<p><strong>ನವದೆಹಲಿ:</strong> ಸಂಗ್ರೂರ್ನಲ್ಲಿ ಇದೇ ತಿಂಗಳ 27ರಂದು ಪಂಜಾಬಿನ ಸಂಗ್ರೂರಿನಲ್ಲಿ ನಿಗದಿಯಾಗಿರುವ ಇಂಡಿಯನ್ ಓಪನ್ ಅಥ್ಲೆಟಿಕ್ ಕೂಟವನ್ನು, ಸ್ಪರ್ಧಿಗಳ ಸಂಖ್ಯೆ ನಿರೀಕ್ಷೆ ಮೀರಿದ್ದರಿಂದ ಮತ್ತೊಂದು ದಿನಕ್ಕೆ ವಿಸ್ತರಿಸಲಾಗಿದೆ. ದೇಶೀ ಸರ್ಕಿಟ್ನಲ್ಲಿ ಮೊದಲ ಬಾರಿ ಈ ರೀತಿಯ ಬೆಳವಣಿಗೆಯಾಗಿದೆ.</p>.<p>ಸುಮಾರು 900 ಸ್ಪರ್ಧಿಗಳು ನೋಂದಾಯಿಸಿದ ಪರಿಣಾಮ ಒಂದು ದಿನ ಬದಲು ಎರಡು ದಿನ (ಜುಲೈ 27 ಮತ್ತು 28ರಂದು) ಸ್ಪರ್ಧೆಗಳನ್ನು ಹಮ್ಮಿಕೊಳ್ಳಬೇಕಾದ ಅಗತ್ಯ ಎದುರಾಗಿದೆ ಎಂದು ಭಾರತ ಅಥ್ಲೆಟಿಕ್ ಫೆಡರೇಷನ್ (ಎಎಫ್ಐ) ಸುತ್ತೋಲೆಯಲ್ಲಿ ತಿಳಿಸಿದೆ.</p>.<p>ಸ್ಪರ್ಧೆಗಳ ಪಟ್ಟಿಯನ್ನು ಶೀಘ್ರವೇ ಎಎಫ್ಐ ವೆಬ್ಸೈಟ್ನಲ್ಲಿ ಪ್ರಕಟಿಸಲಾಗುವುದು. ಅಥ್ಲೀಟುಗಳು ಇದಕ್ಕೆ ಅನುಗುಣವಾಗಿ ತಮ್ಮ ವಾಸ್ತವ್ಯಕ್ಕೆ ವ್ಯವಸ್ಥೆ ಮಾಡಿಕೊಳ್ಳಬೇಕು’ ಎಂದು ಅದು ತಿಳಿಸಿದೆ.</p>.<p>ಈ ಕ್ಯಾಲೆಂಡರ್ ವರ್ಷದಿಂದ ಎಎಫ್ಐ ಇದೇ ಮೊದಲ ಬಾರಿ ಎಂಟು ಇಂಡಿಯನ್ ಓಪನ್ ಅಥ್ಲೆಟಿಕ್ ಕೂಟಗಳನ್ನು ದೇಶದ ಬೇರೆ ಬೇರೆ ಕಡೆ ನಡೆಸುತ್ತಿದೆ. ಅಥ್ಲೀಟುಗಳಿಗೆ ಹೆಚ್ಚಿನ ಅವಕಾಶ ನೀಡಲು ಮತ್ತು ಅವರು ತಮ್ಮ ತವರು ಅಥವಾ ನೆರೆಯ ರಾಜ್ಯಗಳಲ್ಲಿ ಸ್ಪರ್ಧಿಸಲು ಅನುವಾಗುವಂತೆ ಈ ಕ್ರಮ ಕೈಗೊಂಡಿದೆ.</p>.<p>ಸಂಗ್ರೂರಿನಲ್ಲಿ ಎರಡನೇ ಬಾರಿ ಈ ಕೂಟ ನಡೆಯುತ್ತಿದೆ. ಏಪ್ರಿಲ್ 1ರಂದು ಇಲ್ಲಿ ಇಂಡಿಯನ್ ಓಪನ್ ಕೂಟ ನಡೆದಾಗ 130 ಮಂದಿ ಭಾಗವಹಿಸಿದ್ದರು.