ಮುಂಬೈ: ಶೀನಾ ಬೋರಾ ಕೊಲೆ ಪ್ರಕರಣದ ಆರೋಪಿ ಇಂದ್ರಾಣಿ ಮುಖರ್ಜಿ ಸೇರಿದಂತೆ ಬೈಕಲಾದ ಮಹಿಳಾ ಕಾರಾಗೃಹದ 39 ಕೈದಿಗಳಿಗೆ ಕೋವಿಡ್ ದೃಢಪಟ್ಟಿದೆ.
‘ಈ ಜೈಲಿನ ಪೊಲೀಸರು ಮತ್ತು ಸಿಬ್ಬಂದಿಗೆ ಸೋಂಕು ತಗುಲಿದೆಯೇ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ ಕೆಲವು ಸೋಂಕಿತರನ್ನು ಜೆಜೆ ಆಸ್ಪತ್ರೆ, ಸಂತ ಜಾರ್ಜ್ ಆಸ್ಪತ್ರೆ ಮತ್ತು ಜಿಟಿ ಸರ್ಕಾರಿ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ’ ಎಂದು ಮೂಲಗಳು ತಿಳಿಸಿವೆ.
ಒಟ್ಟು 462 ಕೈದಿಗಳಿಗೆ (262 ಮಹಿಳೆಯರು ಮತ್ತು 200 ಪುರುಷರು) ನೆಲೆವೊದಗಿಸುವ ಸಾಮರ್ಥ್ಯವನ್ನು ಬೈಕುಲಾ ಕಾರಾಗೃಹ ಹೊಂದಿದೆ. ಆದರೆ ಪ್ರಸ್ತುತ ಈ ಜೈಲಿನಲ್ಲಿ 306 ಮಹಿಳಾ ಮತ್ತು 203 ಪುರುಷ ಕೈದಿಗಳು ಇದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.