Tokyo Olympics: ಈಜುಕೊಳದ ಯುವರಾಜ ಹಫ್ನೋಯಿ

‘ದೇಶದ ಧ್ವಜ ಎತ್ತರೆತ್ತರಕ್ಕೆ ಏರುತ್ತಿರುವುದನ್ನು ಕಂಡಾಗ ಹೃದಯ ತುಂಬಿ ಬಂತು. ಅದರ ಬೆನ್ನಲ್ಲೇ ರಾಷ್ಟ್ರಗೀತೆ ಮೊಳಗಿದಾಗ ಕಣ್ಣುಗಳು ಮಂಜಾದವು. ಚಿನ್ನದ ಪದಕ ಕೊರಳನ್ನು ಅಲಂಕರಿಸುತ್ತಿದ್ದಂತೆ ಆನಂದಬಾಷ್ಪ ಹರಿಯಿತು. ನಾನಾಗ ತುಂಬ ಭಾವುಕನಾಗಿದ್ದೆ...’

. 18ರ ಹರಯದ ಅಹಮ್ಮದ್ ಹಫ್ನೋಯಿ ಟೋಕಿಯೊದಲ್ಲಿ ಒಲಿಂಪಿಕ್ಸ್ ಪದಕ ಪ್ರದಾನ ಸಮಾರಂಭದ ವೇದಿಕೆಯಿಂದ ಇಳಿದ ಕೂಡಲೇ ಆಡಿದ ಮಾತುಗಳಲ್ಲಿ ಹೃದಯಾಂತರಾಳದ ಭಾವನೆ ಇತ್ತು; ಅಭಿಮಾನ ತುಂಬಿತ್ತು.

. ಟುನೀಷಿಯಾದ 18ರ ಹರಯದ ಆಹಮ್ಮದ್ ಜುಲೈ 25ರಂದು ಒಲಿಂಪಿಕ್ಸ್ ಈಜು ಸ್ಪರ್ಧೆಯ 400 ಮೀಟರ್ಸ್ ಫ್ರೀಸ್ಟೈಲ್ ವಿಭಾಗದಲ್ಲಿ ಚಾಂಪಿಯನ್ ಆಗಿ ‘ಈಜುಕೊಳದ ದೊಡ್ಡಣ್ಣ’ರನ್ನೇ ದಂಗುಬಡಿಸಿದ್ದರು. ಅವರು ಚಿನ್ನದ ಪದಕಕ್ಕೆ ಮುತ್ತಿಡುವ ಮೊದಲೇ ಟುನೀಷಿಯಾದಲ್ಲಿ ಸಂಭ್ರಮದ ಅಲೆ ಎದ್ದಿತ್ತು. ಯಾಕೆಂದರೆ ಅಂದು, ಆ ದೇಶದ ಗಣರಾಜ್ಯೋತ್ಸವ ಆಗಿತ್ತು. ಪ್ರಭುತ್ವವನ್ನು ಮೀರಿ ನಿಂತು 1957ರಲ್ಲಿ ‘ಸ್ವತಂತ್ರ’ವಾದ ದಿನವಾಗಿತ್ತು.

. ಅತ್ತ ತನ್ನ ದೇಶದ ಜನರು ಖುಷಿಯಿಂದ ಇದ್ದಾಗ ಇತ್ತ ಈಜುಕೊಳಕ್ಕೆ ಧುಮುಕಿದ ಅಹಮ್ಮದ್ ಹಫ್ನೋಯಿ 400 ಮೀಟರ್ಸ್ ಅಂತರ ಕ್ರಮಿಸಿ ಎದ್ದಾಗ ಚಿನ್ನದ ಹೊಳಪು ಮೂಡಿತ್ತು. ಅರ್ಹತಾ ಸುತ್ತಿನಲ್ಲಿ ಕೊನೆಯವರಾಗಿ ಫೈನಲ್ ಪ್ರವೇಶಿಸಿದ್ದ ಅಹಮ್ಮದ್ ಪದಕದ ಸುತ್ತಿನಲ್ಲಿ ಮೊದಲಿಗರಾಗಿ ಮೇಲೆದ್ದಿದ್ದರು. ಆ ಮೂಲಕ ಅಮೆರಿಕ ಮತ್ತು ಆಸ್ಟ್ರೇಲಿಯಾದ ಈಜುಪಟುಗಳನ್ನು ಅಚ್ಚರಿಗೊಳಿಸಿದ್ದರು. ಅಂದು ಸ್ಪರ್ಧೆಗಿದ್ದ ಒಟ್ಟು 12 ಪದಕಗಳಲ್ಲಿ ಆರು ಅಮೆರಿಕ ಪಾಲಾಗಿದ್ದರೆ ಮೂರು ಆಸ್ಟ್ರೇಲಿಯಾದವರ ಕೊರಳು ಸೇರಿದ್ದವು.

