ಶಾಂತಿ ಸ್ಥಾಪನೆ: ಯೋಜನೆ ಹಂಚಿಕೊಂಡ ರಷ್ಯಾ, ಉಕ್ರೇನ್‌

ಇಸ್ತಾಂಬುಲ್: ಮೂರು ವರ್ಷಗಳಿಂದ ನಡೆಯುತ್ತಿರುವ ಯುದ್ಧವನ್ನು ಕೊನೆಗಾಣಿಸಿ ಶಾಂತಿ ಸ್ಥಾಪಿಸುವ ಸಂಬಂಧದ ಯೋಜನೆಗಳನ್ನು ರಷ್ಯಾ ಮತ್ತು ಉಕ್ರೇನ್ ಇಲ್ಲಿ ನಡೆದ ನೇರ ಮಾತುಕತೆಯಲ್ಲಿ ಸೋಮವಾರ ಪರಸ್ಪರ ವಿನಿಮಯ ಮಾಡಿಕೊಂಡಿವೆ.

. 2022ರ ಫೆಬ್ರುವರಿಯಿಂದ ಎರಡೂ ದೇಶಗಳ ಮಧ್ಯೆ ಯುದ್ಧ ನಡೆಯುತ್ತಿದೆ. ಎರಡನೇ ವಿಶ್ವ ಯುದ್ಧದ ಬಳಿಕ ಯುರೋಪ್ನಲ್ಲಿ ನಡೆಯುತ್ತಿರುವ ಅತಿದೊಡ್ಡ ಸಂಘರ್ಷ ಇದಾಗಿದೆ.

. ಶಾಂತಿ ಸ್ಥಾಪನೆಗಾಗಿ ಮಾತುಕತೆ ನಡೆಸುವಂತೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಉಭಯ ರಾಷ್ಟ್ರಗಳನ್ನು ಒತ್ತಾಯಿಸಿದ್ದರು. ಆ ಬಳಿಕ ಮಾಸ್ಕೋ ಮತ್ತು ಕೀವ್ ನೇರ ಮಾತುಕತೆಗೆ ತೆರೆದುಕೊಂಡಿವೆ. ಆದರೆ ಇನ್ನೂ ನಿರ್ಣಾಯಕ ಪ್ರಗತಿ ಸಾಧಿಸಿಲ್ಲ.

. ಹಲವು ಸಾವಿರ ಕಿಲೋಮೀಟರ್ ದೂರದಲ್ಲಿನ ರಷ್ಯಾದ ವಾಯುನೆಲೆಗಳಲ್ಲಿ ನಿಲುಗಡೆ ಮಾಡಿದ್ದ ಯುದ್ಧ ವಿಮಾನಗಳ ಮೇಲೆ ಡ್ರೋನ್ ಮೂಲಕ ದಾಳಿಮಾಡಿದ್ದ ಉಕ್ರೇನ್, ಅಪಾರ ಹಾನಿ ಮಾಡಿತ್ತು. ಅದರ ಬೆನ್ನಲ್ಲೇ ಎರಡೂ ದೇಶಗಳ ಮಧ್ಯೆ ಶಾಂತಿಗಾಗಿ ಮಾತುಕತೆ ನಡೆದಿದೆ.

. ಎರಡೂ ರಾಷ್ಟ್ರಗಳ ಮಧ್ಯೆ ಕಳೆದ ತಿಂಗಳು ಮೊದಲ ಸುತ್ತಿನ ಮಾತುಕತೆ ನಡೆದಿತ್ತು. ಆ ಬಳಿಕ ದೊಡ್ಡ ಪ್ರಮಾಣದಲ್ಲಿ ಯುದ್ಧ ಕೈದಿಗಳ ವಿನಿಮಯ ನಡೆದಿತ್ತು. ಆದರೆ, ಉಭಯ ದೇಶಗಳ ನಡುವಿನ ಸಂಘರ್ಷ ಮುಂದುವರಿದಿತ್ತು.

. ಸೋಮವಾರ ಇಸ್ತಾಂಬುಲ್ನಲ್ಲಿ ಮಾತುಕತೆ ಮುಕ್ತಾಯವಾದ ಬಳಿಕ ವಿಲಿನಿಯಸ್ ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ, ‘ಟರ್ಕಿಯ ಮೂಲಕ ನಮ್ಮ ಯೋಜನೆಯನ್ನು ಹಂಚಿಕೊಂಡಿದ್ದೇವೆ. ಮತ್ತೊಂದು ಸುತ್ತಿನ ಯುದ್ಧ ಕೈದಿಗಳ ಬಿಡುಗಡೆಗೆ ನಾವು ಸಜ್ಜಾಗುತ್ತಿದ್ದೇವೆ’ ಎಂದರು.

