<p><strong>ಬೆಂಗಳೂರು: </strong>ಮಹಿಳಾ ಕ್ರಿಕೆಟ್ನಲ್ಲಿ ಅಂಬೆಗಾಲಿಡುತ್ತಿರುವ ಮೇಘಾಲಯ ತಂಡ ಬಿಸಿಸಿಐ 23 ವರ್ಷದೊಳಗಿನವರ ಟ್ವೆಂಟಿ–20 ಟ್ರೋಫಿ ಕ್ರಿಕೆಟ್ ಟೂರ್ನಿಯ ಕರ್ನಾಟಕ ಎದುರಿನ ಪಂದ್ಯದಲ್ಲಿ ಮಂಗಳವಾರ 20 ಓವರ್ಗಳನ್ನು ಆಡಿತು. ಆದರೆ ಗಳಿಸಿದ್ದು ಕೇವಲ 25 ರನ್!</p>.<p>ಈ ಪೈಕಿ ಕರ್ನಾಟಕ ತಂಡ ನೀಡಿದ ಇತರೆ ರನ್ಗಳೇ ಒಂಬತ್ತು.</p>.<p>ಆರ್ಎಸ್ಐ ಮೈದಾನದಲ್ಲಿ ನಡೆದ ಈ ಹಣಾಹಣಿಯಲ್ಲಿ ಸಿ.ಪ್ರತ್ಯೂಷಾ ಸಾರಥ್ಯದ ಆತಿಥೇಯ ತಂಡ 10 ವಿಕೆಟ್ಗಳಿಂದ ಜಯಭೇರಿ ಮೊಳಗಿಸಿತು.</p>.<p>ಮೊದಲು ಬ್ಯಾಟ್ ಮಾಡಿದ ಮೇಘಾಲಯ ತಂಡ ಖಾತೆ ತೆರೆಯುವ ಮುನ್ನವೇ ವಿಕೆಟ್ ಕಳೆದುಕೊಂಡಿತು. ಮೋನಿಕಾ ಸಿ.ಪಟೇಲ್ ಹಾಕಿದ ಮೊದಲ ಓವರ್ನ ಮೊದಲ ಎಸೆತದಲ್ಲೇ ಲೂಯಿಜಾ ಜೇಮ್ಸ್ ತಮಂಗ್ ಬೌಲ್ಡ್ ಆದರು.</p>.<p>ನಂತರ ರಜಿಯಾ ಫರಿದಾ ಅಹಮದ್ (3; 42ಎ) ಮತ್ತು ನೇಹಾ ಹರಿಪಾದ ಹಾಜೊಂಗ್ (6; 18ಎ) ತಾಳ್ಮೆಯ ಆಟ ಆಡಿದರು. ಈ ಜೋಡಿ ಎರಡನೇ ವಿಕೆಟ್ಗೆ 10ರನ್ ಕಲೆಹಾಕಿತು. 7ನೇ ಓವರ್ನಲ್ಲಿ ನೇಹಾ, ಸಹನಾ ಪವಾರ್ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಪ್ರವಾಸಿ ಪಡೆ ಕುಸಿತದ ಹಾದಿ ಹಿಡಿಯಿತು.</p>.<p>ಮೇಘಾಲಯ ತಂಡದ ಇನಿಂಗ್ಸ್ನಲ್ಲಿ ಮೂಡಿಬಂದಿದ್ದು ಕೇವಲ ಒಂದು ಬೌಂಡರಿ. ಅದನ್ನು ಗಳಿಸಿದ್ದು ವಿಕೆಟ್ ಕೀಪರ್ ಬನರಿಷಾ ವಹಲಾಂಗ್ (5; 18ಎ).</p>.<p>14.1 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 20ರನ್ ಗಳಿಸಿದ್ದ ಈ ತಂಡ ಬೇಗನೆ ಆಲೌಟ್ ಆಗಬಹುದೆಂದು ನಿರೀಕ್ಷಿಸಲಾಗಿತ್ತು. ಆದರೆ ಸುರಿತಿ ಕುಮಾರಿ ರೇ ಇದಕ್ಕೆ ಅವಕಾಶ ನೀಡಲಿಲ್ಲ. 20 ಎಸೆತಗಳನ್ನು ಆಡಿದ ಅವರು ಒಂದು ರನ್ ಗಳಿಸಿ ಅಜೇಯವಾಗುಳಿದರು.</p>.<p>ಕರ್ನಾಟಕ ಪರ ಶ್ರೇಯಾಂಕ ಪಾಟೀಲ, ಯಶಸ್ವಿ ಬೌಲರ್ ಎನಿಸಿದರು. ನಾಲ್ಕು ಓವರ್ ಬೌಲ್ ಮಾಡಿದ ಅವರು ಕೇವಲ ಎರಡು ರನ್ ಬಿಟ್ಟುಕೊಟ್ಟು ಮೂರು ವಿಕೆಟ್ ಉರುಳಿಸಿದರು.