<p><strong>ಬೆಂಗಳೂರು</strong>: ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಲಸಿಕೆ ಕೊರತೆಯಾಗಿದೆ. ಕೆಲವು ಜಿಲ್ಲೆಗಳಲ್ಲಿ ಆಯಾ ದಿನ ಬಂದ ಲಸಿಕೆಯು ಅದೇ ದಿನವೇ ಖಾಲಿಯಾಗುತ್ತಿವೆ. ಬೇಡಿಕೆ ಹೆಚ್ಚಿದಷ್ಟು ಲಸಿಕೆ ಪೂರೈಕೆಯಾಗುತ್ತಿಲ್ಲ ಎನ್ನುವುದು ನಾಗರಿಕರ ದೂರು.</p>.<p>ದಾವಣಗೆರೆ ಜಿಲ್ಲೆಗೆ ಗುರುವಾರ ಸಂಜೆ 8,000 ಕೋವಿಡ್ ಲಸಿಕೆ ಬಂದಿತ್ತು. ಶುಕ್ರವಾರವೇ 7,000 ಲಸಿಕೆ ಖಾಲಿಯಾಗಿತ್ತು. ಬಾಕಿ ಉಳಿದಿದ್ದ ಲಸಿಕೆ ಶನಿವಾರ ಬೆಳಿಗ್ಗೆಯೇ ಖಾಲಿಯಾಗಿವೆ. ದಿನಕ್ಕೆ 13 ಸಾವಿರ ಲಸಿಕೆ ಬೇಡಿಕೆ ಇದೆ. ಆದರೆ, ಮೂರು–ನಾಲ್ಕು ದಿನಗಳಿಗೆ ಒಮ್ಮೆ 5 ಸಾವಿರದಿಂದ 8 ಸಾವಿರದಷ್ಟು ಲಸಿಕೆ ಪೂರೈಕೆಯಾಗುತ್ತಿದೆ.</p>.<p>ಶಿವಮೊಗ್ಗ ಜಿಲ್ಲೆಯ ಹಲವು ಆರೋಗ್ಯ ಕೇಂದ್ರಗಳಲ್ಲೂ ಲಸಿಕೆ ಖಾಲಿಯಾಗಿದೆ ಎಂಬ ನಾಮಫಲಕ ಹಾಕಲಾಗಿದೆ. ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ 100 ಲಸಿಕೆ ಹಂಚಿಕೆಯಾಗುತ್ತಿದ್ದು, ಈಗ 200ಕ್ಕೂ ಹೆಚ್ಚು ಜನ ಲಸಿಕೆ ಪಡೆಯಲು ಬರುತ್ತಿರುವುದರಿಂದ ಲಸಿಕೆ ಪೂರೈಕೆಯಾದ ದಿನವೇ ಖಾಲಿಯಾಗುತ್ತಿವೆ.</p>.<p>ಚಿತ್ರದುರ್ಗ ಜಿಲ್ಲೆಗೆ ಗುರುವಾರ ರಾತ್ರಿ 8,000 ಡೋಸ್ ಪೂರೈಕೆಯಾಗಿತ್ತು. ಬಾಕಿ ಉಳಿದಿದ್ದ 1,580 ಡೋಸ್ಗಳು ಶನಿವಾರ ಬೆಳಿಗ್ಗೆಯೇ ಖಾಲಿಯಾಗಿವೆ ಎಂದು ಆರೋಗ್ಯ ಇಲಾಖೆ ಮೂಲಗಳು ತಿಳಿಸಿವೆ.</p>.