ಮೊದಲ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್‌ ಎದುರು ಬೃಹತ್‌ ಮೊತ್ತ (286 ರನ್‌) ಕಲೆಹಾಕಿ ಗೆದ್ದಿದ್ದ ಎಸ್‌ಆರ್‌ಎಚ್‌ಗೆ ಇದು ಸತತ ಎರಡನೇ ಸೋಲು. ಎರಡನೇ ಪಂದ್ಯದಲ್ಲಿ ಲಖನೌ ಸೂಪರ್‌ ಜೈಂಟ್ಸ್‌ (ಎಲ್‌ಎಸ್‌ಜಿ) ಎದುರು 7 ವಿಕೆಟ್‌ಗಳಿಂದ ಸೋತಿದ್ದ ಈ ತಂಡ, ಇದೀಗ 7 ವಿಕೆಟ್‌ಗಳ ಸೋಲು ಅನುಭವಿಸಿದೆ. ಮೂರೂ ಪಂದ್ಯಗಳು ಹೈದರಾಬಾದ್‌ನಲ್ಲೇ ನಡೆದಿರುವುದು ವಿಶೇಷ.
ಜಯದ ಓಟ ಮುಂದುವರಿಸಿದ ಡೆಲ್ಲಿ
ಡೆಲ್ಲಿ ತಂಡ ಟೂರ್ನಿಯಲ್ಲಿ ಆಡಿರುವ ಎರಡೂ ಪಂದ್ಯಗಳಲ್ಲಿ ಜಯ ಸಾಧಿಸಿದೆ. ಮೊದಲ ಪಂದ್ಯದಲ್ಲಿ ಎಲ್‌ಎಸ್‌ಜಿ ಎದುರು 1 ವಿಕೆಟ್ ಅಂತರದಿಂದ ಗೆದ್ದಿತ್ತು. ಹೀಗಾಗಿ, ಪಾಯಿಂಟ್‌ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೇರಿದೆ. ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡ ಮೊದಲ ಸ್ಥಾನದಲ್ಲಿದೆ.