. 400 ಮೀಟರ್ಸ್ ಫ್ರೀಸ್ಟೈಲ್ನಲ್ಲಿ ಆಸ್ಟ್ರೇಲಿಯಾದ ಜ್ಯಾಕ್ ಮೆಕ್ಲಾಘ್ಲಿನ್ ಅವರನ್ನು ಹಿಂದಿಕ್ಕಿ ಅಹಮ್ಮದ್ 3 ನಿಮಿಷ 43.36 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದ್ದರು. ವಿಂಬಲ್ಡನ್ ಟೂರ್ನಿಯ ಮಹಿಳಾ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿ ಗಮನ ಸೆಳೆದಿದ್ದ ಒನ್ಸ್ ಜಬೆವುರ್ ಅವರ ಸಾಧನೆಗೆ ಪುಳಕಗೊಂಡಿದ್ದ ಟುನೀಷಿಯಾದ ಕ್ರೀಡಾಕ್ಷೇತ್ರದಲ್ಲಿ ಮತ್ತಷ್ಟು ಭರವಸೆ ಮೂಡಿಸಿತ್ತು,ಅಹಮ್ಮದ್ ಅವರ ಸಾಧನೆ.

. ಕೊರೊನಾದಿಂದಾಗಿ ಟುನೀಷಿಯಾದಲ್ಲಿ ಈಗ ಆತಂಕ ಪರಿಸ್ಥಿತಿ ನಿರ್ಮಾಣವಾಗಿದೆ. ಅಲ್ಲಿನ ಸಾರ್ವಜನಿಕ ಆಸ್ಪತ್ರೆಗಳಲ್ಲಿ ರೋಗಿಗಳಿಗೆ ಚಿಕಿತ್ಸೆ ನೀಡಲು ಪರದಾಟ ನಡೆಯುತ್ತಿದೆ. ಇಂಥ ಪರಿಸ್ಥಿತಿಯಲ್ಲಿ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲು ಬಂದಿರುವ ಅವರು ಸವಾಲುಗಳನ್ನು ಮೆಟ್ಟಿನಿಂತೇ ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದಾರೆ.

. ಅಹಮ್ಮದ್ ಹಫ್ನೋಯಿ

. ಜನನ ಡಿಸೆಂಬರ್ 4, 2002

. ಜನಿಸಿದ ಊರು ಗಾಫ್ಸ, ಮೆಟ್ಲಾಯಿ

. ಪಾಲ್ಗೊಂಡ ಸ್ಪರ್ಧೆ 400 ಮೀ ಫ್ರೀಸ್ಟೈಲ್ಸ್

. ಚಿನ್ನ ಗೆದ್ದ ಕಾಲ 3:43.36

. ––––

. ಸಾಧನೆಗಳು

. 2018ರ ವಿಶ್ವ ಚಾಂಪಿಯನ್ಷಿಪ್ 4x200 ಮೀನಲ್ಲಿ ಬೆಳ್ಳಿ ಪಕದ

. 2018ರ ವಿಶ್ವ ಚಾಂಪಿಯನ್ಷಿಪ್ 800 ಮೀನಲ್ಲಿ ಕಂಚಿನ ಪದಕ

. 2018ರ ವಿಶ್ವ ಚಾಂಪಿಯನ್ಷಿಪ್ 1500 ಮೀನಲ್ಲಿ ಕಂಚಿನ ಪಕದ

. 2018ರ ವಿಶ್ವ ಚಾಂಪಿಯನ್ಷಿಪ್ 4x100 ಮೀನಲ್ಲಿ ಕಂಚಿನ ಪದಕ

. 2018ರ ಯೂತ್ ಒಲಿಂಪಿಕ್ಸ್ 800 ಮೀನಲ್ಲಿ 7ನೇ ಸ್ಥಾನ

. 2018ರ ಯೂತ್ ಒಲಿಂಪಿಕ್ಸ್ 400 ಮೀನಲ್ಲಿ 8ನೇ ಸ್ಥಾನ

. 2019ರ ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ 800 ಮೀನಲ್ಲಿ 4ನೇ ಸ್ಥಾನ

. 2019ರ ವಿಶ್ವ ಜೂನಿಯರ್ ಚಾಂಪಿಯನ್ಷಿಪ್ 1500 ಮೀನಲ್ಲಿ 6ನೇ ಸ್ಥಾನ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Tokyo Olympics: ಈಜುಕೊಳದ ಯುವರಾಜ ಹಫ್ನೋಯಿ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