<p>ಕಲಬುರ್ಗಿ ಜಿಲ್ಲೆಗೆ ನಿತ್ಯ 20 ಸಾವಿರ ಡೋಸ್ ಲಸಿಕೆ ಅಗತ್ಯವಿದೆ. ‘ಶುಕ್ರವಾರ10 ಸಾವಿರ ಡೋಸ್ ಲಸಿಕೆ ಬಂದಿತ್ತು. ಅದು ಶನಿವಾರದ ವೇಳೆಗೆ ಖಾಲಿಯಾಗಿದೆ’ ಎಂದು ಜಿಲ್ಲಾ ಆರ್ಸಿಎಚ್ಒ ಅಧಿಕಾರಿ ಡಾ.ಪ್ರಭುಲಿಂಗ ಮಾನಕರ ತಿಳಿಸಿದರು.</p>.<p>ಯಾದಗಿರಿ ಜಿಲ್ಲೆಗೆ ಶುಕ್ರವಾರ 5,000 ಕೋವಿಶೀಲ್ಡ್ ಲಸಿಕೆ ಬಂದಿದ್ದು,ಕೊರತೆ ಇಲ್ಲ. ರಾಯಚೂರು ಜಿಲ್ಲೆಯಲ್ಲಿ ಕೋವಿಶಿಲ್ಡ್ ಕೊರತೆ ಇಲ್ಲ. ಕೋವ್ಯಾಕ್ಸಿನ್ ಪೂರೈಕೆ ವಾರದಿಂದ ಸ್ಥಗಿತವಾಗಿದೆ. ಮೊದಲ ಸಲ ಕೋವ್ಯಾಕ್ಸಿನ್ ಪಡೆದವರು, ಎರಡನೇ ಲಸಿಕೆಗೆ ಕಾಯುತ್ತಿದ್ದಾರೆ. ಕೆಲ ಖಾಸಗಿ ಆಸ್ಪತ್ರೆಗಳಲ್ಲಿ ₹ 2 ಸಾವಿರ ದರದಲ್ಲಿ ಕೋವ್ಯಾಕ್ಸಿನ್ ಲಸಿಕೆ ನೀಡಲಾಗುತ್ತಿದೆ. ಬೀದರ್, ಕೊಪ್ಪಳ ಜಿಲ್ಲೆಗಳಲ್ಲಿ ಕೊರತೆಯಾಗಿಲ್ಲ.</p>.<p>ಮಂಡ್ಯ ಜಿಲ್ಲೆಯಲ್ಲಿ ಶುಕ್ರವಾರವೇ ಲಸಿಕೆ ಖಾಲಿಯಾಗಿದೆ. ಕೋವ್ಯಾಕ್ಸಿನ್ ಎರಡು ದಿನಗಳ ಹಿಂದೆಯೇ ಖಾಲಿಯಾಗಿದ್ದು, ಶುಕ್ರವಾರ ಸಂಜೆವರೆಗೆ ಕೋವಿಶೀಲ್ಡ್ ಹಾಕಿದ್ದಾರೆ. ಕಳೆದ ವಾರ ಬಂದಿದ್ದ ಎಂಟು ಸಾವಿರ ಡೋಸ್ ಲಸಿಕೆ ಖಾಲಿಯಾಗಿದ್ದು, ವೈದ್ಯರು ಇನ್ನೂ ಎಂಟು ಸಾವಿರ ಡೋಸ್ ಲಸಿಕೆಯ ನಿರೀಕ್ಷೆಯಲ್ಲಿದ್ದಾರೆ.</p>.<p>ಹಾಸನ ಜಿಲ್ಲೆಯಲ್ಲಿ ಸದ್ಯಕ್ಕೆ 200 ಡೋಸ್ ಕೋವ್ಯಾಕ್ಸಿನ್ ಹಾಗೂ 6,000 ಡೋಸ್ ಕೋವಿಶೀಲ್ಡ್ ಲಸಿಕೆ ಲಭ್ಯವಿದೆ.</p>.<p>ಕೊಡಗು ಜಿಲ್ಲೆಯಲ್ಲಿ 700 ಡೋಸ್ ಕೋವ್ಯಾಕ್ಸಿನ್ ಹಾಗೂ 3,400 ಡೋಸ್ ಕೋವಿಶೀಲ್ಡ್ ಸೇರಿದಂತೆ ಒಟ್ಟು 4,100 ಡೋಸ್ ದಾಸ್ತಾನಿದೆ ಎಂದು ಡಿಎಚ್ಒ ಮೋಹನ್ ತಿಳಿಸಿದ್ದಾರೆ.</p>.