VIDEO | ಅಮೆರಿಕನ್ ಡಾಲರ್‌ ನೋಟಿನಿಂದ ಬೆವರು ಒರೆಸಿಕೊಂಡ ಪಾಕಿಸ್ತಾನದ ಕ್ರಿಕೆಟಿಗ!

ವಿಡಿಯೊದಲ್ಲಿ ಆಜಂ ಖಾನ್ ಅವರನ್ನು ಮಾತ್ರ ಕಾಣಬಹುದಾಗಿದೆ.

ಏನಾಗುತ್ತಿದೆ ಎಂದು ಬಾಬರ್ ಕೇಳಿದ್ದಾರೆ. ಇದಕ್ಕೆ ಉತ್ತರಿಸುವ ಆಜಂ ಭಾರಿ ಸೆಖೆ ಇದೆ ಎಂದು ಹೇಳುತ್ತಾ ನೋಟಿನಿಂದ ಹಣೆ ಒರೆಸಿಕೊಳ್ಳುತ್ತಾರೆ. ಉಳಿದವರು ಈ ವೇಳೆ ನಗಾಡುತ್ತಾರೆ. ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ 8 ಸೆಕೆಂಡ್‌ನ ವಿಡಿಯೊದಲ್ಲಿ ಇವಿಷ್ಟು ದಾಖಲಾಗಿವೆ.

‘ಪಾಕಿಸ್ತಾನದ ಕ್ರೀಡಾ ಇತಿಹಾಸದಲ್ಲಿ ಅಪರೂಪದ ಕೆಲವರನ್ನು ಹೊರತುಪಡಿಸಿ, ಯಾರಿಗೂ ಯಾವುದೇ ರೀತಿಯ ವರ್ಚಸ್ಸು, ಪ್ರಭಾವ ಇಲ್ಲ. ಈ ಚಿಕ್ಕ ಮಗುವಿಗೆ ಯಾರೂ ಮಾದರಿಯಿಲ್ಲ. ಹತಾಶೆಯಾಗಿದೆ' ಎಂದು ಸಾಮಾಜಿಕ ಜಾಲತಾಣದಲ್ಲಿ ಬಳಕೆದಾರರೊಬ್ಬರು ಆಕ್ರೋಶ ಹೊರಹಾಕಿದ್ದಾರೆ.

ಅಂತರರಾಷ್ಟ್ರೀಯ ವೇದಿಕೆಗೆ ಕಳುಹಿಸುವ ಮುನ್ನ ಸಾಮಾನ್ಯ ವಿವೇಚನೆ ಪಡೆಯಲು ಶಾಲೆಗೆ ಕಳುಹಿಸಿ ಎಂದು ಇನ್ನೊಬ್ಬ ಬಳಕೆದಾರರು ಕೋಪೋದ್ರಿಕ್ತರಾಗಿ ನುಡಿದಿದ್ದಾರೆ.