ಅದೊಂದು ಪೊಲೀಸ್ ಠಾಣೆ. ನಿತ್ಯವೂ ಹಲವಾರು ನಾಪತ್ತೆ, ಕಾಣೆಯಾದವರ ಬಗ್ಗೆ ದೂರುಗಳು ಬರುತ್ತವೆ. ಅವರಲ್ಲಿ ಹಲವರನ್ನು ಪತ್ತೆ ಮಾಡಿ, ಪಾಲಕರು, ಸಂಬಂಧಿಕರಿಗೆ ಒಪ್ಪಿಸುವುದು ಪೊಲೀಸರ ಕೆಲಸ. ಆದರೆ, ಹೀಗೆ ಪತ್ತೆಯಾದ ಮಹಿಳೆ ಯೊಬ್ಬರಿಗೆ ಅದೇ ಪೊಲೀಸ್ ಠಾಣೆ ಯಲ್ಲಿ 40 ವರ್ಷಗಳಿಂದ ಆಶ್ರಯ ನೀಡಲಾಗಿದೆ.
60 ವರ್ಷದ ಹೊನ್ನಮ್ಮ ನಗರದ ಬಂದರು (ಮಂಗಳೂರು ಉತ್ತರ) ಠಾಣೆಯಲ್ಲಿ 40 ವರ್ಷಗಳಿಂದ ವಾಸವಾಗಿದ್ದಾರೆ. ಅವರಿಗೆ ಠಾಣೆಯೇ ಮನೆ. ಅವರ ಎಲ್ಲ ದಾಖಲೆಗಳ ವಿಳಾಸವೂ ಬಂದರು ಠಾಣೆಯೇ ಆಗಿದೆ.