. ‘ಶಾಂತಿ ಸ್ಥಾಪನೆಗೆ ಅಗತ್ಯ ಕ್ರಮ ಕೈಗೊಳ್ಳಲು ನಾವು ಸಿದ್ಧರಿದ್ದೇವೆ. ಶಾಂತಿ ಸ್ಥಾಪನೆಗೆ ಸಂಬಂಧಿಸಿದಂತೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ಯಾವ ಕೀರ್ತಿಯೂ ಸಲ್ಲಬಾರದು. ಆತ ಒಬ್ಬ ಆಕ್ರಮಣಕಾರ’ ಎಂದು ಹೇಳಿದರು.

. ಯಾವುದೇ ಷರತ್ತುಗಳಿಲ್ಲದ ಸಂಪೂರ್ಣ ಕದನ ವಿರಾಮ ಘೋಷಣೆಯಾದರೆ ಮಾತ್ರ ಮುಂದಿನ ದೀರ್ಘಾವಧಿಯ ಮಾತುಕತೆಗೆ ತಾನು ಸಿದ್ಧ ಎಂದು ಉಕ್ರೇನ್ ಹೇಳಿದೆ. ರಷ್ಯಾ ಈ ಬೇಡಿಕೆಯನ್ನು ನಿರಂತರವಾಗಿ ತಳ್ಳಿಹಾಕುತ್ತಾ ಬಂದಿದೆ.

. ‘ಸಂಘರ್ಷದ ಮೂಲ ಕಾರಣಕ್ಕೆ ಪರಿಹಾರ ಬೇಕಿದೆ. ಉಕ್ರೇನ್ ಸೇನೆಗೆ ನಿಯಂತ್ರಣ ಹೇರಬೇಕು. ಆ ರಾಷ್ಟ್ರವು ನ್ಯಾಟೊ ಒಕ್ಕೂಟ ಸೇರದಂತೆ ನಿರ್ಬಂಧ ಹೇರಬೇಕು. ಉಕ್ರೇನ್ನ ಭೌಗೋಳಿಕ ವ್ಯಾಪ್ತಿಗೆ ಗಣನೀಯವಾಗಿ ಮಿತಿ ಹೇರಬೇಕು’ ಎಂಬ ಬೇಡಿಕೆಗಳನ್ನು ರಷ್ಯಾ ಮುಂದಿಟ್ಟಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಾಂತಿ ಸ್ಥಾಪನೆ: ಯೋಜನೆ ಹಂಚಿಕೊಂಡ ರಷ್ಯಾ, ಉಕ್ರೇನ್‌

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 23 ಶನಿವಾರ 2025

ಚುರುಮುರಿ: ಥೀಸೀಸ್‌ ತರಲೆ!

ವಿಜಯಪುರ: ಎತ್ತುಗಳ ಮೈ ತೊಳೆಯಲು ಹೋದ ರೈತನ ಎಳೆದೊಯ್ದ ಮೊಸಳೆ

ಅಕ್ರಮ ಬೆಟ್ಟಿಂಗ್‌ ಕಂಪನಿ: ಚಿತ್ರದುರ್ಗ ಶಾಸಕ ವೀರೇಂದ್ರ ಪಪ್ಪಿ ಬಂಧಿಸಿದ ಇ.ಡಿ

ಮಹಾರಾಜ ಟ್ರೋಫಿ: ಹುಬ್ಬಳ್ಳಿ ಪ್ಲೇಆಫ್‌ಗೆ.. ಮೈಸೂರು ಹೊರಕ್ಕೆ!

ಡುರಾಂಡ್‌ ಫುಟ್‌ಬಾಲ್‌ ಕಪ್‌: ನಾರ್ತ್‌ಈಸ್ಟ್‌ ಯುನೈಟೆಡ್‌ ತಂಡಕ್ಕೆ ಕಿರೀಟ

ಅಥ್ಲೆಟಿಕ್ಸ್: ತುಷಾರ್‌ಗೆ ಬೆಳ್ಳಿ

ಏಷ್ಯನ್‌ ಶೂಟಿಂಗ್‌ ಚಾಂಪಿಯನ್‌ಷಿಪ್‌: ಬಬುತಾ–ಇಳವೆನಿಲ್‌ ಜೋಡಿಗೆ ಚಿನ್ನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 23 ಶನಿವಾರ 2025

ಚುರುಮುರಿ: ಥೀಸೀಸ್‌ ತರಲೆ!

ವಿಜಯಪುರ: ಎತ್ತುಗಳ ಮೈ ತೊಳೆಯಲು ಹೋದ ರೈತನ ಎಳೆದೊಯ್ದ ಮೊಸಳೆ

ಅಕ್ರಮ ಬೆಟ್ಟಿಂಗ್‌ ಕಂಪನಿ: ಚಿತ್ರದುರ್ಗ ಶಾಸಕ ವೀರೇಂದ್ರ ಪಪ್ಪಿ ಬಂಧಿಸಿದ ಇ.ಡಿ