<p>ಚಾಮರಾಜನಗರ ಜಿಲ್ಲೆಯಲ್ಲಿ 7,000 ಡೋಸ್ ಲಸಿಕೆ ಲಭ್ಯವಿದೆ.</p>.<p>ಮೈಸೂರು ಜಿಲ್ಲೆಯಲ್ಲಿ ಸದ್ಯಕ್ಕೆ ಲಸಿಕೆ ಕೊರತೆ ಇಲ್ಲ. ಇನ್ನೂ ಮೂರು ದಿನಗಳಿಗಾಗುವಷ್ಟು ಕೋವಿಡ್ ಲಸಿಕೆ ಸಂಗ್ರಹವಿದೆ. ಕೋವಿಶೀಲ್ಡ್ 30 ಸಾವಿರ ಡೋಸ್, ಕೋವ್ಯಾಕ್ಸಿನ್ 7,500 ಡೋಸ್ ಇದೆ ಎಂಬುದಾಗಿ ಜಿಲ್ಲಾ ಕೋವಿಡ್ ಲಸಿಕೆ ಅಧಿಕಾರಿ ಡಾ.ಎಲ್.ರವಿ ತಿಳಿಸಿದ್ದಾರೆ.</p>.<p>ತುಮಕೂರು, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ಲಸಿಕೆ ಕೊರತೆ ಕಾಣಿಸಿಕೊಂಡಿಲ್ಲ. ಚಿಕ್ಕಬಳ್ಳಾಪುರ ಜಿಲ್ಲೆಯ ಸರ್ಕಾರಿ ಆಸ್ಪತ್ರೆಗಳಲ್ಲಿ ಸದ್ಯ 15,390 ಡೋಸ್ ಲಸಿಕೆ ಲಭ್ಯವಿದೆ. ರಾಮನಗರ ಜಿಲ್ಲೆಯಲ್ಲಿ ಶನಿವಾರದ ಅಂತ್ಯಕ್ಕೆ 3950 ಡೋಸೆಜ್ ಲಸಿಕೆ ಮಾತ್ರವೇ ಉಳಿದಿದೆ. ಇದು ಭಾನುವಾರಕ್ಕೆ ಮಾತ್ರ ಸಾಕಾಗಲಿದೆ.</p>.<p><strong>ತಪ್ಪದ ಜನರ ಪರದಾಟ</strong><br />ವಿಜಯಪುರ, ಹಾವೇರಿ, ಉತ್ತರ ಕನ್ನಡ, ಬೆಳಗಾವಿ, ಗದಗ ಜಿಲ್ಲೆಗಳಲ್ಲಿ ಲಸಿಕೆಯ ಕೊರತೆ ತೀವ್ರವಾಗಿದೆ.</p>.<p>ನಿತ್ಯ ಹಾಕಿಕೊಂಡಿರುವ ಗುರಿಯ ಅರ್ಧದಷ್ಟು ಲಸಿಕೆ ಜಿಲ್ಲೆಗಳಲ್ಲಿಲ್ಲ. ಆಯಾ ದಿನ ಬಂದ ಲಸಿಕೆಯು ಅದೇ ದಿನವೇ ಖಾಲಿಯಾಗುತ್ತಿವೆ. ಕೆಲವು ಕೇಂದ್ರಗಳಲ್ಲಿ ಜನರನ್ನು ಲಸಿಕೆ ಬಂದ ನಂತರ ಬರುವಂತೆ ವಾಪಸ್ ಕಳುಹಿಸಲಾಗುತ್ತಿದೆ.</p>.