</p>.<p>ಗುಜರಾತ್ ನಡಿಯಾಡ್ (ಏಪ್ರಿಲ್ 5), ರಾಂಚಿ (ಏಪ್ರಿಲ್ 10), ಚೆನ್ನೈ (ಏಪ್ರಿಲ್ 15), ಬೆಂಗಳೂರು (ಜೂನ್ 28) ಮತ್ತು ಪುಣೆಯಲ್ಲಿ (ಜುಲೈ 12) ಇದಕ್ಕೆ ಮೊದಲು ಈ ಕೂಟಗಳು ನಡೆದಿವೆ. ಸಂಗ್ರೂರ್ ಕೂಟಕ್ಕಿಂತ ಪಟ್ನಾದಲ್ಲಿ ಜುಲೈ 19ರಂದು ಪಟ್ನಾದಲ್ಲಿ ಇಂಡಿಯನ್ ಓಪನ್ ಕೂಟ ನಡೆಯಲಿದೆ.</p>.<p>ಆಗಸ್ಟ್ 20 ರಿಂದ 24ರವರೆಗೆ ಚೆನ್ನೈನಲ್ಲಿ ರಾಷ್ಟ್ರೀಯ ಅಂತರ–ರಾಜ್ಯ ಸೀನಿಯರ್ ಚಾಂಪಿಯನ್ಷಿಪ್ ನಡೆಯಲಿದೆ. ಈ ಕೂಟದಲ್ಲಿ ಭಾಗವಹಿಸಬೇಕಾದರೆ, ಇಂಥ ದೇಶಿ ಕೂಟಗಳಲ್ಲಿ (ಮೇ 1 ರಿಂದ ಆಗಸ್ಟ್ 10ರ ನಡುವೆ) ಎಎಫ್ಐ ನಿಗದಿಪಡಿಸಿದ ಮಾನದಂಡಗಳನ್ನು ಅಥ್ಲೀಟುಗಳು ತಲುಪಬೇಕು ಎಂದು ಎಎಫ್ಐ ಕಡ್ಡಾಯಗೊಳಿಸಿದೆ.</p>.<p>ಅಥ್ಲೀಟುಗಳು ತಮ್ಮ ರಾಜ್ಯದ ಸಂಸ್ಥೆಗಳು ಆಯೋಜಿಸಿದ ಚಾಂಪಿಯನ್ಷಿಪ್ಗಳಲ್ಲಿ ಭಾಗವಹಿಸುವುದರ ಜೊತೆಗೆ ಎಎಫ್ಐ ಆಯೋಜಿಸಿದ ಯಾವುದಾದರೂ ಒಂದು ಕೂಟದಲ್ಲಿ ಭಾಗವಹಿಸಬೇಕೆಂದೂ ಎಎಫ್ಐ ನಿಯಮ ಹೇರಿದೆ.</p>.<p>ಒಂದೊಮ್ಮೆ ರಾಜ್ಯ ಸಂಸ್ಥೆಯು ಮೇಲ್ಕಂಡ ಅವಧಿಯಲ್ಲಿ ಯಾವುದೇ ಚಾಂಪಿಯನ್ಷಿಪ್ ನಡೆಸದಿದ್ದಲ್ಲಿ, ಎಎಫ್ಐನ ಎರಡು ಕೂಟಗಳಲ್ಲಿ (ಇಂಡಿಯನ್ ಓಪನ್ ಅಥವಾ ಗ್ರ್ಯಾನ್ಪ್ರಿ ಕೂಟಗಳು) ಅಥ್ಲೀಟುಗಳು ಭಾಗವಹಿಸಿ ನಿಗದಿಪಡಿಸಿದ ಅರ್ಹತಾ ಮಾನದಂಡ ಪೂರೈಸಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಸಂಗ್ರೂರ್ನಲ್ಲಿ ಇದೇ ತಿಂಗಳ 27ರಂದು ಪಂಜಾಬಿನ ಸಂಗ್ರೂರಿನಲ್ಲಿ ನಿಗದಿಯಾಗಿರುವ ಇಂಡಿಯನ್ ಓಪನ್ ಅಥ್ಲೆಟಿಕ್ ಕೂಟವನ್ನು, ಸ್ಪರ್ಧಿಗಳ ಸಂಖ್ಯೆ ನಿರೀಕ್ಷೆ ಮೀರಿದ್ದರಿಂದ ಮತ್ತೊಂದು ದಿನಕ್ಕೆ ವಿಸ್ತರಿಸಲಾಗಿದೆ. ದೇಶೀ ಸರ್ಕಿಟ್ನಲ್ಲಿ ಮೊದಲ ಬಾರಿ ಈ ರೀತಿಯ ಬೆಳವಣಿಗೆಯಾಗಿದೆ.</p>.<p>ಸುಮಾರು 900 ಸ್ಪರ್ಧಿಗಳು ನೋಂದಾಯಿಸಿದ ಪರಿಣಾಮ ಒಂದು ದಿನ ಬದಲು ಎರಡು ದಿನ (ಜುಲೈ 27 ಮತ್ತು 28ರಂದು) ಸ್ಪರ್ಧೆಗಳನ್ನು ಹಮ್ಮಿಕೊಳ್ಳಬೇಕಾದ ಅಗತ್ಯ ಎದುರಾಗಿದೆ ಎಂದು ಭಾರತ ಅಥ್ಲೆಟಿಕ್ ಫೆಡರೇಷನ್ (ಎಎಫ್ಐ) ಸುತ್ತೋಲೆಯಲ್ಲಿ ತಿಳಿಸಿದೆ.</p>.<p>ಸ್ಪರ್ಧೆಗಳ ಪಟ್ಟಿಯನ್ನು ಶೀಘ್ರವೇ ಎಎಫ್ಐ ವೆಬ್ಸೈಟ್ನಲ್ಲಿ ಪ್ರಕಟಿಸಲಾಗುವುದು. ಅಥ್ಲೀಟುಗಳು ಇದಕ್ಕೆ ಅನುಗುಣವಾಗಿ ತಮ್ಮ ವಾಸ್ತವ್ಯಕ್ಕೆ ವ್ಯವಸ್ಥೆ ಮಾಡಿಕೊಳ್ಳಬೇಕು’ ಎಂದು ಅದು ತಿಳಿಸಿದೆ.</p>.<p>ಈ ಕ್ಯಾಲೆಂಡರ್ ವರ್ಷದಿಂದ ಎಎಫ್ಐ ಇದೇ ಮೊದಲ ಬಾರಿ ಎಂಟು ಇಂಡಿಯನ್ ಓಪನ್ ಅಥ್ಲೆಟಿಕ್ ಕೂಟಗಳನ್ನು ದೇಶದ ಬೇರೆ ಬೇರೆ ಕಡೆ ನಡೆಸುತ್ತಿದೆ. ಅಥ್ಲೀಟುಗಳಿಗೆ ಹೆಚ್ಚಿನ ಅವಕಾಶ ನೀಡಲು ಮತ್ತು ಅವರು ತಮ್ಮ ತವರು ಅಥವಾ ನೆರೆಯ ರಾಜ್ಯಗಳಲ್ಲಿ ಸ್ಪರ್ಧಿಸಲು ಅನುವಾಗುವಂತೆ ಈ ಕ್ರಮ ಕೈಗೊಂಡಿದೆ.</p>.<p>ಸಂಗ್ರೂರಿನಲ್ಲಿ ಎರಡನೇ ಬಾರಿ ಈ ಕೂಟ ನಡೆಯುತ್ತಿದೆ. ಏಪ್ರಿಲ್ 1ರಂದು ಇಲ್ಲಿ ಇಂಡಿಯನ್ ಓಪನ್ ಕೂಟ ನಡೆದಾಗ 130 ಮಂದಿ ಭಾಗವಹಿಸಿದ್ದರು.