ಸಹಾಯ ಕೋರಲು ಸರ್ಕಾರಿ ಕಚೇರಿಗೆ ಹೋಗುವಷ್ಟು ಹಣ ಇಲ್ಲದಾಗಿದೆ. ಮುಂಗಾರು ಅವಧಿಗೆ ಮೊದಲು ಬೈಕ್ಗೆ ₹ 200 ಪೆಟ್ರೋಲ್ ಹಾಕಿಸಲು ನಾನು ಶಕ್ತನಾಗಿರಲಿಲ್ಲ ಎಂದು ಪರಿಸ್ಥಿತಿಯನ್ನು ಬಿಚ್ಚಿಡುತ್ತಾರೆ.</p>.<p>ಸಾಲ್ ವಡಗಾಂವ್ ನಿವಾಸಿಯಾಗಿರುವ ವಿಲಾಸ್ ತೋಂಬ್ರೆ ಅವರ ಬಳಿ ಆರು ಎಕರೆ ಭೂಮಿ ಇದೆ. ಮಗಳನ್ನು ಸಮೀಪದ ಪಾಲಿಟೆಕ್ನಿಕ್ಗೆ ಸೇರಿಸಿದ್ದರು. ಈ ವರ್ಷ ಮದುವೆ ಮಾಡುವ ಇರಾದೆ ಇತ್ತು. ಐದು ಎಕರೆ ಭೂಮಿಯಲ್ಲಿ ಬೆಳೆ ನಷ್ಟವಾಗಿದೆ. ಏನು ಮಾಡುವುದು ಎಂದು ಪ್ರಶ್ನಿಸುತ್ತಾರೆ.</p>.<p>ಖಂಡಾಲಾದ ರೈತ ನಂದು ಅಗಡೆ ಅವರು, ನಾನು ಬಟಾಣಿ ಬೆಳೆ ಬಿತ್ತಿದ್ದೆ. ಮಳೆಯಿಂದಾಗಿ ಬೆಳೆಯ ಜೊತೆಗೆ ಭೂಮಿಯಲ್ಲಿದ್ದ ಮಣ್ಣೂ ಕೊಚ್ಚಿಹೋಗಿದೆ. ಹಿಂಗಾರು ಹಂಗಾಮಿನಲ್ಲಿ ಮತ್ತೆ ಬಿತ್ತನೆ ಮಾಡುವ ಖಾತರಿಯೂ ನನಗಿಲ್ಲ. ನನ್ನ ಬಳಿ ಏನೂ ಉಳಿದಿಲ್ಲ ಎಂದು ಆಂತಕ ವ್ಯಕ್ತಪಡಿಸುತ್ತಾರೆ.</p>.<p>ಪ್ರತಿ ವರ್ಷ ಸಾಮಾನ್ಯವಾಗಿ ಅಕ್ಟೋಬರ್ ಅಂತ್ಯಕ್ಕೆ ಬಿತ್ತನೆ ಆರಂಭಿಸುತಿದ್ದೆವು. ಬಹುಶಃ ಪರಿಸ್ಥಿತಿ ಸುಧಾರಿಸಿದರೆ ಈ ವರ್ಷ ನವೆಂಬರ್ ಅಂತ್ಯಕ್ಕೆ ಬಿತ್ತನೆ ಮಾಡಬಹುದು ಎಂದು ಅವರು ಆಶಿಸುತ್ತಾರೆ.<br /><br />ಪೈತನ್ ತಾಲ್ಲೂಕು ತಹಶೀಲ್ದಾರ್ ಚಂದ್ರಕಾಂತ್ ಶೇಲ್ಕೆ ಅವರು, ಈ ಪ್ರದೇಶದಲ್ಲಿ ಇಷ್ಟು ಪ್ರಮಾಣದ ಮಳೆಯಾಗಲು ಕಾರಣ ಇನ್ನೂ ತಿಳಿದಿಲ್ಲ. ಇದು, ಬರಪೀಡಿತ ಪ್ರದೇಶ. ಹೆಚ್ಚು ಮಳೆಯಾದ ದಾಖಲೆಯೇ ಇರಲಿಲ್ಲ ಎಂದು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ಔರಂಗಾಬಾದ್:</strong> ಮುಂಗಾರು ಹಂಗಾಮಿನಲ್ಲಿ ವಾಡಿಕೆಗಿಂತಲೂ ಹೆಚ್ಚಿನ ಮಳೆಯಾಗಿರುವ ಕಾರಣ ಬೆಳೆ ನಷ್ಟಕ್ಕೆ ಒಳಗಾಗಿ, ಸಂಕಷ್ಟಕ್ಕೆ ಸಿಲುಕಿರುವ ಮಹಾರಾಷ್ಟ್ರದ ಔರಂಗಾಬಾದ್ ಜಿಲ್ಲೆಯ ರೈತರು, ಈಗ ತಮ್ಮ ಹೆಣ್ಣು ಮಕ್ಕಳ ಮದುವೆಯನ್ನು ಮುಂದೂಡಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ.</p>.<p class="title">ಧಾರಾಕಾರವಾಗಿ ಮಳೆಯಾಗಿದ್ದರಿಂದ ಗದ್ದೆ, ಜಮೀನುಗಳಲ್ಲಿ ನಿಂತಿದ್ದ ನೀರು ಈಗ ಕರಗುತ್ತಿದೆ. ಆದರೆ, ರೈತರು ಇನ್ನು ತಮ್ಮ ಕೃಷಿ ಭೂಮಿಗೆ ಹೋಗಲಾಗದ ಸ್ಥಿತಿ ಇದೆ. ಹಿಂಗಾರು ಹಂಗಾಮಿನಲ್ಲೂ ಬಿತ್ತನೆ ಚಟುವಟಿಕೆಯು ವಿಳಂಬವಾಗಬಹುದು ಎಂಬ ಆತಂಕವನ್ನು ಕೃಷಿಕರು ವ್ಯಕ್ತಪಡಿಸಿದ್ದಾರೆ.</p>.<p class="title">ಔರಂಗಾಬಾದ್ ಜಿಲ್ಲಾ ಕೇಂದ್ರಕ್ಕೆ 80 ಕಿ.ಮೀ ದೂರದಲ್ಲಿರುವ, ಗೋದಾವರಿ ನದಿ ಪಾತ್ರದಲ್ಲಿರುವ ವಿಹಮಂಡವ ವಲಯ ಕಳೆದ ವರ್ಷದವರೆಗೂ ಬರಪೀಡಿತ ಪ್ರದೇಶವಾಗಿಯೇ ಇತ್ತು. ಮಳೆಯಾಗುವ ಸೂಚನೆಯೂ ಕಡಿಮೆ. ಆದರೆ, ಈ ವರ್ಷ ಶೇ 241.9ರಷ್ಟು ಹೆಚ್ಚು ಮಳೆಯಾಗಿದೆ. ಈ ಭಾಗದ ನಿರೀಕ್ಷಿತ ಸರಾಸರಿ ಮಳೆ 564.6 ಮಿ.ಮೀ. ಈಗ 1,365.9 ಮಿ.ಮೀ. ಮಳೆ ಸುರಿದಿರುವುದು ದಾಖಲಾಗಿದೆ ಎನ್ನುತ್ತಾರೆ ಕಂದಾಯ ಇಲಾಖೆಯ ಅಧಿಕಾರಿಗಳು.</p>.<p>ಸೊಯಾಬೀನ್, ಹತ್ತಿ, ಬಟಾಣಿ ಈ ಭಾಗದ ಪ್ರಮುಖ ಬೆಳೆ. ಕೃಷಿಕರು ಅಧಿಕ ಪ್ರಮಾಣದ ಇಳುವರಿಯನ್ನು ನಿರೀಕ್ಷಿಸಿದ್ದರು. ಆದರೆ, ಕಳೆದ ತಿಂಗಳು ಸುರಿದ ಮಳೆಗೆ ನಿರೀಕ್ಷೆಗಳೆಲ್ಲಾ ಕೊಚ್ಚಿಹೋದವು. ಪರಿಣಾಮ,ಕಟಾವಿಗೆ ಬಂದಿದ್ದ ಬೆಳೆ ಕೊಚ್ಚಿಹೋಗಿದೆ. ಅನೇಕ ರೈತರು ಸಾಲದ ಸುಳಿಗೆ ಸಿಲುಕಿದ್ದಾರೆ.</p>.<p>ವಿಹಮಂಡವ ವೃತ್ತದ ಗಬುದ್ ವಸ್ತಿಯ ನಿವಾಸಿ ವಿಶ್ವಾಸ್ ಅವರು, ತಮ್ಮ ಕೃಷಿ ಭೂಮಿಯಲ್ಲಿ ಸುಮಾರು 2–3 ಇಂಚಿನಷ್ಟು ಮಣ್ಣು ಮಳೆಯೊಂದಿಗೆ ಕೊಚ್ಚಿಹೋಗಿದೆ. ಪರಿಸ್ಥಿತಿ ಎಷ್ಟು ಕೆಟ್ಟದಾಗಿದೆ ಎಂದರೆ ಉಳುಮೆಗೆ ನೇಗಿಲು ಅಥವಾ ಟ್ರ್ಯಾಕ್ಟರ್ ಬಳಸಲಾಗದ ಸ್ಥಿತಿ ಇದೆ ಎಂದು ಹೇಳುತ್ತಾರೆ.</p>.<p>‘ಮಗಳ ಮದುವೆ ನಿಗದಿಯಾಗಿತ್ತು. ಆದರೆ, ನನ್ನ ಬಳಿ ಕಲ್ಯಾಣಮಂಟಪ ಗೊತ್ತುಪಡಿಸಲು ಹಣವಿಲ್ಲ. ಮದುವೆಯನ್ನು ದೊಡ್ಡದಾಗಿ ಮಾಡಬೇಡ ಎಂದು ಸಲಹೆ ಮಾಡುತ್ತಾರೆ. ಆದರೆ ಕನಿಷ್ಠ ಹೊಸ ಬಟ್ಟೆಯಾದರೂ ಖರೀದಿಸಬೇಕಲ್ಲ? ಅದಕ್ಕೂ ನನ್ನಲೀಗ ಹಣವಿಲ್ಲ’ ಎನ್ನುತ್ತಾರೆ ಭರವಸೆ ಕಳೆದುಕೊಂಡಿರುವ ವಿಶ್ವಾಸ್.</p>.<p>ಕಳೆದ ವರ್ಷ ಕೊರೊನಾದಿಂದ ಮಗ ಬಾಧಿತನಾಗಿದ್ದ. ಚಿಕಿತ್ಸೆಗೆ ದೊಡ್ಡ ಮೊತ್ತ ವ್ಯಯಿಸಿದ್ದೆ. ಈಗ ಸಹಾಯ ಕೋರಲು ಸರ್ಕಾರಿ ಕಚೇರಿಗೆ ಹೋಗುವಷ್ಟು ಹಣ ಇಲ್ಲದಾಗಿದೆ. ಮುಂಗಾರು ಅವಧಿಗೆ ಮೊದಲು ಬೈಕ್ಗೆ ₹ 200 ಪೆಟ್ರೋಲ್ ಹಾಕಿಸಲು ನಾನು ಶಕ್ತನಾಗಿರಲಿಲ್ಲ ಎಂದು ಪರಿಸ್ಥಿತಿಯನ್ನು ಬಿಚ್ಚಿಡುತ್ತಾರೆ.</p>.<p>ಸಾಲ್ ವಡಗಾಂವ್ ನಿವಾಸಿಯಾಗಿರುವ ವಿಲಾಸ್ ತೋಂಬ್ರೆ ಅವರ ಬಳಿ ಆರು ಎಕರೆ ಭೂಮಿ ಇದೆ. ಮಗಳನ್ನು ಸಮೀಪದ ಪಾಲಿಟೆಕ್ನಿಕ್ಗೆ ಸೇರಿಸಿದ್ದರು. ಈ ವರ್ಷ ಮದುವೆ ಮಾಡುವ ಇರಾದೆ ಇತ್ತು. ಐದು ಎಕರೆ ಭೂಮಿಯಲ್ಲಿ ಬೆಳೆ ನಷ್ಟವಾಗಿದೆ. ಏನು ಮಾಡುವುದು ಎಂದು ಪ್ರಶ್ನಿಸುತ್ತಾರೆ.</p>.<p>ಖಂಡಾಲಾದ ರೈತ ನಂದು ಅಗಡೆ ಅವರು, ನಾನು ಬಟಾಣಿ ಬೆಳೆ ಬಿತ್ತಿದ್ದೆ. ಮಳೆಯಿಂದಾಗಿ ಬೆಳೆಯ ಜೊತೆಗೆ ಭೂಮಿಯಲ್ಲಿದ್ದ ಮಣ್ಣೂ ಕೊಚ್ಚಿಹೋಗಿದೆ. ಹಿಂಗಾರು ಹಂಗಾಮಿನಲ್ಲಿ ಮತ್ತೆ ಬಿತ್ತನೆ ಮಾಡುವ ಖಾತರಿಯೂ ನನಗಿಲ್ಲ. ನನ್ನ ಬಳಿ ಏನೂ ಉಳಿದಿಲ್ಲ ಎಂದು ಆಂತಕ ವ್ಯಕ್ತಪಡಿಸುತ್ತಾರೆ.</p>.<p>ಪ್ರತಿ ವರ್ಷ ಸಾಮಾನ್ಯವಾಗಿ ಅಕ್ಟೋಬರ್ ಅಂತ್ಯಕ್ಕೆ ಬಿತ್ತನೆ ಆರಂಭಿಸುತಿದ್ದೆವು. ಬಹುಶಃ ಪರಿಸ್ಥಿತಿ ಸುಧಾರಿಸಿದರೆ ಈ ವರ್ಷ ನವೆಂಬರ್ ಅಂತ್ಯಕ್ಕೆ ಬಿತ್ತನೆ ಮಾಡಬಹುದು ಎಂದು ಅವರು ಆಶಿಸುತ್ತಾರೆ.<br /><br />ಪೈತನ್ ತಾಲ್ಲೂಕು ತಹಶೀಲ್ದಾರ್ ಚಂದ್ರಕಾಂತ್ ಶೇಲ್ಕೆ ಅವರು, ಈ ಪ್ರದೇಶದಲ್ಲಿ ಇಷ್ಟು ಪ್ರಮಾಣದ ಮಳೆಯಾಗಲು ಕಾರಣ ಇನ್ನೂ ತಿಳಿದಿಲ್ಲ. ಇದು, ಬರಪೀಡಿತ ಪ್ರದೇಶ. ಹೆಚ್ಚು ಮಳೆಯಾದ ದಾಖಲೆಯೇ ಇರಲಿಲ್ಲ ಎಂದು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