</p>.<p>ಸುಲಭ ಗುರಿಯನ್ನು ಕರ್ನಾಟಕ ತಂಡ 3.4 ಓವರ್ಗಳಲ್ಲಿ ವಿಕೆಟ್ ಕಳೆದುಕೊಳ್ಳದೆ ಮುಟ್ಟಿತು. ಶುಭಾ ಸತೀಶ್ (23; 19ಎ, 3ಬೌಂ) ಮಿಂಚಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಮೇಘಾಲಯ; </strong>20 ಓವರ್ಗಳಲ್ಲಿ 6 ವಿಕೆಟ್ಗೆ 25 (ರಜಿಯಾ ಫರೀದಾ ಅಹಮದ್ 3, ನೇಹಾ ಹಾಜೊಂಗ್ 6, ಬನರಿಷಾ ವಹಲಾಂಗ್ 5; ಮೋನಿಕಾ ಸಿ.ಪಟೇಲ್ 5ಕ್ಕೆ1, ಸಹನಾ ಪವಾರ್ 0ಕ್ಕೆ1, ಸಿ.ಪ್ರತ್ಯೂಷಾ 9ಕ್ಕೆ1, ಶ್ರೇಯಾಂಕ ಪಾಟೀಲ 2ಕ್ಕೆ3).</p>.<p><strong>ಕರ್ನಾಟಕ:</strong> 3.4 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 29 (ಶುಭಾ ಸತೀಶ್ ಔಟಾಗದೆ 23, ಕೆ.ಪ್ರತ್ಯೂಷಾ ಔಟಾಗದೆ 2).</p>.<p><strong>ಫಲಿತಾಂಶ:</strong> ಕರ್ನಾಟಕ ತಂಡಕ್ಕೆ 10 ವಿಕೆಟ್ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಮಹಿಳಾ ಕ್ರಿಕೆಟ್ನಲ್ಲಿ ಅಂಬೆಗಾಲಿಡುತ್ತಿರುವ ಮೇಘಾಲಯ ತಂಡ ಬಿಸಿಸಿಐ 23 ವರ್ಷದೊಳಗಿನವರ ಟ್ವೆಂಟಿ–20 ಟ್ರೋಫಿ ಕ್ರಿಕೆಟ್ ಟೂರ್ನಿಯ ಕರ್ನಾಟಕ ಎದುರಿನ ಪಂದ್ಯದಲ್ಲಿ ಮಂಗಳವಾರ 20 ಓವರ್ಗಳನ್ನು ಆಡಿತು. ಆದರೆ ಗಳಿಸಿದ್ದು ಕೇವಲ 25 ರನ್!</p>.<p>ಈ ಪೈಕಿ ಕರ್ನಾಟಕ ತಂಡ ನೀಡಿದ ಇತರೆ ರನ್ಗಳೇ ಒಂಬತ್ತು.</p>.<p>ಆರ್ಎಸ್ಐ ಮೈದಾನದಲ್ಲಿ ನಡೆದ ಈ ಹಣಾಹಣಿಯಲ್ಲಿ ಸಿ.ಪ್ರತ್ಯೂಷಾ ಸಾರಥ್ಯದ ಆತಿಥೇಯ ತಂಡ 10 ವಿಕೆಟ್ಗಳಿಂದ ಜಯಭೇರಿ ಮೊಳಗಿಸಿತು.</p>.<p>ಮೊದಲು ಬ್ಯಾಟ್ ಮಾಡಿದ ಮೇಘಾಲಯ ತಂಡ ಖಾತೆ ತೆರೆಯುವ ಮುನ್ನವೇ ವಿಕೆಟ್ ಕಳೆದುಕೊಂಡಿತು. ಮೋನಿಕಾ ಸಿ.ಪಟೇಲ್ ಹಾಕಿದ ಮೊದಲ ಓವರ್ನ ಮೊದಲ ಎಸೆತದಲ್ಲೇ ಲೂಯಿಜಾ ಜೇಮ್ಸ್ ತಮಂಗ್ ಬೌಲ್ಡ್ ಆದರು.</p>.<p>ನಂತರ ರಜಿಯಾ ಫರಿದಾ ಅಹಮದ್ (3; 42ಎ) ಮತ್ತು ನೇಹಾ ಹರಿಪಾದ ಹಾಜೊಂಗ್ (6; 18ಎ) ತಾಳ್ಮೆಯ ಆಟ ಆಡಿದರು. ಈ ಜೋಡಿ ಎರಡನೇ ವಿಕೆಟ್ಗೆ 10ರನ್ ಕಲೆಹಾಕಿತು. 