<p>ಹಾವೇರಿ ಜಿಲ್ಲೆಯಲ್ಲಿ ನಿತ್ಯ 12,250 ಮಂದಿಗೆ ಲಸಿಕೆ ಹಾಕುವ ಗುರಿ ಹಾಕಿಕೊಳ್ಳಲಾಗಿದೆ. ಆದರೆ, 4,440 ಲಸಿಕೆ ಮಾತ್ರ ಇವೆ. ಬೆಳಗಾವಿ ಜಿಲ್ಲೆಯಲ್ಲಿ 30 ಸಾವಿರ ಗುರಿ ಇದ್ದರೆ, ಕೇವಲ 7 ಸಾವಿರ ಲಸಿಕೆ ಲಭ್ಯವಿವೆ. ಇದೇ ಪರಿಸ್ಥಿತಿ ಬಹುತೇಕ ಜಿಲ್ಲೆಗಳಲ್ಲಿದೆ. ಲಸಿಕೆ ಇಲ್ಲವೆಂದು ವಾಪಸ್ ಕಳುಹಿಸುತ್ತಿರುವುದರಿಂದ ಕೆಲವು ಕಡೆಗಳಲ್ಲಿ ಜನರು ಹಾಗೂ ಆರೋಗ್ಯ ಇಲಾಖೆ ಸಿಬ್ಬಂದಿ ನಡುವೆ ವಾಗ್ವಾದ ಸಾಮಾನ್ಯವಾಗಿದೆ. ಒಂದೇ ಲಸಿಕೆ ತೆಗೆದುಕೊಂಡವರು, ಎರಡನೇ ಲಸಿಕೆಗಾಗಿ ಪರದಾಡುವಂತಾಗಿವೆ.</p>.<p><strong>ದಕ್ಷಿಣ ಕನ್ನಡ: ಹೆಚ್ಚಿದ ಜನರ ಆಸಕ್ತಿ</strong><br />ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಲಸಿಕೆಗೆ ಕೊರತೆ ಇಲ್ಲ. ಆದರೆ, 18 ವರ್ಷ ಮೇಲಿನವರಿಗೆ ಲಸಿಕೆ ಈಗಲೇ ಆರಂಭವಾಗಿಲ್ಲ. ನಿಗದಿತ ಪ್ರಮಾಣದಲ್ಲಿ ಲಸಿಕೆಗಳು ಜಿಲ್ಲೆಗಳಿಗೆ ಬರುತ್ತಿವೆ. ಆದರೆ, ಜನರ ಆಸಕ್ತಿ ಹೆಚ್ಚಾಗಿರುವುದರಿಂದ ದಟ್ಟಣೆ ಉಂಟಾಗುತ್ತಿದೆ.</p>.<p>ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 3,47,000 ಲಸಿಕೆಗಳು ಬಂದಿದ್ದು, 3,39,297 ಲಸಿಕೆಗಳು ಖರ್ಚಾಗಿವೆ. 7,400 ಲಸಿಕೆಗಳು ಲಭ್ಯವಾಗಿವೆ. ಉಡುಪಿ ಜಿಲ್ಲೆಗೆ ಇದುವರೆಗೂ 2,44,300 ಕೋವಿಡ್ ಲಸಿಕೆಗಳು ಬಂದಿದ್ದು, 2,41,000 ಲಸಿಕೆ ಖರ್ಚಾಗಿದೆ. ಸದ್ಯ 3,300 ಲಸಿಕೆಗಳು ಮಾತ್ರ ಲಭ್ಯವಿದೆ.</p>.<p>ಚಿಕ್ಕಮಗಳೂರು ಜಿಲ್ಲೆಗೆ 12 ದಿನಗಳ ಹಿಂದೆ 18 ಸಾವಿರ ಲಸಿಕೆಗಳು ಪೂರೈಕೆಯಾಗಿದ್ದು, ಸದ್ಯ ಎರಡು ಸಾವಿರ ಲಸಿಕೆಗಳು ಉಳಿದಿವೆ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಉಮೇಶ್ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಲಸಿಕೆ ಕೊರತೆಯಾಗಿದೆ. ಕೆಲವು ಜಿಲ್ಲೆಗಳಲ್ಲಿ ಆಯಾ ದಿನ ಬಂದ ಲಸಿಕೆಯು ಅದೇ ದಿನವೇ ಖಾಲಿಯಾಗುತ್ತಿವೆ. ಬೇಡಿಕೆ ಹೆಚ್ಚಿದಷ್ಟು ಲಸಿಕೆ ಪೂರೈಕೆಯಾಗುತ್ತಿಲ್ಲ ಎನ್ನುವುದು ನಾಗರಿಕರ ದೂರು.</p>.<p>ದಾವಣಗೆರೆ ಜಿಲ್ಲೆಗೆ ಗುರುವಾರ ಸಂಜೆ 8,000 ಕೋವಿಡ್ ಲಸಿಕೆ ಬಂದಿತ್ತು. ಶುಕ್ರವಾರವೇ 7,000 ಲಸಿಕೆ ಖಾಲಿಯಾಗಿತ್ತು. ಬಾಕಿ ಉಳಿದಿದ್ದ ಲಸಿಕೆ ಶನಿವಾರ ಬೆಳಿಗ್ಗೆಯೇ ಖಾಲಿಯಾಗಿವೆ. ದಿನಕ್ಕೆ 13 ಸಾವಿರ ಲಸಿಕೆ ಬೇಡಿಕೆ ಇದೆ. ಆದರೆ, ಮೂರು–ನಾಲ್ಕು ದಿನಗಳಿಗೆ ಒಮ್ಮೆ 5 ಸಾವಿರದಿಂದ 8 ಸಾವಿರದಷ್ಟು ಲಸಿಕೆ ಪೂರೈಕೆಯಾಗುತ್ತಿದೆ.</p>.<p>ಶಿವಮೊಗ್ಗ ಜಿಲ್ಲೆಯ ಹಲವು ಆರೋಗ್ಯ ಕೇಂದ್ರಗಳಲ್ಲೂ ಲಸಿಕೆ ಖಾಲಿಯಾಗಿದೆ ಎಂಬ ನಾಮಫಲಕ ಹಾಕಲಾಗಿದೆ. ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ 100 ಲಸಿಕೆ ಹಂಚಿಕೆಯಾಗುತ್ತಿದ್ದು, ಈಗ 200ಕ್ಕೂ ಹೆಚ್ಚು ಜನ ಲಸಿಕೆ ಪಡೆಯಲು ಬರುತ್ತಿರುವುದರಿಂದ ಲಸಿಕೆ ಪೂರೈಕೆಯಾದ ದಿನವೇ ಖಾಲಿಯಾಗುತ್ತಿವೆ.</p>.<p>ಚಿತ್ರದುರ್ಗ ಜಿಲ್ಲೆಗೆ ಗುರುವಾರ ರಾತ್ರಿ 8,000 ಡೋಸ್ ಪೂರೈಕೆಯಾಗಿತ್ತು. ಬಾಕಿ ಉಳಿದಿದ್ದ 1,580 ಡೋಸ್ಗಳು ಶನಿವಾರ ಬೆಳಿಗ್ಗೆಯೇ ಖಾಲಿಯಾಗಿವೆ ಎಂದು ಆರೋಗ್ಯ ಇಲಾಖೆ ಮೂಲಗಳು ತಿಳಿಸಿವೆ.</p>.<p>ಕಲಬುರ್ಗಿ ಜಿಲ್ಲೆಗೆ ನಿತ್ಯ 20 ಸಾವಿರ ಡೋಸ್ ಲಸಿಕೆ ಅಗತ್ಯವಿದೆ. ‘ಶುಕ್ರವಾರ10 ಸಾವಿರ ಡೋಸ್ ಲಸಿಕೆ ಬಂದಿತ್ತು. ಅದು ಶನಿವಾರದ ವೇಳೆಗೆ ಖಾಲಿಯಾಗಿದೆ’ ಎಂದು ಜಿಲ್ಲಾ ಆರ್ಸಿಎಚ್ಒ ಅಧಿಕಾರಿ ಡಾ.