ಫೋರ್ಬ್ಸ್‌ ನಿಯತಕಾಲಿಕೆಯು ಮಂಗಳವಾರ ಪ್ರಕಟಿಸಿರುವ ವರ್ಷದ ಅತಿ ಹೆಚ್ಚು ಆದಾಯ ಗಳಿಸಿದ ಹತ್ತು ಫುಟ್‌ಬಾಲ್ ಆಟಗಾರರ ಪಟ್ಟಿಯಲ್ಲಿ ಮೆಸ್ಸಿ ಅಗ್ರಸ್ಥಾನದಲ್ಲಿದ್ದಾರೆ. ಕ್ಲಬ್‌ಗಳ ಆಟಗಾರರಲ್ಲಿ ಹೆಚ್ಚು ಆದಾಯ ಗಳಿಸುತ್ತಿರುವವರನ್ನು ಪಟ್ಟಿ ಮಾಡಲಾಗಿದೆ. ಬಾರ್ಸಿಲೋನಾ ಎಫ್‌ಸಿ ಗೆ ಆಡುವ ಮೆಸ್ಸಿ ₹ 927 ಕೋಟಿ ಆದಾಯ ಗಳಿಸಿದ್ದಾರೆ. ಯುವೆಂಟಿಸ್‌ಗೆ ಆಡುವ ರೊನಾಲ್ಡೊ ₹ 862 ಕೋಟಿ ಆದಾಯ ಪಡೆಯುತ್ತಿದ್ದಾರೆ. ಪಿಎಸ್‌ಜಿಗೆ ಆಡುವ ನೇಮರ್ (₹ 706 ಕೋಟಿ) ಮತ್ತು ಕೈಲಿಯನ್ ಎಂಬಾಪೆ (₹ 309 ಕೋಟಿ) ಅವರು ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಲಿವರ್‌ಪೂಲ್‌ನ ಮೊಹಮ್ಮದ್ ಸಲ್ಹಾ (₹ 272 ಕೋಟಿ), ಮ್ಯಾನ್‌ ಯುನೈಟೆಡ್‌ ಪಾಲ್ ಪೊಗ್ಬಾ (₹ 250 ಕೋಟಿ), ಬಾರ್ಸಿಲೋನಾದ ಆ್ಯಂಟಿಯೊನ್ ಗ್ರೀಜ್‌ಮನ್ (₹ 243 ಕೋಟಿ), ರಿಯಲ್ ಮ್ಯಾಡ್ರಿಡ್‌ ಕ್ಲಬ್‌ನ ಗೆರೆತ್ ಬಾಲೆ (₹ 213 ಕೋಟಿ), ಬೇರನ್‌ನ ರಾಬರ್ಟ್‌ ಲೆವಾಂಡೊವಸ್ಕಿ (₹ 206 ಕೋಟಿ) ಮತ್ತು ಮ್ಯಾನ್‌ ಯುನೈಟೆಡ್‌ನ ಡೇವಿಡ್ ಡಿ ಗಿಯಾ (₹ 198 ಕೋಟಿ) ಅವರು ಕ್ರಮವಾಗಿ ನಾಲ್ಕರಿಂದ ಹತ್ತರವರೆಗಿನ ಸ್ಥಾನದಲ್ಲಿದ್ದಾರೆ.