7ನೇ ಓವರ್ನಲ್ಲಿ ನೇಹಾ, ಸಹನಾ ಪವಾರ್ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಪ್ರವಾಸಿ ಪಡೆ ಕುಸಿತದ ಹಾದಿ ಹಿಡಿಯಿತು.</p>.<p>ಮೇಘಾಲಯ ತಂಡದ ಇನಿಂಗ್ಸ್ನಲ್ಲಿ ಮೂಡಿಬಂದಿದ್ದು ಕೇವಲ ಒಂದು ಬೌಂಡರಿ. ಅದನ್ನು ಗಳಿಸಿದ್ದು ವಿಕೆಟ್ ಕೀಪರ್ ಬನರಿಷಾ ವಹಲಾಂಗ್ (5; 18ಎ).</p>.<p>14.1 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 20ರನ್ ಗಳಿಸಿದ್ದ ಈ ತಂಡ ಬೇಗನೆ ಆಲೌಟ್ ಆಗಬಹುದೆಂದು ನಿರೀಕ್ಷಿಸಲಾಗಿತ್ತು. ಆದರೆ ಸುರಿತಿ ಕುಮಾರಿ ರೇ ಇದಕ್ಕೆ ಅವಕಾಶ ನೀಡಲಿಲ್ಲ. 20 ಎಸೆತಗಳನ್ನು ಆಡಿದ ಅವರು ಒಂದು ರನ್ ಗಳಿಸಿ ಅಜೇಯವಾಗುಳಿದರು.</p>.<p>ಕರ್ನಾಟಕ ಪರ ಶ್ರೇಯಾಂಕ ಪಾಟೀಲ, ಯಶಸ್ವಿ ಬೌಲರ್ ಎನಿಸಿದರು. ನಾಲ್ಕು ಓವರ್ ಬೌಲ್ ಮಾಡಿದ ಅವರು ಕೇವಲ ಎರಡು ರನ್ ಬಿಟ್ಟುಕೊಟ್ಟು ಮೂರು ವಿಕೆಟ್ ಉರುಳಿಸಿದರು.</p>.<p>ಸುಲಭ ಗುರಿಯನ್ನು ಕರ್ನಾಟಕ ತಂಡ 3.4 ಓವರ್ಗಳಲ್ಲಿ ವಿಕೆಟ್ ಕಳೆದುಕೊಳ್ಳದೆ ಮುಟ್ಟಿತು. ಶುಭಾ ಸತೀಶ್ (23; 19ಎ, 3ಬೌಂ) ಮಿಂಚಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಮೇಘಾಲಯ; </strong>20 ಓವರ್ಗಳಲ್ಲಿ 6 ವಿಕೆಟ್ಗೆ 25 (ರಜಿಯಾ ಫರೀದಾ ಅಹಮದ್ 3, ನೇಹಾ ಹಾಜೊಂಗ್ 6, ಬನರಿಷಾ ವಹಲಾಂಗ್ 5; ಮೋನಿಕಾ ಸಿ.ಪಟೇಲ್ 5ಕ್ಕೆ1, ಸಹನಾ ಪವಾರ್ 0ಕ್ಕೆ1, ಸಿ.ಪ್ರತ್ಯೂಷಾ 9ಕ್ಕೆ1, ಶ್ರೇಯಾಂಕ ಪಾಟೀಲ 2ಕ್ಕೆ3).</p>.<p><strong>ಕರ್ನಾಟಕ:</strong> 3.4 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 29 (ಶುಭಾ ಸತೀಶ್ ಔಟಾಗದೆ 23, ಕೆ.ಪ್ರತ್ಯೂಷಾ ಔಟಾಗದೆ 2).</p>.<p><strong>ಫಲಿತಾಂಶ:</strong> ಕರ್ನಾಟಕ ತಂಡಕ್ಕೆ 10 ವಿಕೆಟ್ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