ಪ್ರಭುಲಿಂಗ ಮಾನಕರ ತಿಳಿಸಿದರು.</p>.<p>ಯಾದಗಿರಿ ಜಿಲ್ಲೆಗೆ ಶುಕ್ರವಾರ 5,000 ಕೋವಿಶೀಲ್ಡ್ ಲಸಿಕೆ ಬಂದಿದ್ದು,ಕೊರತೆ ಇಲ್ಲ. ರಾಯಚೂರು ಜಿಲ್ಲೆಯಲ್ಲಿ ಕೋವಿಶಿಲ್ಡ್ ಕೊರತೆ ಇಲ್ಲ. ಕೋವ್ಯಾಕ್ಸಿನ್ ಪೂರೈಕೆ ವಾರದಿಂದ ಸ್ಥಗಿತವಾಗಿದೆ. ಮೊದಲ ಸಲ ಕೋವ್ಯಾಕ್ಸಿನ್ ಪಡೆದವರು, ಎರಡನೇ ಲಸಿಕೆಗೆ ಕಾಯುತ್ತಿದ್ದಾರೆ. ಕೆಲ ಖಾಸಗಿ ಆಸ್ಪತ್ರೆಗಳಲ್ಲಿ ₹ 2 ಸಾವಿರ ದರದಲ್ಲಿ ಕೋವ್ಯಾಕ್ಸಿನ್ ಲಸಿಕೆ ನೀಡಲಾಗುತ್ತಿದೆ. ಬೀದರ್, ಕೊಪ್ಪಳ ಜಿಲ್ಲೆಗಳಲ್ಲಿ ಕೊರತೆಯಾಗಿಲ್ಲ.</p>.<p>ಮಂಡ್ಯ ಜಿಲ್ಲೆಯಲ್ಲಿ ಶುಕ್ರವಾರವೇ ಲಸಿಕೆ ಖಾಲಿಯಾಗಿದೆ. ಕೋವ್ಯಾಕ್ಸಿನ್ ಎರಡು ದಿನಗಳ ಹಿಂದೆಯೇ ಖಾಲಿಯಾಗಿದ್ದು, ಶುಕ್ರವಾರ ಸಂಜೆವರೆಗೆ ಕೋವಿಶೀಲ್ಡ್ ಹಾಕಿದ್ದಾರೆ. ಕಳೆದ ವಾರ ಬಂದಿದ್ದ ಎಂಟು ಸಾವಿರ ಡೋಸ್ ಲಸಿಕೆ ಖಾಲಿಯಾಗಿದ್ದು, ವೈದ್ಯರು ಇನ್ನೂ ಎಂಟು ಸಾವಿರ ಡೋಸ್ ಲಸಿಕೆಯ ನಿರೀಕ್ಷೆಯಲ್ಲಿದ್ದಾರೆ.</p>.<p>ಹಾಸನ ಜಿಲ್ಲೆಯಲ್ಲಿ ಸದ್ಯಕ್ಕೆ 200 ಡೋಸ್ ಕೋವ್ಯಾಕ್ಸಿನ್ ಹಾಗೂ 6,000 ಡೋಸ್ ಕೋವಿಶೀಲ್ಡ್ ಲಸಿಕೆ ಲಭ್ಯವಿದೆ.</p>.<p>ಕೊಡಗು ಜಿಲ್ಲೆಯಲ್ಲಿ 700 ಡೋಸ್ ಕೋವ್ಯಾಕ್ಸಿನ್ ಹಾಗೂ 3,400 ಡೋಸ್ ಕೋವಿಶೀಲ್ಡ್ ಸೇರಿದಂತೆ ಒಟ್ಟು 4,100 ಡೋಸ್ ದಾಸ್ತಾನಿದೆ ಎಂದು ಡಿಎಚ್ಒ ಮೋಹನ್ ತಿಳಿಸಿದ್ದಾರೆ.</p>.<p>ಚಾಮರಾಜನಗರ ಜಿಲ್ಲೆಯಲ್ಲಿ 7,000 ಡೋಸ್ ಲಸಿಕೆ ಲಭ್ಯವಿದೆ.</p>.