</p>.<p>ಗುಜರಾತ್ ನಡಿಯಾಡ್ (ಏಪ್ರಿಲ್ 5), ರಾಂಚಿ (ಏಪ್ರಿಲ್ 10), ಚೆನ್ನೈ (ಏಪ್ರಿಲ್ 15), ಬೆಂಗಳೂರು (ಜೂನ್ 28) ಮತ್ತು ಪುಣೆಯಲ್ಲಿ (ಜುಲೈ 12) ಇದಕ್ಕೆ ಮೊದಲು ಈ ಕೂಟಗಳು ನಡೆದಿವೆ. ಸಂಗ್ರೂರ್ ಕೂಟಕ್ಕಿಂತ ಪಟ್ನಾದಲ್ಲಿ ಜುಲೈ 19ರಂದು ಪಟ್ನಾದಲ್ಲಿ ಇಂಡಿಯನ್ ಓಪನ್ ಕೂಟ ನಡೆಯಲಿದೆ.</p>.<p>ಆಗಸ್ಟ್ 20 ರಿಂದ 24ರವರೆಗೆ ಚೆನ್ನೈನಲ್ಲಿ ರಾಷ್ಟ್ರೀಯ ಅಂತರ–ರಾಜ್ಯ ಸೀನಿಯರ್ ಚಾಂಪಿಯನ್ಷಿಪ್ ನಡೆಯಲಿದೆ. ಈ ಕೂಟದಲ್ಲಿ ಭಾಗವಹಿಸಬೇಕಾದರೆ, ಇಂಥ ದೇಶಿ ಕೂಟಗಳಲ್ಲಿ (ಮೇ 1 ರಿಂದ ಆಗಸ್ಟ್ 10ರ ನಡುವೆ) ಎಎಫ್ಐ ನಿಗದಿಪಡಿಸಿದ ಮಾನದಂಡಗಳನ್ನು ಅಥ್ಲೀಟುಗಳು ತಲುಪಬೇಕು ಎಂದು ಎಎಫ್ಐ ಕಡ್ಡಾಯಗೊಳಿಸಿದೆ.</p>.<p>ಅಥ್ಲೀಟುಗಳು ತಮ್ಮ ರಾಜ್ಯದ ಸಂಸ್ಥೆಗಳು ಆಯೋಜಿಸಿದ ಚಾಂಪಿಯನ್ಷಿಪ್ಗಳಲ್ಲಿ ಭಾಗವಹಿಸುವುದರ ಜೊತೆಗೆ ಎಎಫ್ಐ ಆಯೋಜಿಸಿದ ಯಾವುದಾದರೂ ಒಂದು ಕೂಟದಲ್ಲಿ ಭಾಗವಹಿಸಬೇಕೆಂದೂ ಎಎಫ್ಐ ನಿಯಮ ಹೇರಿದೆ.</p>.<p>ಒಂದೊಮ್ಮೆ ರಾಜ್ಯ ಸಂಸ್ಥೆಯು ಮೇಲ್ಕಂಡ ಅವಧಿಯಲ್ಲಿ ಯಾವುದೇ ಚಾಂಪಿಯನ್ಷಿಪ್ ನಡೆಸದಿದ್ದಲ್ಲಿ, ಎಎಫ್ಐನ ಎರಡು ಕೂಟಗಳಲ್ಲಿ (ಇಂಡಿಯನ್ ಓಪನ್ ಅಥವಾ ಗ್ರ್ಯಾನ್ಪ್ರಿ ಕೂಟಗಳು) ಅಥ್ಲೀಟುಗಳು ಭಾಗವಹಿಸಿ ನಿಗದಿಪಡಿಸಿದ ಅರ್ಹತಾ ಮಾನದಂಡ ಪೂರೈಸಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
