PHOTOS: ಬೆಂಗಳೂರಿನ ಕಮಲಾನಗರದಲ್ಲಿ ಕುಸಿಯುವ ಹಂತದಲ್ಲಿದ್ದ ಕಟ್ಟಡ ನೆಲಸಮ

ಹೊಸಪೇಟೆ (ವಿಜಯನಗರ): ಸ್ವಾತಂತ್ರ್ಯ ಅಮೃತ ಮಹೋತ್ಸವ ಹಾಗೂ ನೂರು ಕೋಟಿ ಜನರಿಗೆ ಕೋವಿಡ್ ಲಸಿಕೆ ನೀಡಿದ ಪ್ರಯುಕ್ತ ಇಲ್ಲಿನ ವಿಶ್ವಪ್ರಸಿದ್ಧ ಹಂಪಿ ಸ್ಮಾರಕಗಳಿಗೆ ತ್ರಿವರ್ಣ ಧ್ವಜ ಹೋಲುವ ವಿದ್ಯುತ್ ದೀಪಗಳಿಂದ ಅಲಂಕರಿಸಲಾಗಿದೆ. ಹಂಪಿ ಕಲ್ಲಿನ ರಥ, ವಿಜಯ ವಿಠಲ ದೇವಸ್ಥಾನ, ಕಲ್ಲಿನ ರಥ, ಆನೆ ಸಾಲು ಮಂಟಪ ಸ್ಮಾರಕಗಳಿಗೆ ಅಲಂಕಾರ ಮಾಡಲಾಗಿದ್ದು ಎಲ್ಲರ ಗಮನ ಸೆಳೆಯುತ್ತಿವೆ.  

ಕಲಬುರ್ಗಿ ಜಿಲ್ಲೆಯ ಚಿಂಚೋಳಿ ತಾಲ್ಲೂಕಿನ ಗಡಿಕೇಶ್ವಾರ ಗ್ರಾಮದಲ್ಲಿ ಮಂಗಳವಾರ ಮತ್ತೆ ಭೂಕಂಪನ ಸಂಭವಿಸಿದ್ದು, ಜನರು ಊರು ತೊರೆದಿದ್ದಾರೆ. ಮನೆಗಳಿಗೆ ಕೀಲಿ ಹಾಕಿದ್ದು, ರಸ್ತೆಗಳು ಬಿಕೋ ಎನ್ನುತ್ತಿವೆ. 10ಕ್ಕೂ ಹೆಚ್ಚು ಮನೆಗಳ ಗೋಡೆ ಕುಸಿದು ಹಾನಿ ಸಂಭವಿಸಿದೆ. ಗ್ರಾಮದ ಬಾಣಂತಿಯರು ತಮ್ಮ ಪುಟ್ಟ ಮಕ್ಕಳೊಂದಿಗೆ ಜೀವಭಯದಲ್ಲೇ ಬದುಕುವಂತಾಗಿದೆ. ಹಲವು ಮನೆಗಳಿಗೆ ಪರಸಿಗಳನ್ನೇ ಹೆಂಚುಗಳ ಮಾದರಿಯಲ್ಲಿ ಬಳಸಿದ್ದರಿಂದ ಈ ಗ್ರಾಮದಲ್ಲಿ ಭೂಕಂಪ ಉಂಟಾದಾಗ ಜನರಲ್ಲಿ ಹೆಚ್ಚು ಭಯ ಮೂಡುತ್ತದೆ. ಹಲವು ಜನ ಮಂಗಳವಾರ ಟ್ರ್ಯಾಕ್ಟರ್‌, ಬಸ್‌, ಲಾರಿಗಳಲ್ಲಿ ಹತ್ತಿ ಸುರಕ್ಷಿತ ಸ್ಥಳಗಳಿಗೆ ತೆರಳಿದರು. -ಪ್ರಜಾವಾಣಿ ಚಿತ್ರಗಳು : ತಾಜುದ್ಧೀನ್ ಆಜಾದ್

ಚಿಂಚೋಳಿ (ಕಲಬುರಗಿ ಜಿಲ್ಲೆ): ಚಿಂಚೋಳಿ ತಾಲ್ಲೂಕಿನ ವಿವಿಧೆಡೆ ಮಂಗಳವಾರ ಬೆಳಿಗ್ಗೆ ಮತ್ತೆ ಎರಡು ಬಾರಿ ಭೂಕಂಪನವಾಗಿದೆ. ಇದೂ ಸೇರಿದಂತೆ ಒಂದು ವಾರದಲ್ಲಿ ಏಳು ಬಾರಿ ಭೂಮಿ ಕಂಪಿಸಿದೆ. ಪರಿಣಾಮ, ಗಡಿಕೇಶ್ವಾರ ಗ್ರಾಮದಲ್ಲಿ 10ಕ್ಕೂ ಹೆಚ್ಚು ಮನೆಗಳ ಗೋಡೆಗಳು ಬಿರುಕು ಬಿಟ್ಟಿವೆ.

ಧಾರವಾಡದ ಇಬ್ಬನಿ ನೋಡಲು ಬಹಳ ಸುಂದರ. ಈ ವಾರದಲ್ಲಿ ಮೂರನೇ ಬಾರಿ ಇಷ್ಟು ದಟ್ಟವಾದ ಇಬ್ಬನಿ ಬಿದ್ದಿದೆ.  ಇಬ್ಬನಿ ಸಮಯದಲ್ಲಿ ಸೂರ್ಯೋದಯ ನೋಡುವುದೇ ಒಂದು ಚಂದ. ರೈಲು ಇಬ್ಬನಿ ಮಧ್ಯದಲ್ಲಿ ಹೋಗುವುದು,  ಜೇಡರಬಲೆ ಮೇಲೆ ಇಬ್ಬನಿ ಹನಿಗಳು ಮುತ್ತಿನ ಸರ ಕಂಡ ಹಾಗಿರುತ್ತವೆ. –ಪ್ರಜಾವಾಣಿ ಚಿತ್ರಗಳು/ಬಿ.ಎಂ. ಕೇದಾರನಾಥ