<p>ಮೈಸೂರು ಜಿಲ್ಲೆಯಲ್ಲಿ ಸದ್ಯಕ್ಕೆ ಲಸಿಕೆ ಕೊರತೆ ಇಲ್ಲ. ಇನ್ನೂ ಮೂರು ದಿನಗಳಿಗಾಗುವಷ್ಟು ಕೋವಿಡ್ ಲಸಿಕೆ ಸಂಗ್ರಹವಿದೆ. ಕೋವಿಶೀಲ್ಡ್ 30 ಸಾವಿರ ಡೋಸ್, ಕೋವ್ಯಾಕ್ಸಿನ್ 7,500 ಡೋಸ್ ಇದೆ ಎಂಬುದಾಗಿ ಜಿಲ್ಲಾ ಕೋವಿಡ್ ಲಸಿಕೆ ಅಧಿಕಾರಿ ಡಾ.ಎಲ್.ರವಿ ತಿಳಿಸಿದ್ದಾರೆ.</p>.<p>ತುಮಕೂರು, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ಲಸಿಕೆ ಕೊರತೆ ಕಾಣಿಸಿಕೊಂಡಿಲ್ಲ. ಚಿಕ್ಕಬಳ್ಳಾಪುರ ಜಿಲ್ಲೆಯ ಸರ್ಕಾರಿ ಆಸ್ಪತ್ರೆಗಳಲ್ಲಿ ಸದ್ಯ 15,390 ಡೋಸ್ ಲಸಿಕೆ ಲಭ್ಯವಿದೆ. ರಾಮನಗರ ಜಿಲ್ಲೆಯಲ್ಲಿ ಶನಿವಾರದ ಅಂತ್ಯಕ್ಕೆ 3950 ಡೋಸೆಜ್ ಲಸಿಕೆ ಮಾತ್ರವೇ ಉಳಿದಿದೆ. ಇದು ಭಾನುವಾರಕ್ಕೆ ಮಾತ್ರ ಸಾಕಾಗಲಿದೆ.</p>.<p><strong>ತಪ್ಪದ ಜನರ ಪರದಾಟ</strong><br />ವಿಜಯಪುರ, ಹಾವೇರಿ, ಉತ್ತರ ಕನ್ನಡ, ಬೆಳಗಾವಿ, ಗದಗ ಜಿಲ್ಲೆಗಳಲ್ಲಿ ಲಸಿಕೆಯ ಕೊರತೆ ತೀವ್ರವಾಗಿದೆ.</p>.<p>ನಿತ್ಯ ಹಾಕಿಕೊಂಡಿರುವ ಗುರಿಯ ಅರ್ಧದಷ್ಟು ಲಸಿಕೆ ಜಿಲ್ಲೆಗಳಲ್ಲಿಲ್ಲ. ಆಯಾ ದಿನ ಬಂದ ಲಸಿಕೆಯು ಅದೇ ದಿನವೇ ಖಾಲಿಯಾಗುತ್ತಿವೆ. ಕೆಲವು ಕೇಂದ್ರಗಳಲ್ಲಿ ಜನರನ್ನು ಲಸಿಕೆ ಬಂದ ನಂತರ ಬರುವಂತೆ ವಾಪಸ್ ಕಳುಹಿಸಲಾಗುತ್ತಿದೆ.</p>.<p>ಹಾವೇರಿ ಜಿಲ್ಲೆಯಲ್ಲಿ ನಿತ್ಯ 12,250 ಮಂದಿಗೆ ಲಸಿಕೆ ಹಾಕುವ ಗುರಿ ಹಾಕಿಕೊಳ್ಳಲಾಗಿದೆ. ಆದರೆ, 4,440 ಲಸಿಕೆ ಮಾತ್ರ ಇವೆ. ಬೆಳಗಾವಿ ಜಿಲ್ಲೆಯಲ್ಲಿ 30 ಸಾವಿರ ಗುರಿ ಇದ್ದರೆ, ಕೇವಲ 7 ಸಾವಿರ ಲಸಿಕೆ ಲಭ್ಯವಿವೆ. ಇದೇ ಪರಿಸ್ಥಿತಿ ಬಹುತೇಕ ಜಿಲ್ಲೆಗಳಲ್ಲಿದೆ. ಲಸಿಕೆ ಇಲ್ಲವೆಂದು ವಾಪಸ್ ಕಳುಹಿಸುತ್ತಿರುವುದರಿಂದ ಕೆಲವು ಕಡೆಗಳಲ್ಲಿ ಜನರು ಹಾಗೂ ಆರೋಗ್ಯ ಇಲಾಖೆ ಸಿಬ್ಬಂದಿ ನಡುವೆ ವಾಗ್ವಾದ ಸಾಮಾನ್ಯವಾಗಿದೆ. ಒಂದೇ ಲಸಿಕೆ ತೆಗೆದುಕೊಂಡವರು, ಎರಡನೇ ಲಸಿಕೆಗಾಗಿ ಪರದಾಡುವಂತಾಗಿವೆ.</p>.<p><strong>ದಕ್ಷಿಣ ಕನ್ನಡ: ಹೆಚ್ಚಿದ ಜನರ ಆಸಕ್ತಿ</strong><br />ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಲಸಿಕೆಗೆ ಕೊರತೆ ಇಲ್ಲ. ಆದರೆ, 18 ವರ್ಷ ಮೇಲಿನವರಿಗೆ ಲಸಿಕೆ ಈಗಲೇ ಆರಂಭವಾಗಿಲ್ಲ. ನಿಗದಿತ ಪ್ರಮಾಣದಲ್ಲಿ ಲಸಿಕೆಗಳು ಜಿಲ್ಲೆಗಳಿಗೆ ಬರುತ್ತಿವೆ. ಆದರೆ, ಜನರ ಆಸಕ್ತಿ ಹೆಚ್ಚಾಗಿರುವುದರಿಂದ ದಟ್ಟಣೆ ಉಂಟಾಗುತ್ತಿದೆ.</p>.<p>ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 3,47,000 ಲಸಿಕೆಗಳು ಬಂದಿದ್ದು, 3,39,297 ಲಸಿಕೆಗಳು ಖರ್ಚಾಗಿವೆ. 7,400 ಲಸಿಕೆಗಳು ಲಭ್ಯವಾಗಿವೆ. ಉಡುಪಿ ಜಿಲ್ಲೆಗೆ ಇದುವರೆಗೂ 2,44,300 ಕೋವಿಡ್ ಲಸಿಕೆಗಳು ಬಂದಿದ್ದು, 2,41,000 ಲಸಿಕೆ ಖರ್ಚಾಗಿದೆ. ಸದ್ಯ 3,300 ಲಸಿಕೆಗಳು ಮಾತ್ರ ಲಭ್ಯವಿದೆ.</p>.<p>ಚಿಕ್ಕಮಗಳೂರು ಜಿಲ್ಲೆಗೆ 12 ದಿನಗಳ ಹಿಂದೆ 18 ಸಾವಿರ ಲಸಿಕೆಗಳು ಪೂರೈಕೆಯಾಗಿದ್ದು, ಸದ್ಯ ಎರಡು ಸಾವಿರ ಲಸಿಕೆಗಳು ಉಳಿದಿವೆ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಉಮೇಶ್ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
